الماتى. 6 قىرقۇيەك. قازتاگ - «اتامەكەن» وداعى قر پرەزيدەنتىنىڭ اكىمشىلىگى مەن باس پروكۋراتۋراسىنا قر قارجى نارىعىن جانە قارجى ۇيىمدارىن رەتتەۋ جانە قاداعالاۋ اگەنتتىگىنىڭ (ققا) قارجىلىق ەمەس ەميتەنتتەردىڭ وبليگاتسيالىق زايمدارىن قايتا قۇرىلىمداۋعا تىيىم سالاتىن قاۋلىسىنىڭ كۇشىن جويۋ تۋرالى ءوتىنىش جولدادى.

«بيىل كوكتەمدە «اتامەكەن» وداعى قر قارجىگەرلەر قاۋىمداستىعىمەن بىرلەسىپ ەكونوميكانىڭ ناقتى سەكتورىنداعى كاسىپورىنداردىڭ مۇددەسى ءۇشىن وبليگاتسيالىق زايمداردى قايتا قۇرىلىمداۋ پروتسەدۋرالارىن جەدەلدەتۋ ماقساتىندا قولدانىستاعى زاڭناماعا وزگەرتۋلەر مەن تولىقتىرۋلار ەنگىزۋ بويىنشا ۇسىنىستار ازىرلەگەن بولاتىن. بۇل ۇسىنىستار قر پارلامەنتى ءماجىلىسىنىڭ قارجى جانە بيۋدجەت جونىندەگى كوميتەتىنىڭ باسشىلىعىمەن الدىن الا  تالقىلاندى. قارجىگەرلەر قاۋىمداستىعىنىڭ مالىمەتىنە سايكەس، ققا دا بۇرىن وسىنداي باستاما كوتەرگەن»، - دەلىنگەن «اتامەكەن» وداعىنىڭ دۇيسەنبى كۇنى تاراتقان ۇندەۋىندە.

قۇجاتقا سايكەس، ناقتى سەكتورداعى كاسىپورىنداردىڭ قارىزدارىن قايتا قۇرىلىمداۋ مۇمكىندىگى «قۇندى قاعازدار نارىعى تۋرالى» زاڭىندا، قازاقستاندىق قور بيرجاسىنىڭ ليستينگتىك ەرەجەلەرىندە جانە ققا-نىڭ 2008 جىلدىڭ 29 قازانىنداعى № 170,  2008 جىلدىڭ 26 مامىرىنداعى №77, 2005 جىلدىڭ 30 شىلدەسىندەگى № 269 قاۋلىلارىندا قاراستىرىلعان بولاتىن.

الماتى. 6 قىرقۇيەك. قازتاگ - «اتامەكەن» وداعى قر پرەزيدەنتىنىڭ اكىمشىلىگى مەن باس پروكۋراتۋراسىنا قر قارجى نارىعىن جانە قارجى ۇيىمدارىن رەتتەۋ جانە قاداعالاۋ اگەنتتىگىنىڭ (ققا) قارجىلىق ەمەس ەميتەنتتەردىڭ وبليگاتسيالىق زايمدارىن قايتا قۇرىلىمداۋعا تىيىم سالاتىن قاۋلىسىنىڭ كۇشىن جويۋ تۋرالى ءوتىنىش جولدادى.

«بيىل كوكتەمدە «اتامەكەن» وداعى قر قارجىگەرلەر قاۋىمداستىعىمەن بىرلەسىپ ەكونوميكانىڭ ناقتى سەكتورىنداعى كاسىپورىنداردىڭ مۇددەسى ءۇشىن وبليگاتسيالىق زايمداردى قايتا قۇرىلىمداۋ پروتسەدۋرالارىن جەدەلدەتۋ ماقساتىندا قولدانىستاعى زاڭناماعا وزگەرتۋلەر مەن تولىقتىرۋلار ەنگىزۋ بويىنشا ۇسىنىستار ازىرلەگەن بولاتىن. بۇل ۇسىنىستار قر پارلامەنتى ءماجىلىسىنىڭ قارجى جانە بيۋدجەت جونىندەگى كوميتەتىنىڭ باسشىلىعىمەن الدىن الا  تالقىلاندى. قارجىگەرلەر قاۋىمداستىعىنىڭ مالىمەتىنە سايكەس، ققا دا بۇرىن وسىنداي باستاما كوتەرگەن»، - دەلىنگەن «اتامەكەن» وداعىنىڭ دۇيسەنبى كۇنى تاراتقان ۇندەۋىندە.

