قازىر ەلباسىنىڭ تiكەلەي باستاماسىمەن قولعا الىنعان ۇدەمەلi يندۋستريالىق-يننوۆاتسيالىق دامۋ باعدارلاماسى اياسىندا جەر-جەرلدەردە قىزۋ جۇمىس جۇرگىزىلۋدە. وڭتۇستىك قازاقستان وبلىسىنىڭ ورتالىعىنان بولەك ءار اۋدان-قالالاردا يندۋستريالدى ايماقتار قۇرىلىپ، جۇمىس ىستەۋدە. سونىڭ ءبىرى شاردارا اۋدانىندا قۇرىلعان يندۋستريالدى ايماقتا مينەرالدى سۋ شىعارىلاتىن بولادى. جەكە كاسiپكەر قۇرمانعازى اكباروۆ ۇسىنعان وندىرىستىك قۋاتى كۇنىنە 10 توننا مينەرالدى سۋ وندىرۋگە قاۋقارلى بۇل جوبانىڭ قۇنى 200 ملن. تەڭگە.

كاسىپكەر بۇل قادامعا كەزدەيسوق بارماپتى. ول اۋدان ورتالىعىنان ارiدە جاتقان شاعىلدى ايماقتىڭ سۋىنىڭ ءدامi تiل ۇيiرەتىنىن بۇرىننان بىلەتىن. بىراق، سول مينەرالدارعا باي، تابيعي سۋدى اجەتكە جاراتۋدىڭ ءساتى ەندى تۇسكەنگە ۇقسايدى. جەر استى سۋى 40 مەتر تەرەڭدىكتەن شىعادى. قازiر سۋدىڭ ساپاسى جان-جاقتى ساراپتامادان وتۋگە تاپسىرىلىپتى. الماتى قالاسىنداعى قازاق تاماقتانۋ اكادەمياسىنىڭ ساراپشىلارى وڭ باعا بەرسە، جۇمىس باستالماق. ال، ءوندىرىس قارقىن السا، الداعى ۋاقىتتا مينەرالدى سۋدان بولەك ءتۇرلi شىرىندى سۋسىندار شىعارۋ دا جوسپارلانعان.

تەڭىز جاعاسىندا ورنالاسقانىمەن شاردارادا اۋىز سۋ ماسەلەسى بۇرىننان بار بولاتىن. سوڭعى جىلدارى تازا اۋىز سۋعا قول جەتكىزە باستاعان جەرگىلىكتى تۇرعىندار ءۇشىن بۇل جاڭالىق جاعىمدى بولىر تۇر. بۇيىرتسا، وزدەرىنەن شىعاتىن سۋدى تۇتىنۋ باقىتىنا قول جەتكىزەتىن كۇن الىس ەمەس. ونىڭ ۇستىنە جاڭا كاسىپورىننىنڭ اشىلۋىمەن بىرنەشە تۇرعىن ءۇشىن ەكى قولعا ءبىر كۇرەك تابىلماق. كاسىپكەردجىڭ ايتۋىنشا، شاردارا مينەرالدى سۋىن وبلىس اۋماعىنا عانا ەمەس، بۇكىل ەل اۋماعىنا تاراتۋدى ويلاستىرىپ وتىر ەكەن. ەندەشە شاردارانىڭ مينەرالدى سۋىن پايدالاناتىن كۇن دە الىس قالعان جوق.

Abai.kz