جىل ەسەبىنىڭ تاعى ءبىر كورسەتكىشى رەتىندە زيانكەستەرىمەن كۇرەستى ايتۋعا بولادى. بيىل وبلىس اكىمدىگى تاراپىنان اۋىل شارۋاشىلىعى جەرىنە زالال كەلتىرەتىن زينكەستەرمەن قارسى كۇرەس شارالارى بەكىتىلىپ، جۇمىس كەستەگە سايكەس جۇرگىزىلدى. ال شىلدەدەن باستاپ ماقتالى اۋداندارىندا كوسەك قۇرتىنىڭ كوزى جويىلدى. ياعني، ەگىن القاپتارىن وڭدەۋ شاراسى ءساتتى ءجۇردى.

بيىلعى جىلعى وبلىس ءماسليحاتىنىڭ 3-سەسسياسىندا كوتەرىلگەن بۇل ماسەلە وبلىس اكىمىنىڭ ورىنباسارى ساپاربەك تۇياقباەۆتىڭ ماقتاارال اۋدانىنا بارىپ كەلۋىنە سەبەپ بولىپتى. ول زيانكەستەن قانشالىقتى قاۋىپ تۋىپ تۇرعانىنا ءوزى كوز جەتكىزىپ قايتقان.

شەنەۋنىكتىڭ مالىمدەۋىنشە، بىلتىر 36 مىڭ گەكتار جەر قايتا وڭدەلسە، بيىل بۇل كورسەتكىش ەكى ەسە ارتىپ، 56 مىڭ گەكتار جەتكىزىلگەن. اۋىل شارۋاشىلىعى سالاسىندا كاسىپكەرلىك مەكەمەگە قاراستى عىلىمي-كەڭەس ورتالىعىن اشۋعا قارجى ءبولىنىپ، بۇل باعىتتا دا جۇمىستار تولىق اتقارىلعان. ورتالىق شارۋالارعا كاسىبىن اگروتالاپتارعا سايكەس جۇرگىزۋگە كومەك تە كورسەتىلدى.

زيانكەستەرگە قارسى كۇرەس وسىمدىكتەردى قورعاۋ جونىندە بىلتىر قابىلدانعان باعدارلاما بويىنشا جۇزەگە استى. گەكتارلىق سۋبسيديا قايتا بولىنەتىن بولسا، شارۋا زيانكەستەرگە قارسى پرەپاراتتاردى ءوز قارجىسىنا ساتىپ الادى.

جاۋاپتىلار وسى جۇيەنى قالىپقا كەلتىرۋ ءۇشىن جۇمىستى تىڭعىلىقتى اتقارىپ شىقتى. ءسويتىپ، بيىل شىعىنعا باتاتىن شارۋانىڭ قاتارى ازايىپ، ونىمدىلىك ەكى ەسە ارتتى.

اۋدان ديحاندارى 139 مىڭ گەكتار ەگىستىك جەردىڭ 122744 گەكتارىنا ءشيتتى ماقتا، 4834 گەكتارعا ءداندى داقىلدار، 5092 گەكتارعا باۋ-باقشا ونىمدەرى (كوكونىس، باقشا، كارتوپ،) 860 گەكتارعا جەمىس-جيدەك، 566,2 گەكتارعا ءجۇزىم، 5830 گەكتارعا ازىقتىق داقىلدار ەگىپ، بۇگىنگى تاڭعا 1400 توننا بيداي، 29000 توننا كوكونىس، 37500 توننا باقشا ونىمدەرى ءوندىرىلىپ الىندى.

اباي-اقپارات