قۇجاتقا سايكەس، ناقتى سەكتورداعى كاسىپورىنداردىڭ قارىزدارىن قايتا قۇرىلىمداۋ مۇمكىندىگى «قۇندى قاعازدار نارىعى تۋرالى» زاڭىندا، قازاقستاندىق قور بيرجاسىنىڭ ليستينگتىك ەرەجەلەرىندە جانە ققا-نىڭ 2008 جىلدىڭ 29 قازانىنداعى № 170,  2008 جىلدىڭ 26 مامىرىنداعى №77, 2005 جىلدىڭ 30 شىلدەسىندەگى № 269 قاۋلىلارىندا قاراستىرىلعان بولاتىن.

الايدا ققا-نىڭ 2010 جىلدىڭ 25 ماۋسىمىنداعى №87 قاۋلىسىمەن 2005 جىلدىڭ 30 شىلدەسىندەگى № 269 قاۋلىسىنا وزگەرتۋلەر ەنگىزىلدى، وندا قايتا قۇرىلىمداۋ تۇسىنىگى الىنىپ تاستالعان، قارجىلىق ەمەس ۇيىمداردىڭ ەميتەنتتەرى ءۇشىن وبليگاتسيا شىعارۋ پروسپەكتىسىنە وزگەرتۋلەر مەن تولىقتىرۋلار ءتارتىبى دە الىنىپ تاستالعان.

ۇندەۋدە اتاپ كورسەتىلگەندەي، وسىلايشا قارجىلىق ەمەس ۇيىمدار وبليگاتسيالىق زايمدار بويىنشا قارىزدارىن قايتا قۇرىلىمداۋ قۇقىعىنان ايىرىلىپ وتىر.

«بۇل ءادىس وبليگاتسيالارى بويىنشا دەفولتقا جول بەرگەن ونەركاسىپ كاسىپورىندارىنىڭ ءبارىن تىعىرىققا تىرەيدى. بىرقاتار بانكتەر مەن قارجى قۇرىلىمدارىنىڭ قارىزدارىن قايتا قۇرىلىمداۋ جۇزەگە اسىرىلعاندا بۇل شەشىم وندىرىستىك كومپانيالاردىڭ زاڭدى مۇددەلەرىن شەكتەۋ بار ەكەنىن كورسەتەدى»، - دەلىنگەن ۇندەۋدە.

KASE-ءنىڭ مالىمەتتەرىنە سايكەس، ەلىمىزدىڭ يندۋستريالدى دامۋى ءۇشىن جۇيە قۇراۋشى ماڭىزى بار «ازيا اۆتو» اق، «Vita» اق، «قازاقستان قاعازى» اق سياقتى ونەركاسىپتىڭ وڭدەۋشى سالاسىنداعى وزىق كاسىپورىنداردىڭ بىرقاتارى وسىنداي جاعدايعا تاپ بولعان.

«بىرقاتار جاعدايدا ولاردى قايتا قۇرىلىمداۋ قۇقىعىنان ايىرۋ قارىزداردى ءوندىرىپ الۋ بويىنشا سوت پروتسەدۋرالارىن باستاۋ ماسەلەسىن كوتەرۋگە ماجبۇرلەپ، كومپانيالارعا بانكروتقا ۇشىراۋ قاۋپىن توندىرەدى»، - دەلىنگەن قۇجاتتا.

قالىپتاسقان جاعدايعا بايلانىستى «اتامەكەن» وداعى» قر پرەزيدەنتىنىڭ اكىمشىلىگىنە جانە باس پروكۋراتۋراعا ەكونوميكانىڭ ناقتى سەكتورىنداعى كاسىپورىنداردىڭ مۇددەلەرىن قورعاۋ جانە ققا باسقارماسىنىڭ 2010 جىلدىڭ 25 ماۋسىمىنداعى اتالعان قاۋلىسىنىڭ كۇشىن جويۋ تۋرالى ءوتىنىش جولدادى».