وقو-دا «ماڭگىلىك ەلدىڭ ماڭگىلىك ءتىلى» اتتى مەرەكەلىك شارا ءوتتى
شىمكەنت قالاسىنداعى وبلىستىق ورىس دراما تەاترىندا تاۋەلسىزدىكتىڭ 25 جىلدىعى مەن قازاقستان حالقى تىلدەرى مەرەكەسى اياسىندا «ماڭگىلىك ەلدىڭ ماڭگىلىك ءتىلى» اتتى مەرەكەلىك ءىس-شاراسى ءوتتى.
سالتاناتتى جيىنعا قاتىسقان وبلىس اكىمىنىڭ ورىنباسارى ۇ. سادىبەكوۆ بارشا وبلىس تۇرعىندارىن ءتىل مەرەكەسىمەن ءوڭىر باسشىسى ب.اتامقۇلوۆتىڭ اتىنان قۇتتىقتادى.
سونىمەن قاتار، وبلىس اكىمىنىڭ ورىنباسارى تىلدەردى قولدانۋ مەن دامىتۋعا ۇلەس قوسقان 20 ازاماتتى وبلىس اكىمىنىڭ العىس حاتىمەن ماراپاتتاسا، 11 ءتىل جاناشىرى قازاقستان رەسپۋبليكاسى مادەنيەت جانە سپورت مينيسترلىگىنىڭ، «نۇر وتان» پارتياسى مەن وبلىستىق ءماسليحاتتىڭ ارنايى العىس حاتتارىمەن ماراپاتتالدى.
مەرەكەلىك شارا اۋدان، قالا ونەرپازدارىنىڭ جانە ەتنوس وكىلدەرىنىڭ كونتسەرتتىك باعدارلامالارىمەن جالعاسىن تاپتى.
ەلىمىز بۇگىندە ءتۇرلى ەتنوستىڭ ءتىلى مەن سالت-ءداستۇرىنىڭ ساقتالۋىمەن ەرەكشەلەنەتىن دوستىق پەن بىرلىكتىڭ مەكەنىنە اينالىپ وتىر. وبلىسىمىزدا بارلىق ەتنوستاردىڭ ءتىلى مەن مادەنيەتىن دامىتۋعا لايىقتى جاعداي جاسالعان. ەتنوستاردىڭ ءتىلى مەن سالت-ءداستۇرى جانە مادەنيەتى كۇندەرىن وتكىزۋ يگى داستۇرگە اينالدى. بۇگىندە 20 ەتنومادەني بىرلەستىكتىڭ 11-ءىنىڭ جانىندا جەكسەنبىلىك مەكتەپتەر بار.
ايتا كەتەيىك، جالپى وبلىسىمىزدا مەملەكەتتىك ءتىلدى مەڭگەرگەن تۇرعىندار ۇلەسى 91 پايىزعا، ال ورىس ءتىلىن مەڭگەرگەندەر – 62,5 پايىزعا، اعىلشىن ءتىلىن مەڭگەرگەندەر – 8 پايىزعا جەتىپ وتىر. سونداي-اق، وبلىس اۋماعىندا تىلدەردى اقىسىز ۇيرەتەتىن 14 وقۋ ورتالىعى جەمىستى جۇمىس جۇرگىزىپ كەلەدى. بۇگىندە ولاردا 4 مىڭعا جۋىق ءتىل ۇيرەنۋشى تىلدەردى وقىپ، ۇيرەنۋدە.
وقو اكىمىنىڭ ءباسپاسوز قىزمەتى
