وڭتۇستىك قازاقستان وبلىسىنىڭ كاسىپكەرلەرى «اعا ساراپشىلار قىزمەتى» (نەمىس تىلىندە – SES) بويىنشا گەرمانيا ەلىنىڭ تاجىريبەلى ماماندارى كومەگىمەن وندىرىستەگى بىلىكتىلىگىن ارتتىرۋدا. 1 ايدان 6 ايعا دەيىنگى ارالىقتا شەتەلدىك ساراپشىلار الەمدىك ستاندارتقا ساي تاجىريبەمەن بولىسەدى. بۇگىندە شىمكەنت قالاسىنا 3 شەتەلدىك مامان شاقىرىلعان. ونىڭ ەكەۋى كەروموگرانيت وندىرەتىن وتاندىق «زەردە-كەراميكا» زاۋىتىندا قىزمەت كورسەتۋدە.

شىعارىلاتىن ءونىمنىڭ ساپاسىن ارتتىرۋ جانە ونى وڭىردە سۇرانىسىن جانداندىرۋ ماقساتىندا «زەردە-كەراميكا» كومپانياسى وقو كاسىپكەرلەر پالاتاسى كومەگىمەن «اعا ساراپشىلار» باعدارلاماسىمەن 2 شەتەلدىك مامان جۇمىسقا شاقىردى. كومپانيانىڭ كومەرتسيالىق ديرەكتورى ارتۋر پازىلبەكوۆ شەتەلدىك ماماننىڭ قۇرىلىس سالاسىن قىر-سىرىن اشىپ، زاۋىتتى ءارى قاراي قارقىندى دامىتۋعا كومەك بەرەتىنىنە كوز  جەتكىزگەن سوڭ اتالمىش باعدارلاماعا قاتىسۋعا نيەت بىلدىرگەن.

ء«ونىم تۇرلەرىن ارتتىرۋ جانە ونىڭ ساپاسىن جوعارىلاتۋ،  سونداي-اق ينۆەستورلار تارتۋ مەن شەتەلدىك ونىمگە تاۋەلدى بولماۋ ماقساتىندا ءبىز «اعا ساراپشىلار» باعدارلاماسىنا قاتىسىپ، گەرمانيادان بىلىكتى ماماندارعا وقو كاسىپكەرلەر پالاتاسى كومەگىمەن سۇرانىس بىلدىردىك. بۇگىندە شەتەلدىك مامان زاۋىت قىزمەتكەرلەرىنە ءونىمدى قالاي ساپالى ءارى قولجەتىمدى ەتۋ جولدارىن ۇيرەتۋدە. جىلدار بويى جيناعان تاجىريبەسىن ءىس جۇزىندە كورسەتۋدە» - دەدى  ارتۋر پازىلبەكوۆ.

جوعارى ساناتتاعى شەتەلدىك مامان ۋلريح كلوكە بار ءومىرىن ماركەتينگ، بيزنەس يدەيالاردى جۇزەگە اسىرۋ، ساتىلىمدى ۇلعايتۋ، نارىقتىق تالداۋ جاساۋ سياقتى سالاردى زەرتتەۋگە ارناعان. اتالعان باعدارلاما بويىنشا ناميبيا (افريكا), سەربيا جانە بولگاريا ەلدەرىندە مامانداردى وقىتقان. 1974 جىلدان بەرى گەمانيا ەلىندە قۇرىلىس زاتتارى دۇكەنىن اشىپ، كەراموگرانيت وڭدەۋمەن اينالىسقان. قازاقستانعا العاش رەت تابان تىرەگەن ساراپشى قۇرىلىس زاتىن شىعاراتىن وسىنداي ءوندىرىس وشاعىنىڭ بار ەكەنىن بىلمەگەن كورىنەدى.

«مەن قازاقستانعا العاش رەت كەلدىم. «زەردە-كەراميكا» كاسىپورىنىڭ جۇمىسى شەتەلدىك ستاندارتتارعا ساي جۇرگىزىلەدى ەكەن. جەرگىلىكتى جەردەگى ءىستىڭ احۋالىنا تالداۋ جۇرگىزدىم.  بۇگىندە زاۋىت ءونىمىنىڭ ساپاسىن ارتتىرۋ جانە ونى قولجەتىمدى ەتۋ ءۇشىن ءوز رەتسەپتۋرالارىمدى ۇسىندىم» - دەدى شەتەلدىك اعا ساراپشى ۋلريح كلوكە.

