وقو اكىمى «اق كەرۋەن-2016» مەرەكەلىك شاراعا قاتىستى

ءوڭىر باسشىسى ب.اتامقۇلوۆ ماقتارال اۋدانىنا جۇمىس ساپارىمەن بارىپ، ونداعى ماقتا تەرىمىنىڭ جۇمىسىمەن تانىستى.

سونىمەن قاتار، وبلىس اكىمى «اق كەرۋەن-2016» مەرەكەلىك شاراسىنا قاتىسىپ، شارۋالارمەن جۇزدەستى. كەزدەسۋ بارىسىندا ولار ءونىمنىڭ تۇسىمدىگى مەن ساپاسىن جانە ماقتا شارۋاشىلىعىنداعى وزەكتى ماسەلەلەردى تالقىلادى.

جەردى وڭدەۋدىڭ جاڭا ءارى ءتيىمدى ءتاسىلىن قولدانۋدىڭ ارقاسىندا ماقتارالداعى 83 مىڭ گەكتاردان استام جەرگە سەبىلگەن ءشيتتى ماقتادان گەكتارىنا 19,6 تسەنتنەردەن ءونىم الىنۋدا. بۇگىندە اۋدانداعى ماقتا قابىلداۋ بەكەتتەرىنە 34 مىڭ توننادان استام اق التىن كەلىپ تۇسكەن. ماقتارالدىق ديقاندار بيىل 200 مىڭ توننا اق ۇلپا تەرىپ الۋدى جوسپارلاپ وتىر. بيىل شارۋالار ماقتانىڭ كەلىسىن 159 تەڭگەدەن وتكىزۋدە.

ماقتالى ايماقتا بولعان وبلىس اكىمى سونىمەن قاتار، ءسۇت وڭدەۋ تسەحى مەن ماي شىعارۋ تسەحىن جانە ماقتا شيكىزاتىن وڭدەۋ پروتسەسىمەن تانىستى.

ايتا كەتەيىك مەملەكەت باسشىسىنىڭ ارنايى تاپسىرماسىمەن قازاقستانىنڭ وڭىرلەرىندە اۋىلشارۋاشىلىعى ەڭبەككەرلەرى مەن اتالعان سالاعا دەمەۋ بەرى ءىسى وڭتۇستىك وڭىردە قارقىندى جۇرگىزىلىپ كەلەدى. اسىرەسە استىقتى القاپ سانالاتىن وڭتۇستىك قازاقستان وبلىسىندا اگرارلىق سەكتوردىڭ جۇمىسىن ىلگەرىلەتۋ ماقساتىندا بىرقاتار القىمدى شارالار اتقارىلۋدا. سولاردىڭ ءبىرى جوعارىداعى ماقتارالدىق ديقانداردىڭ جەمىستى جۇمىستارى بولىپ تابىلادى.

Abai.kz