ەرتەڭ رەسەي فەدەراتسياسىنىڭ پرەزيدەنتى ۆلاديمير پۋتين رەسمي ءىس-ساپارمەن قازاقستانعا كەلەدى، - دەپ حابارلايدى اقوردانىڭ ءباسپاسوز قىزمەتى.

نۇرسۇلتان نازارباەۆ پەن ۆلاديمير پۋتين اراسىنداعى كەزدەسۋ ەرتەڭ اقوردادا وتەدى.

ول جەردە ەكى ەل باسشىلارى ەۋرازيالىق ەكونوميكالىق وداق جانە باسقا دا ۇيىمدار اياسىنداعى قارىم-قاتىناس جايىن تالقىلاماق.

ەكىجاقتى كەزدەسۋلەردەن سوڭ مەملەكەت باسشىلارى قازاقستان-رەسەي بيزنەس فورۋمىنا دا قاتىسادى دەپ كۇتىلۋدە.

بۇدان ارى پرەزيدەنتتەر استانادا وتەتىن قازاقستان مەن رەسەيدىڭ ءحىىى ايماقارالىق ارىپتەستىك فورۋمىنىڭ جۇمىسىنا قاتىسادى دەپ جوسپارلانعان.

پلەنارلى وتىرىستار اياقتالعان سوڭ ن.نازارباەۆ پەن ۆ.پۋتين بىرقاتار قۇجاتتارعا قول قويماق.

بۇگىن رەسەي پرەزيدەنتى ورىنبور وبلىسىندا كاسىپكەرلەرمەن كەزدەسىپ ءجۇر.

ايتا كەتەيىك، وسىعان دەيىن نۇرسۇلتان نازارباەۆ پەن ۆلاديمير پۋتين 16-قىركۇيەكتە بىشكەكتە وتكەن تمد ەلدەرى باسشىلارىنىڭ جيىنىندا جولىققان بولاتىن.

Abai.kz