كەشە قر اۋىل شارۋاشىلىعى مينيسترلىگىندە وسى مينيسترلىكتىڭ جانىندا جەر زاڭناماسىن جەتىلدىرۋ جونىندە قۇرىلعان جۇمىس توبىنىڭ قىزمەتى بارىسى تۋرالى تانىستىرۋ بولىپ ءوتتى، - دەپ حابارلادى اشم ءباسپاسوز قىزمەتى.

جۇمىس توبى قر پرەمەر-ءمينيسترىنىڭ ورىنباسارى – قر اۋىل شارۋاشىلىعى ءمينيسترى ا. مىرزاحمەتوۆتىڭ 2016 جىلعى 21 قىركۇيەكتەگى № 396 بۇيرىعىمەن قۇرىلعان. جۇمىس توبى قۇرامىنا 39 مۇشە: مۇددەلى ورتالىق مەملەكەتتىك ورگانداردىڭ وكىلدەرى، وبلىستار اكىمدەرىنىڭ جەتەكشىلىك ەتەتىن ورىنباسارلارى، وبلىستاردىڭ، الماتى جانە استانا قالالارىنىڭ جەرگىلىكتى اتقارۋشى ورگانداردىڭ، ۇلتتىق كاسىپكەرلەر پالاتاسىنىڭ وكىلدەرى، قر عىلىم اكادەمياسىنىڭ عالىمدارى كىردى.

جۇمىس توبىنىڭ نەگىزگى مىندەتى – «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەر قاتىناستارىن رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭ جوباسىن جانە اۋىل شارۋاشىلىعى ماقساتىنداعى جەرلەردى جالعا بەرۋ ينستيتۋتىن جەتىلدىرۋ جونىندەگى نورماتيۆتىك-قۇقىقتىق اكتىلەردى ازىرلەۋ بولىپ تابىلادى.

بۇل مىندەت جۇمىس توبىنا مەملەكەت باسشىسىنىڭ «جەر زاڭناماسىنىڭ كەيبىر نورمالارىن قولدانۋعا موراتوري ەنگىزۋ تۋرالى» قازاقستان رەسپۋبليكاسى پرەزيدەنتىنىڭ 2016 جىلعى 6 مامىرداعى № 248 جارلىعى جانە قازاقستان رەسپۋبليكاسى پرەمەر-ءمينيسترىنىڭ 2016 جىلعى 10 مامىرداعى № 38-ءو وكىمى نەگىزىندە قالىپتاسقان جەر رەفورماسى جونىندەگى كوميسسيا قىزمەتىنىڭ قورىتىندىلارى بويىنشا 2016 جىلعى 17 تامىزداعى № 3214 تاپسىرماسىنىڭ نەگىزىندە جۇكتەلگەن.

جۇمىس توبىنىڭ جەتەكشىسى قر اۋىل شارۋاشىلىعى ۆيتسە-ءمينيسترى ە.ن. نىسانباەۆ.

تانىستىرۋ بارىسىندا ەرلان نىسانباەۆ جۇمىس توبىنىڭ اتقارعان قىزمەتى تۋرالى باياندادى.

ونىڭ حابارلاۋىنشا، بۇگىنگى كۇنى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەر قاتىناستارىن رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭ جوباسىنىڭ تۇجىرىمداماسى ازىرلەندى. زاڭ جوباسىنىڭ تۇجىرىمداماسى اشىق نورماتيۆتىك-قۇقىقتىق اكتىلەردىڭ ينتەرنەت-پورتالىنا كوپشىلىك تالقىلاۋى ءۇشىن ورنالاستىرىلدى، سونداي-اق، قۇقىقتىق ساراپتاماعا جولداندى.

ونىڭ نەگىزىندە قازىرگى ۋاقىتتا زاڭ جوباسى ازىرلەنىپ جاتىر.
زاڭ جوباسى نەگىزىنەن جەر كودەكسىنە وزگەرىستەر مەن تولىقتىرۋلار ەنگىزۋدى كوزدەيدى.
زاڭ جوباسىنىڭ نەگىزگى ماقساتى جەر رەفورماسى جونىندەگى كوميسسيانىڭ قابىلداعان ۇسىنىسىنىڭ نەگىزىندە قازاقستاندىقتارعا اۋىل شارۋاشىلىعىن جۇرگىزۋ ءۇشىن جەرلەردى جالعا بەرۋ نورمالارىن جەتىلدىرۋ بولىپ تابىلادى.

زاڭ جوباسى اۋىل شارۋاشىلىعى جەرلەرىن بەرۋدىڭ اشىق مەحانيزمدەرىن بەلگىلەۋگە، سونداي-اق، جەرلەدى ۇتىمدى پايدالانۋعا باقىلاۋدى كۇشەيتۋگە باعىتتالاتىن بولادى.

ۆيتسە-ءمينيستردىڭ ايتۋىنشا جەر قاتىناستارى سالاسىنداعى ءوزارا قارىم-قاتىناستىڭ ۇسىنىلاتىن جاڭا جۇيەسى ازاماتتىق قوعامنىڭ دامۋىنا، جەرگىلىكتى اتقارۋشى ورگاندار قىزمەتىنىڭ جاريالى بولۋىنا ىقپال ەتەدى، سونداي-اق، اۋىل شارۋاشىلىعى جەرلەرىن بەرۋ پروتسەستەرىن اقپاراتتاندىرۋعا جانە ونىڭ اشىق بولۋىنا باعدارلانعان.

ازىرلەنگەن سوڭ زاڭ جوباسى كوپشىلىك تالقىلاۋىنا ۇسىنىلاتىن بولادى.
زاڭ جوباسىنىڭ قازاقستان رەسپۋبليكاسىنىڭ پارلامەنتى ماجىلىسىنە ەنگىزىلۋى اعىمداعى جىلدىڭ قاراشا ايىنىڭ اياعىنا جوسپارلانىپ وتىر.

انىقتامالىق: جالپى رەسپۋبليكا بويىنشا 31,3 مىڭ گا جەردى شەتەلدىك جەر پايدالانۋشىلارى جالعا الىپ وتىر. جالپىلاي العاندا، ەل اۋماعىنداعى اۋىل شارۋاشىلىعى ماقساتىنداعى جەرلەردىڭ كولەمى 100835,4 مىڭ گا قۇرايدى جانە مۇنداعى شەتەلدىك جەر پايدالانۋشىلاردىڭ ۇلەستىك سالماعى 0,03%.

Abai.kz