مەملەكەتتىك قىزمەت كورسەتۋ تۇرلەرىنىڭ ساپاسىن ارتىرۋ  وڭتۇستىكتە باستاۋ العان "اشىق اكىمدىك" جوباسىنىڭ باستى ماقساتى بولىپ تابىلادى. بۇل تۋرالى «rgmedia.kz» سايتى حابارلايدى.

جوباعا سايكەس وبلىس، اۋدان اكىمدىكتەرىندە وتكەن ەسەپ بەرۋ جيىندارىنان قاراپايىم حالىق حاباردار بولۋى كەرەك. سونداي-اق تۇرعىندارعا ەندى بۇرىنعىداي ارىز-شاعىمىن ايتۋ ءۇشىن باسشىلاردىڭ الدىنا بارۋدىڭ قاجەتى جوق. تەك "اشىق اكىمدىكتىڭ" الەۋمەتتاىك جەلىلەردەگى پاراقشالارى، بىرىڭعاي بايلانىس ورتالىعى ارقىلى ۇسىنىستارىن جەتكىزە الادى. سونداي-اق ەندى بوس ورىندارعا جاريالانعان كونكۋرستار تۋرالى دا اشىق تۇردە اكىمدىكتىڭ رەسمي سايتىنان، الەۋمەتتىك جەلىلەردەن تابۋعا بولادى. جاڭا قىزمەتتىڭ اياسىندا وقو اكىمدىگىنىڭ رەسمي سايتى كەلەسىدەي كونكۋرستى جاريالاپ وتىر.

وبلىس اكىمى اپپاراتى كاسىپكەرلىك جانە تۋريزم سالالارىنىڭ دامۋ مونيتورينگى  ءبولىمىنىڭ باس مامانىنا كونكۋرس جاريالايدى. بەكىتىلگەن بىلىكتىلىك تالاپتارى بويىنشا  قاتىسۋشى جوعارى ءبىلىمدى، الەۋمەتتىك عىلىمدار، ەكونوميكا جانە بيزنەس، قۇقىق، حالىقارالىق قاتىناستار، تەحنيكالىق عىلىمدار جانە تەحنولوگيالار، اۋىلشارۋاشىلىق عىلىمدارى، تۋريزم، مادەني-تىنىعۋ جۇمىسى،  ۆەتەريناريادان ءبىلىمى بولۋى شارت. باس ماماننىڭ فۋنكتسيونالدىق مىندەتتەرى: كاسىپكەرلىك، ونەركاسىپ، ساۋدا، تۋريزم سالالارىندا مەملەكەتتىك ساياساتتى ىسكە اسىرۋ بويىنشا قىزمەتتى قامتاماسىز ەتۋ. كورسەتىلگەن سالالارعا مونيتورينگىن قامتاماسىز ەتۋ جانە ءتيىستى ماتەريالدار دايىنداۋ. ءبولىمنىڭ قاراۋىنا جاتاتىن ماسەلەلەر بويىنشا وبلىستىق بيۋدجەتتەن قارجىلاندىرىلاتىن اتقارۋشى ورگانداردىڭ قىزمەتىن ۇيلەستىرۋ.  تىلتابىسقىشتىق،  دەربەس  كومپيۋتەردە جۇمىس ىستەي ءبىلۋ.

ەندەشە، وسى كورسەتىلگەن تالاپتارعا ساي ءبىلىمىڭىز، قاسيەتىڭىز بولسا كونكۋرسقا قاتىسىپ كورىڭىز!

اباي اقپارات