جىل ەسەبىندە مال شارۋاشلىعى سالاسىنداعى ىستەر دە ءسوز بولدى. بيىل وقو دا مال شارۋاشىلىعىن دامىتىپ، ودان الاتىن ءونىمدى ەسەلەۋدىڭ جاڭا جوسپارى ءتۇزىلدى. جوسپاردى وبلىستىق اۋىل شارۋاشىلىعى باسقارماسىنىڭ باسشىسى تانىستىرعان ەدى. ەگەر قۇجات جۇزەگە اسسا، اۋىلدا تۇراتىن اعايىننىڭ الەۋەتى ارتپاتىنى سول تۇستا باسا ايتىلعان.

باسقارما باسشىسى تانىستىرعان جوسپار بويىنشا ءسۇتتى باعىتتاعى ءىرى قارا مال سالاسىن دامىتۋعا ءجىتى نازار اۋدارىلىپ، ءۇش باعىتتا جۇزەگە اسادى دەپ بولجانعان ەدى. سونداي-اق، ەتتى ءىرى قارا مال سالاسىن دامىتۋعا دا ءجىتى نازار اۋدارىلادى دەلىنگەن. شارانى جۇزەگە اسىرۋعا بيۋدجەت جانە قارجى ينستيتۋتتارى تاراپىنان 21 ميلليارد تەڭگە بولىنگەن ەدى.

ەڭ باستىسى — اۋىلدىق تۇتىنۋ كووپەراتسياسىن قۇرۋ جوباسى ۇسىنىلدى. ءۇش جىلدىق جوسپاردىڭ تاعى ماڭىزدى ماقساتتارىنىڭ ءبىرى — ءار باستان الىناتىن ءونىمدى كوتەرىپ، ساپاسىن جاقسارتۋ ارقىلى نارىقتاعى باسەكەگە قابىلەتتىكتى ارتتىرۋ بولىپ تابىلادى.

مال ونىمدىلىگىن ارتتىرۋدا ەڭ نەگىزگىسى — ساپالى مال ازىعىمەن قامتاماسىز ەتۋ. بۇل تۇرعىدا ەگىستىك القاپتارىن ءارتاراپتاندىرۋ بارىسىندا مال ازىقتىق داقىلدارىنىڭ ەگىس كولەمىن ۇلعايتۋعا باسىمدىق بەرىلىپ، 2017 جىلعا دەيىن 100 مىڭ گەكتارعا ارتىق ەگىلەتىن بولادى. قازىرگىمەن سالىستىرعاندا سوياۋلى مال ازىعى 250 مىڭ تەڭگە، قۇنارلى جەم 45 مىڭ تەڭگە، سۇرلەم 85 مىڭ تەڭگەگە ارتىق وندىرىلەدى. وسى كولەمدى يگەرۋگە جاڭادان 542 تەحنيكا، 2,4 ميلليارد تەڭگە ءبولىندى.

ءسۇتتى باعىتتاعى ءىرى قارا مال ءوسىرۋ سالاسىن دامىتۋ سالاسى 3 باعىتتا جۇرگىزىلەتىن بولادى. ءبىرىنشى باعىت — اسىل تۇقىمدى ءسۇتتى باعىتتاعى بۇقانىڭ ۇرىعىن پايدالانۋ ارقىلى جەرگىلىكتى ءىرى قارا مال تۇقىمىن جاقسارتۋ. ەكىنشى باعىت — ءسۇت تاۋارلى فەرمالارداعى تابىندى جاڭارتۋ ماقساتىندا اسىل تۇقىمدى انالىق باسپەن الماستىرۋ. ءۇشىنشى باعىت — 2014-2016 جىلدارى قوسىمشا ءسۇت تاۋارلى فەرمالارى مەن جانۇيالىق فەرمالار قۇرۋ.

اباي-اقپارات