 وسىنداي تاجىريبەلى ماماننىڭ ءبىرى وتاندىق ءىرى تىگىن فابريكاسىندا جۇمىس ىستەۋدە. «التىن ادام» ماركالى تىگىن فابريكاسى — رەسپۋبليكامىزداعى ەرلەر جانە ايەلدەر كوستيۋمىن تىگەتىن تاڭداۋلى كاسىپورىن. كۇنىنە 500 كوستيۋمدى ساتىلىمعا شىعاراتىن فابريكا ءوز ءونىمىن ەلىمىزدىڭ بارلىق وڭىرلەرىنە جەتكىزەدى. فابريكادا جىلىنا 26 400 دانا كوستيۋم، 52 800 دانا شالبار تىگىلىپ، بۇگىندە 103 ادام جۇمىس ىستەيدى. دۋالدى وقىتۋ جۇيەسىمەن جاس ماماندار دايىندالىپ، بىلىكتىلىگىن ارتتىرعان سوڭ جۇمىسقا كىرىسەدى. فابريكا باسشىلىعى كاسىپورىن جۇمىسشىلارىن زاماناۋي كيىم ۇلگىلەرىن جوعارى دارەجەدە تىگىپ ۇيرەنۋى ءۇشىن شەتەلدەن مامان شاقىرتۋعا بەل بۋعان.

ء«بىز شەتەلدىك ماماندارعا ارقاشان ءزارۋمىز. سەبەبى ءسان سالاسى ءبىر ورىندا تۇرمايدى، ۇنەمى جاڭارىپ وتىرادى. بىزگە شەتەلدىك ەكسپەرت ايەلدەر سىرت كيىمدەرىنىڭ جاڭا ۇلگىلەرىن ۇسىنىپ جاتىر» - دەدى كاسىپورىن مەنەدجەرى ايجان قالمۇراتوۆا.

شەتەلدىك ساراپشى ياتتا حايدەلمانن فينليانديا ەلىنىڭ تۋماسى. ءسان سالاسىندا ۇزاق جىلدار بويى ەڭبەك ەتكەن. اتاقتى Erwastil, حيرشبەرگ، Finnkarelia Mode Gmbن ءسان ۇيلەرىندە مودەلەر-كونسترۋكتور قىزمەتىندە جۇمىس جاساعان. 2014 جىلدان بەرى «اعا ساراپشىلار» باعدارلاماسى بويىنشا بانگلادەش ەلىندە جانە قازاقستتاننىڭ وزگە دە قالالارىندا ديزاينەرلەردى وقىتا باستاعان.

اعا ەكسپەرت ءداستۇرلى ناقىشتاردى ساقتاي وتىرىپ زاماناۋي ۇلگىدەگى سىرت كيىمدەردى قالاي جاساۋعا بولاتىنىن ۇيرەتۋدە.

«ادامي كاپيتالدى دامىتۋ، ماركەتينگتىك ساراپاتاما جاساۋ، ساتۋ مەن بيزنەس ماقساتتاردى جۇزەگە اسىرۋ - ءار كاسىپورىنىڭ دامۋىنا تۇرتكى بولاتىن بىردەن - ءبىر سەبەپ، - دەدى وقو كاسىپكەرلەر پالاتاسىنىڭ ادامي كاپيتالدى دامىتۋ ءبولىمى باسشىسى بەرىك كەنجەباەۆ. وقو كاسىپكەرلەر پالاتاسى كاسىپكەرلەردى وقىتۋ مەن بىلىكتىلىكتىلىگىن ارتتىرۋ، سونىمەن قاتار بيزنەستى دامىتۋ ماقساتىندا 2013 جىلدان باستاپ «اعا ساراپشىلار قىزمەتى» باعدارلاماسىن جۇزەگە اسىرۋدا. بۇل باعدارلامانىڭ باستى ەرەكشەلىگى شەتەلدەن كەلەتىن ساراپشىلاردىڭ كەلىپ-كەتۋ شىعىندارىن، ۆيزالىق جانە جالاقى شىعىندارى باعدارلامامەن تولەنەدى، كاسىپكەرلەردەن تەك ساراپشىعا جەرگىلىكتى تۇراتىن ورىنمەن قامتاماسىز ەتۋ تالاپ ەتىلەدى، – دەدى ب.كەنجەباەۆ.

ايتا كەتەيىك،  اتالمىش باعدارلاما كومەگىمەن  «HILLCorporation» جشس، «ورازاليەۆا» جك، «Food Production» جشس، «امانگەلدى» جشس،  «Arsenal sad» كومپانيالارى جانە تاعى باسقا جەرگىلىكتى ءوندىرىس ورىندارى شەتەلدىك ماماندار قىزمەتىنە جۇگىنگەن.

Abai.kz