قىتايداعى قازاقتاردىڭ اقپاراتتىق سايتتارىن ءبىر قوپارىپ شىقتىم.
ۇزىناعاشتاعى قاندى قىلمىس ءبىراز جۇرتتىڭ ۇرەيىن ۇشىرىپتى.
ء«وز جەرىندە تىنىش جاتسا، امان جۇرمەس پە ەدى، قاي قىتاي ولاردى ۇيىنەن، اۋىلىنان قۋىپتى؟» دەگەن سارىنداعى پىكىرلەر كوپ ەكەن. 
اقيقاتىن ايتۋ كەرەك، بۇل وقيعا – قازاق ەلىنە كوشەم دەپ قوپاڭداپ وتىرعان ءبىراز جۇرتتىڭ تەڭىن قايتا شەشتىرەرى دە داۋسىز. ويتكەنى، بۇل جاقتاعى حابار ولارعا ءتىپتى دە زورايىپ جەتەدى.
ال، بۇل جابايى، كەشىرىمسىز قىلمىستى اردان بەزگەن يمانسىزدار جاسادى. قازاق حالقى ەمەس!
سول ءۇشىن شەتەلدە تۇراتىن اعايىندارعا بارىنشا ءتۇسىندىرۋ جۇمىستارىن جاسايىق.
جەر – قازاقتىكى!
ەل – قازاقتىكى!
ءتۇبى وسى مەملەكەتتىڭ ىستىعى مەن سۋىعىنا توزەتىن، يە بولاتىن، ءار سۇيەم جەرى ءۇشىن جانىن بەرەتىن تەك قانا قازاقتار!
قازاق پەن قازاق بولىنبەسىن!
كوش توقتاماسىن!
سانىمىز ءجۇز ميلليونعا جەتسىن!

ۇلاربەك دالەيۇلى

Facebook-تەگى پاراقشاسىنان