وڭتۇستىك قازاقستان وبلىسىنىڭ اۋماعىندا جۇرگىزىلگەن «اۆتوبۋس» جەدەل-الدىن الۋ ءىس-شاراسىنىڭ 3 كۇنىندە 900-گە جۋىق جول قوزعالىسىەرەجەلەرىن بۇزۋشىلىق انىقتالدى.

وڭتۇستىك قازاقستان وبلىسىنىڭ اۋماعىنداعى جولداردا اپاتتىق جاعدايلاردى تومەندەتۋ، جول قوزعالىسى ەرەجەلەرىن بۇزۋ جاعدايلارىن بولدىرماۋ، جۇرگىزۋشىلەر اراسىندا كولىكتىك ءتارتىپتى ساقتاۋ ماقساتىندا جۇرگىزىلگەن شاراعا مىڭنان استام پوليتسيا جانە باسقا دا قىزمەت وكىلدەرى، كولىكتىك باقىلاۋ ينسپەكتسياسى، مەملەكەتتىك ورگاندار مەن قوعامدىق ۇيىم قىزمەتكەرلەرى جۇمىلدىرىلدى.

ءۇش كۇندىك «اۆتوبۋس» ءىس-شاراسىن قورىتىندىلاعان پوليتسەيلەر، شارا بارىسىندا قوعامدىق جانە جولاۋشىلار تاسمالداۋ كولىكتەرى جۇرگىزۋشىلەرى تاراپىنان ورىن العان   جول قوزعالىسى ەرەجەسىن بۇزۋدىڭ  864 دەرەگىن انىقتادى.  ونىڭ ىشىندە تاسىمالداۋشىنىڭ جولاۋشىلار الدىنداعى ازاماتتىق-قۇقىقتىق جاۋاپكەرشىلىگى جونىندەگى  مىندەتتى ساقتاندىرۋىنىڭ بولماۋى بويىنشا 14 دەرەك،تاسمالداۋشىدا  جولداۋشىلاردىڭ ءتىزىمى بولماۋى بويىنشا 98 دەرەك انىقتالدى.

ال پوليتسەيلەر جىلدامدىقتى ارتتىرعان 76, مانەۆر جاساۋ ەرەجەسىن بۇزعان 117,  ەڭبەك رەجيمى مەن دەمالىس ءتارتىبىن ساقتاماعان 11, كولىك قۇرالدارىن باسقارۋ كەزىندە ۇيالى تەلەفون پايدالاعان 243, جولاۋشىلاردى جانە باگاجدى تاسىمالداۋعا  رۇقسات بەرۋ كۋالىگى بولماعان 20 دەرەك انىقتالىپ، جۇرگىزۋشىلەر جاۋاپكەرشىلىككە تارتىلدى.

سونداي-اق، زاڭسىز قايتا جابدىقتاۋدىڭ 18,  تەحنيكالىق بايقاۋدان  وتپەۋدىڭ 105, جاياۋ جۇرگىنشىلەرگە جول بەرمەۋدىڭ 50, شىعارىندىلارداعى لاستاۋشى زاتتاردىڭ قۇرامى نورماتيۆتەرىنىڭ بۇزىلعان 20 دەرەگى انىقتالسا، قالعان 92 دەرەك باسقادا بۇزۋشىلىقتار.

وڭتۇستىكقازاقستاندىق پوليتسيا قىزمەتكەرلەرى جۇيەلى تۇردە وتكىزىپ وتىراتىن الدىن الۋ ءىس-شارالارى  جولاۋشىلار تاسمالدايتىن اۆتوكولىكتەردىڭ قاتىسۋىمەن ورىن الاتىن جول-كولىك وقيعالارىنىڭ  جولىن كەسىپ، سانىن ازايتادى دەپ سەنەدى.