ەلباسىنىڭ «100 ناقتى قادام» ۇلت جوسپارىنىڭ 94-قادامىنداعى تاپسىرمانى ورىنداۋ، ياعني اشىق جانە حالىق الدىندا ەسەپ بەرۋگە مىندەتتى  مەملەكەتتى قۇرۋ، ازاماتتاردىڭ مەملەكەتتىك باسقارۋ سالاسىنداعى قۇقىقتارى مەن مۇمكىندىكتەرىن كەڭەيتۋ، جەمقورلىققا قارسى كۇرەستى كۇشەيتۋ مەن جاڭا تەحنولوگيالاردى مەملەكەتتىك باسقارۋ تيىمدىلىگىن ارتتىرۋ ءۇشىن «اشىق ۇكىمەت» جوباسى اياسىندا حالىققا مەملەكەتتىك ورگانداردىڭ اتقارعان جۇمىستارىن ءتۇسىندىرۋ، ناسيحاتتاۋ ماقساتىندا وبلىسىمىزدا بىرقاتار شارالار ۇيىمداستىرىلۋدا. سولاردىڭ ءبىرى تاۋەلسىزدىكتىڭ 25 جىلدىعىندا جەتكەن جەتىستىكتەردى حالىققا ءتۇسىندىرۋ.

جۋىردا بايدىبەك اۋدانىندا وبلىستىق ىشكى ساياسات باسقارماسىنىڭ باس مامانى قىرىقباەۆ مەكەنحان قوزىحانۇلى, وڭتۇستىك قازاقستان وبلىستىق مەملەكەتتىك پەداگوگيكا ينستيتۋتىنىڭ اعا وقىتۋشىسى، تاريح عىلىمدارىنىڭ كانديداتى، وبلىستىق اقپاراتتىق-ناسيحاتتىق توپ مۇشەسى، لەكتور  ايتاي ءباحادۇر ساتىبالدىۇلى كەلىپ، تاۋەلسىزدىك العان 1991 جىلدان بەرى 25 جىلدا ەلىمىزدە قول جەتكەن جەتىستىكتەردى، وڭ كورسەتكىشتەردى، ونىڭ ىشىندە وبلىستاعى، اۋدانداعى، ەلدى مەكەندەگى وڭ وزگەرىستەردى ءاربىر تۇرعىنعا جەتكىزۋ  ماقساتىندا  اۋدان تۇرعىندارىمەن كەزدەستى. بۇل تۋرالى بايدىبەك اۋدانى اكىمدىگىنىڭ ءباسپاسوز قىزمەتى حابارلادى.

تاۋەلسىزدىكتىڭ 25 جىلدىعى مەرەكەسى قارساڭىندا ماڭىزدى تاريحي، جالپى مەملەكەتتىك جانە يدەيالىق مانگە يە ەكەندىگىن ەسكەرە وتىرىپ، وبلىس تۇرعىندارىنا مەرەكەلىك شارالار ۇيىمداستىرۋ ارقىلى جالپىۇلتتىق بىرلىكتىڭ، تاتۋلىق پەن كەلىسىمدى قامتاماسىز ەتۋدىڭ قازاقستاندىق مودەلىن، مەملەكەت باسشىسىنىڭ قازاقستان تاۋەلسىزدىگىنىڭ قالىپتاسۋىنداعى ءرولىن، جالپىالەمدىك جانە وڭىرلىك پروبلەمالاردى شەشۋدەگى باستامالارىن ناسيحاتتاۋ باستى نازاردا بولدى.

سونىمەن قاتار، سەمينارعا اۋدان اكىمدىگىنىڭ دەربەس ءبولىم باسشىلارى، اۋىلدىق وكرۋگى اكىمدەرى، مەكتەپ ديرەكتورلارى، اۋداندىق، اۋىلدىق وكرۋگتەردىڭ، ەلدى مەكەندەردىڭ اقپاراتتىق-ناسيحاتتىق توپتارىنىڭ مۇشەلەرى، بۇقارالىق اقپارات قۇرالدارىنىڭ وكىلدەرى قاتىستى.

سەميناردى قورىتىندىلاي كەلە، اۋدان اكىمىنىڭ ورىنباسارى ا.تەمىر ءسوز الىپ،ءبىرىنشى كەزەكتە تاۋەلسىزدىك جىلدارى اتقارىلاتىن جۇمىستاردى ناسيحاتتاۋعا جان-جاقتى جۇمىلۋىمىز كەرەكتىگىن،  ەلىمىزدە تاۋەلسىزدىك جىلدارىندا جەتكەن جەتىستىكتەردى ناسيحاتتاۋ، ءتۇسىندىرۋ، جۇزەگە اسىرۋ جالپى قوعامعا جۇكتەلگەن مىندەت ەكەنىن ايتىپ ءوتتى.

اباي اقپارات