شىمكەنت قالاسىنداعى وتىز ەلدىمەكەن بۇگىندە قاراتاۋ اۋدانىنا قاراستى وسى اۋدان اكىمى عالىم يسمايلوۆتىڭ ايتۋى بويىنشا بيۋدجەتتەن قىرۋار قاراجات ءبولىنىپ، ەلدىمەكەندەرگە سۋ قۇبىرلارى تارتىلىپ جاتىر، - دەپ حابارلايدى اباي-اپارات. 

 عالىم ىبىرايۇلى، وتكەن جىلى قاڭتار ايىندا وسى اۋدانعا اكىم بولىپ تاعايىندالعالى بەرى ءبىر جىل ىشىندە بىرقاتار ىرگەلى ىستەردى اتقارعان.

اكىم بولىپ تاعايىندالعاننان كەيىن بارلىق ەلدىمەكەندى ارالاپ شىعىپ، جەرگىلىكتى جۇرتتىڭ مۇڭ-مۇقتاجىن، ۇسىنىسىن تىڭداۋداعان. ءاربىر اۋىل­داعى شەشىمىن تاپپاعان ماسەلەلەردى ءتۇرتىپ الىپ، جوسپارلى تۇردە ولاردى شەشۋ جاعىن قاراستىرعان. ناتيجەسى جامان ەمەس. قازىر بيۋدجەتتەن قىرۋار قاراجات ءبولىنىپ، ەلدىمەكەندەرگە سۋ قۇبىرلارى تارتىلىپ جاتىر ەكەن. اۋىلداردا جولدار سالىنىپ، كوگىلدىر وتىنمەن قامتا­ماسىز ەتىلە باستادى.

جاڭادان قوسىلعان ەلدىمەكەندەرگە ينفراقۇرىلىم تارتۋ ماسەلەسى قاشاندا ماڭىزدى ەكەنى بەلگىلى. وسى رەتتە حالىقتى تازا اۋىزسۋمەن، تابيعي گازبەن قامتاماسىز ەتۋ ماسەلەسى دە جولعا قويىلا باستاعان. 

وڭتۇستىك قازاقستان وبلىسى، قاراتاۋ اۋدانى بويىنشا بۇگىندە ەڭ كۇردەلى ماسەلەنىڭ ءبىرى – اۋىزسۋ بولىپ تۇر. ماسەلەن، اۋدانعا قاراستى اۋىل-ايماقتاردىڭ 8%-ى، ياعني، 3005 ءۇي تاسىمالدانعان، نە بولماسا قۇدىقتان سۋ ىشەدى. 34%-ىنا كەستە بويىنشا سۋ بەرىلەدى. سۋ ماسەلەسى اسىرەسە اسار-2, دوستىق، نۇرتاس شاعىن­اۋداندارى مەن قاينار­بۇلاق تۇرعىن الابىندا قيىن بولعان. ال، تۇران شاعىن­اۋدانىنداعى حالىق توعىز جىلدان بەرى تىرشىلىك ءنارىن تاسىپ ءىشىپ ءجۇر. وسى پروبلەما بويىنشا اكىمشىلىك جۇيەلى جۇمىس جۇرگىزىپ، بيىل شاعىناۋدانداعى 400-دەي ۇيگە سۋ بەرىلەدى دەپ جوسپارلانىپ وتىر. وزگە ەلدىمەكەندەرگە سۋ قۇبىرلارىن تارتۋ ءۇشىن مەملەكەتتەن 1ملرد 600 ملن تەڭگەدەي قارجى ءبولىنىپ، ارنايى جوبالىق سمەتالىق قۇجاتتار جاسالدى. ناتيجەسىندە نۇرتاس، سايرام، اقجايىق، قايتپاس-1 شاعىناۋداندارى مەن ميراس ساياجايىندا قۇبىرلار تارتىلعان. ولار جاقىن كۇندەرى تاپسىرىلادى دەپ كۇتىلۋدە. قايناربۇلاق ساياجايىندا قۇبىر تارتۋ جۇمىستارى بىتكەن، قازىر ابونەنتتەرگە تاراتۋ شارالارى جۇرگىزىلۋدە. شامامەن ەكى ايدىڭ كولەمىندە جۇرتقا سۋ بەرىلەدى. وزگە ەلدىمەكەندەر 2018 جىلعا دەيىن كەزەڭ-كەزەڭىمەن تازا سۋمەن قامتىلادى.

اباي-اقپارات