«اشىق اكىمدىك» جوباسى اياسىندا اتقارۋشى ورگاندار جۇمىسىنىڭ اشتىقتىعىن، جاريالىعىن قامتاماسىز ەتۋ، حالىقتىڭ تالاپ-تىلەگىن تىڭداۋ، اتقارىلىپ جاتقان جۇمىستاردى ءتۇسىندىرۋ ماقساتىندا سايرام اۋدانىنىڭ اكىمى سامات ساپارباەۆ حالىقپەن كەزدەسۋ ساپارىن باستادى. بۇل تۋرالى «rgmedia.kz» سايتى حابارلايدى.

اكىمنىڭ العاشقى ساپارىن قارامۇرت اۋىلدىق وكرۋگىنەن باستادى. بۇل تۋرالى سايرام اۋدانى اكىمدىگىنىڭ ءباسپاسوز قىزمەتى حابارلادى. كەزدەسۋ بارىسىندا اتقارىلعان جۇمىستار مەن الەۋمەتتىك جاعدايلار ايتىلىپ، تازالىق ماسەلەسى باستى نازارعا قويىلدى. ياعني، ءاربىر تۇرعىن اۋلا تازالىعى مەن كوشە تازالىعىن ساقتاۋعا شاقىرۋدى تاپسىردى، ال جيىنعا قاتىسۋشىلار ايتىلعان ماسەلەلەردى قولدادى. اۋدان اكىمى سامات ايدارحانۇلى اقبۇلاق اۋىلدىق وكرۋگىنىڭ تۇرعىندارىمەن ارنايى كەزدەسۋىندە الەۋمەتتىك جاعدايلاردىتالقىلادى. اۋدان اكىمى كوشە بويلارى مەن اشىق دالا جەرلەرىنىڭ تازالىعىن تۇراقتى ساقتاۋ ءۇشىن حالىق اراسىندا ۇگىت-ناسيحات جۇرگىزۋلەرىن جانە كوشە كوميتەتتەرىنىڭ جۇمىسىن جانداندىرۋ كەرەكتىگىن تىلگە تيەك ەتتى. ال، جيىنعا قاتىسۋشى تۇرعىندار ءوز وتىنىشتەرى مەن تىلەكتەرىن ءبىلدىرىپ، ايتىلعىن ۇسىنىستارعا قولداۋ كورسەتتى.

ال قاراسۋ جانە قايناربۇلاق اۋىلدىق وكرۋگىنىڭ تۇرعىندارىمەن كەزدەسۋدە ۇلتارالىق تاتۋلىقتى نىعايتۋ مەن ساقتاۋ، ءدىني تۇراقتىلىق، وتاۋ قۇرعان جاس وتباسىلارىنىڭ اجىراسۋ جاعدايىنا ۇشىراۋى، الەۋمەتتىك جاعدايى تومەن وتباسىلارعا كومەك كورسەتۋ، زورلىق-زومبىلىقتى الدىن الۋ، قۇقىق بۇزۋشىلىق جانە وزىنە ء–وزى قول جۇمساۋ ءىس- ارەكەتتەرىن بولدىرماۋ، مەكتەپ ۇستازدارى مەن وقۋشىلارىنىڭ تاربيەسى مەن بىلىمىنە ۇلكەن كوڭىل اۋدارۋ ماسەلەلەرى تالقىلانىپ، اۋىل تۇرعىندارى اتىنان ۇسىنىستار ايتىلدى. جيىن سوڭىن اۋىل اقساقالدارى قورىتىندىلاپ، بۇگىنگى تاڭدا اۋداننىڭ الەۋمەتتىك-ەكونوميكالىق جاعدايىن كوتەرۋ ماقساتىندا اتقارىلىپ جاتقان جۇمىستارعا العىستارىن ءبىلدىرىپ، ءوز تاراپتارىنان اق باتالارىن بەرىپ، قولداۋ كورسەتەتىندەرىن جەتكىزدى. وسىنداي كەزدەسۋلەر سونداي-اق، قاراسۋ جانە قايناربۇلاق اۋىلدىق وكرۋگتەرىندە دە ءوتتى.

اباي اقپارات