قادىرلى شىمكەنتتىكتەر جانە قالا قوناقتارى!

ەسكى مەن جاڭانى ۇندەستىرگەن شىمكەنت شاھارىمىزدىڭ بۇگىن اتاۋلى مەرەكەسى. تاريحتىڭ تالاي ساتتەرىنە كۋا قالامىز بۇگىندە تاعى ءبىر جاسقا ەسەيدى. سىزدەردى قالا كۇنىمەن شىن جۇرەكتەن قۇتتىقتايمىن.

شىمكەنت شەجىرەسى كونە، ساياسي ەكونوميكالىق بەدەلى - جاس قالا. ولاي دەيتىنىم، سۇرلەنگەن تاريحى تەرەڭ قالانىڭ بۇگىندە زاماناۋي كەلبەتى قالىپتاسۋدا. پايدا بولعانىنا 2200 جىل وتسە دە، بۇل شاھار جىل سايىن تۇلەپ-تۇرلەنىپ، ءوزىنىڭ جاڭا قىرلارىن تانىتىپ، ءار تاڭ سايىن جاڭا بەلەستەرگە ۇمتىلعان ءارى كونە ءارى جاس بالاۋساداي قالا. قالامىز ەۋرازيانىڭ كىندىگىنەن ورىن تەپكەن، بۇكىل الەمگە ايگىلى استاناعا قاراپ بوي تۇزەپ، جاڭارۋ، وزگەرۋ، جاڭا بەلەسكە بوي الدىرۋ كەزەڭىنە قادام باستى. 

شىمكەنت – قازاقستان قالالارىنىڭ ىشىندەگى ءوزىنىڭ الابوتەن ورنى بار شىرايلى شاھار. ءبىزدىڭ تابانىمىز ءتيىپ تۇرعان بۇل قالانىڭ توپىراعى – كيەلى، اۋاسى – قاسيەتتى، سۋى – قاستەرلى، جۇرتى – بەرەكەلى. ونىڭ ءوز كوڭىل-كۇيى، ەرەكشە بولمىس-ءبىتىمى بار. وزىنە عانا ءتان مىنەزى، تىنىس-تىرشىلىگى مەن ايرىقشا كەلبەت-ديدارى بار.

شىمكەنت - مادەني كەلبەتى كورىك قالا. قازاقتىڭ قايماعى بۇزىلماعان، سالت-ءداستۇردى ەرەكشە قۇرمەتتەيتىن قۇت قونعان مەكەن. كوپتەگەن ۇلت پەن ۇلىس وكىلدەرىنىڭ تاعدىرلارى توعىسقان تۇعىرلى قالا.

بۇل قالا – ەرتەدەن ۇلى جىبەك جولىنىڭ بويىنداعى مادەنيەت، ساۋدا مەن قولونەردىڭ ءىرى ورتالىقتارىنىڭ ءبىرى بولدى. تالاي

كەرۋەندەر كەلىپ، الىس-جاقىن ەلدەر قىزۋ ساۋدا جاساسقان. شۋاقتى شاھاردا تالاي عىلىمي ەڭبەكتەر جازىلىپ، كەرەمەت ونەر تۋىندىلارى دۇنيەگە كەلگەن. تالاي تاعدىرلاردى توعىستىرعان، نەبىر جارقىن يدەيالار مەن الاۋلى ارماندارعا دەم بەرگەن قۇنارلى مەكەن.

بۇگىن دە شىمقالامىز سول پوتەنتسيالدى جوعالتقان جوق.

بۇگىندە قالانىڭ جاڭاشا كەلبەتىنە ساي، تاريح تولقىنىنان سىر شەرتەتىن ءتۇرلى ەسكەرتكىشتەر مەن مونۋمەنتتەر،ساياباقتار مەن دەمالىس ايماقتارىنان قوعامدىق نىساندار سالىنۋدا. كەلەر ۇرپاققا وتكەننەن دەرەك بەرەتىن مۇنداي تاريحي تىرلىكتەردى دامىتۋدى قازىر، بەكەم قولعا الدىق.

قادىرلى جەرلەستەر!

ەلباسىمىز نۇرسۇلتان ءابىشۇلى نازارباەۆتىڭ شىمكەنتتى ءۇشىنشى مەگاپوليسكە اينالدىرۋ تۋرالى ناقتى تاپسىرماسى بار. سوندىقتان شىمكەنتتىكتەر ەلباسىمىزدىڭ قامقورلىعىن ۇنەمى سەزىنىپ كەلەدى. تاريحتىڭ تالاي ساتتەرىنە كۋا بولعان جارىق شاھارىمىز كۇننەن كۇنگە دامي بەرسىن، وركەندەي بەرسىن، ورلەي بەرسىن!

جاسىل قالا عانا ەمەس-عاسىر قالاعا اينالعان شىمكەنتىمىز جاساي بەرسىن.

قۇرمەتپەن، وقو اكىمى بەيبىت اتامقۇلوۆ

Abai.kz