وڭتۇستىك قازاقستان وبلىسىندا تامشىلاتىپ سۋارۋ ادىسىنە قوسىمشا 6,9 مىڭ گەكتار جەر ەندىرىلىپ، ونىڭ  جالپى كولەمى 51,0 مىڭ گەكتارعا جەتتى دەپ قورتىندىلادى وقو-نىڭ اۋىلشارۋاشىلىعى باسقارماسى جەلتوقسان ايىنداعى باق وكىلدەرىنە بەرگەن مالىمەتىندە. تامشىلاتىپ سۋراۋ ءادىسى بويىنشا وقو ەڭ الدىڭعى ورىنعا شىقتى. وقو ديحاندارى تامشىلاتىپ سۋاراتىن جەردىڭ رەسپۋبليكالىق ۇلەسى  73 پايىز بولعان.

وڭتۇستىك قازاقستان وبلىسى اكىمىنىڭ ءباسپاسوز قىزمەتى تاراتقان مالىمەتكە سۇيەنسەك، سۋ شىعىنىن 2-3 ەسەگە دەيىن ازايتاتىن وسىناۋ جوبانى «Golden Camel Group LTD» كومپانياسى جۇزەگە اسىرىپ باستاپتى. وندىرىستىك قۋاتتىلىعى جوعارى بولىپ تابىلاتىن تەحنولوگيالارمەن جىلىنا 1500 گا ەگىستىك جەردى سۋعارۋعا بولادى ەكەن.  

ايتا كەتەيىك، وقو دا وتكەن «Ontustik Invest-2016» حالىقارالىق ينۆەستيتسيالىق فورۋمى اياسىندا «Golden Camel Group LTD» كومپانياسىمەن ىنتىماقتاستىق تۋرالى مەموراندۋمعا قول قويىلعان بولاتىن. 

تۇركىستان قالاسىندا سالىناتىن ينۆەستيتسيالىق جوبا ونىمدەرىن نەگىزگى ساۋدالاۋشىلار - جەرگىلىكتى اۋىل شۋارۋاشىلىق ونىمدەرىن شىعارۋشىلار مەن تمد ەلدەرىنىڭ وندىرۋشىلەرى بولماق. 

جالپى جىل باسىنان بەرى وبلىستا تامشىلاتىپ سۋعارۋ ءادىسى قوسىمشا 6 مىڭعا جۋىق گەكتارعا ەندىرىلىپ، جالپى كولەمى 49,7 مىڭ گەكتارعا جەتتى. بۇل بىزدەگى اتالعان جۇمىستاردىڭ رەسپۋبليكاداعى ۇلەسى 73% پايىز ەكەنىن كورسەتەدى دەپ حابارلايدى وقو اكىمىنىڭ ءباسپاسوز قىزمەتى.

اباي-اقپارات