بۇگىن ءوڭىر باسشىسى ب.اتامقۇلوۆ 1 قازان - حالىقارالىق قارتتار كۇنى مەرەكەسىنە وراي ۇيىمداستىرىلعان سالتاناتتى شاراعا قاتىستى. وندا ءوڭىر باسشىسى قازىنالى قاريالاردى مەرەكەمەن قۇتتىقتاپ، بىرقاتار ارداگەرلەردى ماراپاتتادى.  

«ەلباسىمىز نۇرسۇلتان ءابىشۇلى نازارباەۆ «ارداگەرلەر – ءبىزدىڭ التىن قورىمىز، ماقتانىشىمىز» دەپ ءاردايىم ءوزىنىڭ ارداگەرلەرگە دەگەن قۇرمەتىن ءبىلدىرىپ وتىرادى. سىزدەردىڭ ومىرلىك تاجىريبەلەرىڭىز بەن اقىل-كەڭەستەرىڭىزدىڭ ورنى ءبىز ءۇشىن قاشاندا بولەك. قادىرمەندى ارداگەرلەر! «قارتى بار ەل – قازىنالى ەل» دەگەندەي، سىزدەر ءبىزدىڭ قازىنامىز بولۋمەن قاتار، باعىت-باعدار بەرەتىن دانالىقتىڭ سارقىلماس بۇلاعىسىزدار»، - دەدى ايماق باسشىسى.سونداي-اق، مەرەكەلىك شارادا وبلىس اكىمى «قارتتارىم-قازىنام» وبلىستىق اكتسياسىن وتكىزۋدى ۇسىندى.

تاۋەلسىزدىگىمىزدىڭ 25 جىلدىعى قارساڭىندا وبلىستاعى ارداگەرلەرىمىزگە جان-جاقتى قامقورلىق شارالارىن ۇيىمداستىرىپ، بارىنشا قولداۋ كورسەتۋدى ماقسات تۇتقان شاراعا اتقارۋشى، وكىلەتتى، قۇقىق قورعاۋ ورگاندارى، كاسىپكەرلەر مەن وبلىس تۇرعىندارى شاقىرىلدى.

ايتا كەتەيىك، وبلىستا  220 مىڭنان استام زەينەتكەر بولسا، ونىڭ 300-ءى ۇلى وتان سوعىسىنىڭ ارداگەرلەرى، 2942-ءى ۇلى وتان سوعىسىنىڭ قاتىسۋشىلارى مەن مۇگەدەكتەرىنە تەڭەستىرىلگەندەر بولىپ تابىلادى. ال 21 مىڭعا جۋىق تىل ەڭبەككەرلەرى ەسەپكە الىنعان. بۇگىنگى تاڭدا مەملەكەتپەن كەپىلدەندىرىلگەن تولەمدەر كولەمى جىل سايىن كوتەرىلۋدە، وبلىستىق جانە جەرگىلىكتى بيۋدجەتتەر قارجىسى ەسەبىنەن دە ءتۇرلى الەۋمەتتىك قولداۋلار ۇيىمداستىرىلىپ كەلەدى. اتاپ ايتقاندا 3 مىڭنان استام سوعىس ارداگەرلەرى مەن از قامتاماسىز ەتىلگەن قاريالىق وبلىستىق باسىلىمدارعا تەگىن جازدىرىلىپ كەلەدى. «قامقورلىق» اكتسياسى شەڭبەرىندە بيىلدىڭ وزىندە 10,9 مىڭ جۋىق ارداگەر قوعامدىق كولىكتەردە تەگىن جۇرۋگە، كوممۋنالدىق قىزمەتتەرگە جەڭىلدىكتەر الدى. 

ارداگەرلەردى ساۋىقتىرۋ ماسەلەلەرىنە دە ەرەكشە ءمان بەرىلەدى. مۇقتاج ازاماتتاردى ساۋىقتىرۋدا وبلىس ورتالىعىنداعى «ارداگەرلەر ءۇيى» مەن «مەيىر» ارداگەرلەر ۇيىندە جىلىنا 8 مىڭعا جۋىق ادام ەم الىپ، دەمالادى.

وقو اكىمىنىڭ ءباسپاسوز قىزمەتى