وڭتۇستىك قازاقستانداعى  سۋارمالى جەرلەردىڭ كولەمىن ۇلعايتۋدىڭ تيىمدىلىگىن زەردەلەۋ، سۋارمالى جەر كولەمىن ارتتىرۋ جايى جان-جاقتى سارالانۋدا، دەپ حابارلايدى وبلىس اكىمى اپپاراتىنىڭ ءباسپاسوز قىزمەتى.   قازىر وبلىس اكىمدىگىنىڭ دەڭگەيىندە  جەردى ۇتىمدى پايدالانۋ جايى تىڭدالىپ، تارازىلانۋ ۇستىندە. سونىمەن قاتار، سۋ كوزدەرىن ءتيىمدى پايدالانۋ كۇن تارتىبىندەگى ءبىرىنشى ماسەلە ەكەندىگىن ايتقان ءوڭىر باسشىسى سۋارمالى القاپتاردى بارىنشا ءتيىمدى قولدانۋ جايىنا ەرەكشە كوڭىل بولۋدە. جىل باسىنان بەرى وبلىستاعى 43 كانالدىڭ جوندەۋ جۇمىستارىنا 4 ملرد. تەڭگە قارجى بولىنگەن. وسى كانالدارمەن بىلتىر جانە الدىڭعى جىلدارى جوندەلگەن سۋلاندىرۋ جۇيەلەرىنىڭ اۋىل شارۋاشىلىعىن دامىتۋعا قوسىپ وتىرعان پايداسى تياناقتى تالدانىپ، تيىمدىلىگىن زەردەلەۋ جۇمىستارىن قولعا العان. سىرداريا وزەنىنىڭ 340 شاقىرىمى وڭتۇستىك قازاقستاننىڭ اۋماعىنان وتەدى. وسى وزەننىڭ وڭ جاعالاۋىنداعى قۇنارلى القاپتى ۇتىمدى پايدالانۋ ماسەلەسى دە جيىندا تىڭعىلىقتى سارالاندى. ماسەلەن، شارداراداعى داريا جاعالاۋىندا 1700 گەكتار القاپتى اۋىل شارۋاشىلىعى ماقساتىنا قولدانۋعا بولادى. وسى سىندى تۇركىستان، ارىس اۋداندارىنداعى وزەن بويى جاعالاۋلىنداعى القاپتى ءتيىمدى پايدالانۋ قاجەتتىلىگىنە ەرەكشە نازار اۋدارىلىپ، تەرەڭىنەن زەرتتەۋ جايى كەڭىنەن ءسوز بولعان. بۇل ءۇشىن وزەننەن ەگىسكە سۋ سورعى ورناتۋ ارقىلى القاپتى ءتيىمدى پايدالانۋعا بولادى.

 - اۋدان اكىمدىكتەرى مەن اۋىل شارۋاشىلىعى باسقارماسى سىرداريا وزەنى جاعالاۋىنداعى جەرلەردى ۇتىمدى قولدانۋ جايلى بىرلەسە ناقتىلى جوسپار دايىنداسا، اتالعان جوبالاردى قارجىلاندىرۋعا دايىنبىز، - دەيدى. وبلىس اكىمى.  

اباي-اقپارات