وڭتۇستىك قازاقستان وبلىسىنىڭ تۇلكىباس اۋدانى جەمىس جيدەك وسىرۋگە قولايلى، جەرى قۇنارلى ءوڭىر. سونداي-اق ەكىنشى «شۆەيتساريا» اتالاتىن تابيعاتى ەرەكشە تۇلكىباستا جىل ون ەكى اي ساياحاتتاۋشىلار لەگى تولاستاعان ەمەس. قۇت مەكەننىڭ اسەم تابيعاتىن تاماشالاۋعا بەرىسى ەلىمىزدەن، ارىسى شەت مەملەكەتتەردەن كەلۋشىلەر سانى جىل سايىن ارتىپ وتىرادى. تۇلكىباستىڭ تاعى ءبىر اتىن شىعارار برەندى الماسى. تۇلكىباستىڭ قۇنارلى توپىراعىندا وسەتىن الماسى بۇگىندە برەندكە لايىق دەپ تانىلۋدا.

وسىدان ءۇش جىل بۇرىن الما شارۋاشىلىعىن قولعا العان «كەنتاۋ» جشس-ءنىڭ ەڭبەگى ەش كەتپەگەن سەكىلدى. كوكتەم ايىنداعى ۇسىككە قاراماستان الما اعاشتارى بيىلعى جىلى العاشقى جەمىسىن بەرگەن. بۇل كوشەتتەر پولشا، تۇركيا ەلدەرىنەن، تالدىقورعاننان جانە جەرگىلىكتى جەردەن الىنعان.

«300 گەكتار جەردە الما باعى وسىرىلۋدە. «گرەن سميت»، «رەنەت بۋرحاردتا»، «فۋدجي گالا»، «ايدارەد»، «زولوتوي پرەۆوسحود» سەكىلدى المانىڭ سۇرىپتارىن ءوسىپ جاتىر. 40 گەكتاردان 3 باۋ بار. ونىڭ 5 گەكتارىندا كوشەتتەر دايىندالادى. "100 گەكتارىندا الما، سونىڭ 80 گەكتارىن تامشىلاتىپ سۋعارۋ جۇيەسىمەن، 20 گەكتارى ارىقپەن سۋعارىلادى. باۋ-باقشانى وندىرۋگە 3 ملن دوللار جۇمسالدى. مەملەكەت تاراپىنان سۋبسيديا بەرىلدى. ەتكەن ەڭبەگىمىزدىڭ جەمىسىن كورۋدەمىز. بىلتىرعى جىلى العاشقى ءونىم الدىق", — دەيدى سەرىكتەستىكتىