كەرەك دەرەك: وقو شارۋاشىلىعى

وڭتۇستىك قازاقستان وبلىسى – رەسپۋبليكاداعى ونەركاسىپ پەن اۋىل شارۋاشىلىعىنىڭ بارلىق سالالارى دامىعان، ەڭبەك رەسۋرستارى جەتكىلىكتى ايماق. وبلىس كاسىپورىندارى قازاقستانداعى بارلىق ونەركاسىپ ونىمدەرىنىڭ 5,9%-ىن وندىرەدى. ەلىمىزدە شىعارىلاتىن ترانسفورماتورلاردىڭ 98,6%-ى، فارماتسەۆتيكالىق پرەپاراتتاردىڭ 70,1%-ى، مينەرالدى جانە گازدى سۋلاردىڭ 51,5%-ى، موتور مايىنىڭ، بەنزيننىڭ 38,9%-ى، رافيناتتى قورعاسىننىڭ 23,6%-ى، سىرانىڭ 23,6%-ى، تسەمەنتتىڭ 19,7%-ى، ەكسكاۆاتور، ماقتا تالشىعى، ماقتا مايىنىڭ بارلىعى دەرلىك وڭتۇستىك قازاقستان وبلىسىندا وندىرىلەدى. وبلىس تەرى شيكىزاتى، جەمىس، كوكونىس، ءجۇزىم، باقشا، ماكارون ونىمدەرىنىڭ ءىرى ءوندىرۋشىسى بولىپ تابىلادى.

ونەركاسىبى

وبلىستىڭ ونەركاسىپ مۇمكىندىكتەرىن نەگىزىنەن مۇناي وڭدەۋشى جانە مەتاللۋرگيا كاسىپورىندارى قۇرايدى. ءتۇستى مەتاللۋرگيا، ماشينا جاساۋ، حيميا، مۇناي وڭدەۋ، تاماق ونەركاسىبى، اسىرەسە، شىمكەنت، كەنتaۋ قالالارىندا جاقسى دامۋدا. وبلىس ونەركاسىبىندە 147 ءىرى جانە ورتا كاسىپورىن بار. مۇناي-حيميا ونەركاسىبى سالاسىنداعى ءىرى كاسىپورىندار: “پەتروكازاحستانويل پروداكتس” ااق (مۇناي وڭدەۋ) جانە “ينتەركومشينا” ااق (شينا شىعارۋ). مەتاللۋرگيا ونەركاسىبىندەگى باستى كاسىپورىن “يۋجپوليمەتالل” جاق (قورعاسىن، مىرىش، ت.ب. ونىمدەر); ماشينا جاساۋ سالاسىنىڭ جەتەكشى كاسىپورىندارى: “كاردانۆال” ااق (اۆتوموبيلدەر مەن تراكتورلار ءۇشىن كاردان بىلىكتەرىن شىعاراتىن), “يۋجماش-ك” جاق (ۇستاحانالىق-پرەستەۋ ماشينالارى مەن قوسالقى بولشەكتەرىن شىعارۋ), “ەكسكاۆاتور” ااق، “كەنتاۋ ترانسفورماتور زاۋىتى” ااق، “تۇركىستان-ناسوس” ااق; قۇرىلىس ونەركاسىبىنەن “شىمكەنتتسەمەنت” ااق; حيميا ونەركاسىبىنەن – “حيمفارم” ااق ء(دارى-دارمەك ونىمدەرىن شىعارۋ); جەڭىل ونەركاسىپتەن “ۆوسحود” ااق، “ەلاستيك” ااق، “ادال” جشس، ت.ب. جۇمىس ىستەۋدە. تاماق ونەركاسىبى سالاسىنداعى جەتەكشى كاسىپورىنداردى “شىمكەنت-ماي”، “قاينار”، “شىمكەنت سىرا”، “باحۋس-دەرونسەك” اق-دارى، “اراي”، “امانگەلدى” جشس-تەرى، ت.ب. قۇرايدى. سارىاعاشتىڭ مينەرالدى سۋىن شىعارۋمەن “اسەم-اي”، “الەكس” جشس-تەرى اينالىسادى. تەمەكى ونىمدەرىن JTL “Central ءAsىa” جاق-ى شىعارادى.

اۋىل شارۋاشىلىعى

وبلىستىڭ اۋىل شارۋاشىلىعىنا جارامدى جەرىنىڭ اۋماعى 10,3 ملن گا، ونىڭ ىشىندە جىرتىلاتىن جەر اۋماعى 0,8 ملن گا. اۋىل شارۋاشىلىعىندا 63,3 مىڭ شارۋا (فەرمەر) قوجالىعى، 956 وك، 6 اق، 608 جشس جۇمىس ىستەيدى. ولار جالپى رەسپ. اۋىل شارۋاشىلىعى ءونىمىنىڭ 12,2%-ىن بەرەدى. اۋىل شارۋاشىلىعىنىڭ باستى سالاسىنا ستراتەگيالىق ماڭىزى بار ماقتا ءوسىرۋ مەن ءوندىرۋ جاتادى. ونىڭ ەگىس كولەمى 170 مىڭ گا-عا (ەگىس كولەمىنىڭ 30%-ى) جەتتى. ءشيتتى ماقتانى وڭدەۋمەن جىلدىق قۋاتى 650 مىڭ توننالىق 19 ماقتا زاۋىتى اينالىسادى. ولار وبلىستىڭ ماقتاارال، سارىاعاش، شاردارا اۋدانىندا جانە تۇركىستان قالالىق اكىمدىگى جەرىندە ورنالاسقان. وبلىس اكىمشىلىگى 2003 جىلدىڭ سوڭىندا ماقتا ءيىرۋ فابريكالارىنىڭ قۇرىلىسىن باستادى. ەگىننىڭ ورتاشا جىلدىق ءونىمى: بيداي – 400 مىڭ ت، كۇرىش – 10 مىڭ ت، ءشيتتى ماقتا – 360 مىڭ ت، كوكونىس – 400 مىڭ ت، باقشا ونىمدەرى – 291 مىڭ ت، كارتوپ – 115 مىڭ ت. 2004 ج. مال سانى: ءىرى قارا – 603 مىڭ، قوي-ەشكى – 3 ملن.، جىلقى – 119 مىڭ، تۇيە – 14 مىڭ، قۇس – 1,8 ملن.، شوشقا – 22 مىڭ باسقا جەتتى.

Abai.kz