حالىقارالىق ماڭىزى بار «بەينەۋ-بوزوي» ماگيسترالدى گاز قۇبىرىنىڭ شاراپاتىن كورۋشىلەر قاتارىندا تۇركىستاندىقتاردىڭ دا سانى ارتىپ كەلەدى.  بۇل تۋرالى «اباي اقپارات» پورتالى وڭتۇستىك قازاقستان وبلىسى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.
سونىڭ ىشىندە كوگىلدىر وتىننىڭ كەلۋىن اسىعا كۇتكەن قالا جۇرتشىلىعىنا ەل تاۋەلسىزدىگىنىڭ 25 جىلدىعى مەرەكەسى قارساڭىندا قۋانىشتى حابار تارادى.

ول – قالا تۇرعىندارىن گازبەن قامتۋعا باعىتتالعان ءبىرىنشى كەزەڭ بويىنشا جەلىلىك گاز قۇبىرلارى قۇرىلىسىنىڭ اياقتالۋى بولاتىن. جوبانى ىسكە قوسۋ ءۇشىن تۇركىستان قالاسىنىڭ اكىمى ءا.وسەرباەۆ، قالالىق ءماسليحات حاتشىسى ع.سارسەنباەۆ جانە «قازترانسگاز» اق وڭتۇستىك وندىرىستىك فيليالى باسشىسىنىڭ ورىنباسارى ە.يۋسۋپاليەۆ تۇركىستاندىقتارعا ىستىق لەبىزدەرىن جەتكىزىپ، گاز قۇبىرىن ىسكە قوستى.

قۇرىلىسى 2015 جىلى باستالعان جوباعا وبلىستىق بيۋدجەت ەسەبىنەن جالپى قۇنى 1 ملرد. 120 ملن. تەڭگە بولىنگەن. قازىرگى تاڭدا شاھارداعى «ساۋران» ىقشام اۋدانىنا تولىعىمەن گاز تاراتۋ جۇيەلەرى جۇرگىزىلىپ، جەكە تۇرعىن ۇيلەرگە گاز كىرگىزۋ جۇمىستارى جالعاسۋدا. جوبا بويىنشا اتالعان ىقشام اۋدان اۋماعىنداعى 7500 ابونەنت تابيعي گازبەن قامتىلۋى ءتيىس بولسا، بۇگىنگى كۇنگە دەيىن 500-گە تارتا ابونەنتكە تابيعي گاز كىرگىزىلگەن. الداعى كۇندەرى قالعان ابونەنتتەردى گازداندىرۋ جۇمىستارى جالعاسىن تاپپاق.  

Abai.kz