«بەرەكە» باعدارلاماسى اياسىندا وڭتۇستىك قازاقستاندىق كاسىپكەرلەر مەملەكەتتەن 2,4 ملرد تەڭگە العان، - دەپ حابارلايدى اباي-اقپارات.

 وڭتۇستىك قازاقستان وبلىسىندا «بەرەكە» باعدارلاماسى اياسىندا بيىل وبلىستا مىڭنان اسا شاعىن مال بورداقىلايتىن الاڭ قارجىلاندىرىلدى. ەلباسىنىڭ حالىقتى لايىقتى دەڭگەيدەگى كىرىسپەن جانە ءونىمدى جۇمىسپەن قامتاماسىز ەتۋ ءۇشىن جونىندەگى تاپسىرماسىن جۇزەگە اسىرۋ اياسىندا اۋىل شارۋاشىلىعى مينيسترلىگى حالىقتى جۇمىسپەن قامتۋ مەن اۋىلشارۋاشىلىق ونىمدەرىن ءوندىرۋ كولەمىن كوتەرۋ بويىنشا بىرقاتار شارالار قاراستىردى، دەپ جازادى otyrar.kz. اۋىل شارۋشالىعى مينيسترلىگىنىڭ سيىر ەتىن ءوندىرۋ باعىتىنداعى جوسپارى اياسىندا 5-20 باس مال بورداقىلاۋ الاڭى قارجىلاندىرىلادى.

وسىلايشا جەكە شارۋا قوجالىقتارى كاسىپكەر رەتىندە تىركەلىپ، اي سايىن بەلگىلى ءبىر دەڭگەيدە تابىس تابادى. سونداي-اق، قوسىمشا جۇمىس ورىندارى اشىلىپ، جەرگ،لىكتى بيۋدجەتكە ءتۇسىم ءتۇسىپ وتىرادى. بيىل بۇل تاپسىرما «جۇمىسپەن قامتۋ جول كارتاسى-2020 » باعدارلاماسىنىڭ قاراجاتىنان ىسكە اسىرىلۋدا. اۋىل شارۋالىعىن دامىتۋ قورى جىل باسىنان بەرى وسى باعدارلاما بويىنشا 3 مىڭنان استام قاتىسۋشىنى قامتىپ، 9,2 ملرد تەڭگەنىڭ قاراجاتىن ۇلەستىرگەن. ونىڭ 900-دەن استامى - ءبىزدىڭ وبلىستا. نەسەگە بەرىلگەن قارجىنىڭ جالپى سوماسى 2,4 ملرد تەڭگەنى قۇرايدى. قارجىنىڭ 70 پايىزى مال شارۋاشىلىعىنا باعىتتالىپ وتىر.

ماقسات - ءمۇيىزدى ءىرى جانە ۇساق قارا مال باسىن كوبەيتۋ. وسىلايشا ەت ءوندىرۋ جۇمىسىنىڭ ونىمدىگىن ارتتىرۋ. باعدارلاما اياسىندا قاتىسۋشى 3 ملن تەڭگەگە دەيىن نەسيە الا الادى. قارىزىنان ۋاقتىسىنان بۇرىن قۇتىلعان جاعدايدا شارۋاعا 4 جىلعا 5 ملن تەڭگەگە دەيىن قاراجاتتى نەسەگە الۋىنا مۇمكىندىك بار. باعدارلاما قاتىسۋشىسىنا نەسيە جىلىنا 4,8 پايىزدىق مولشەرلەمەمەن باستاپ بەرىلەدى.

اباي-اقپارات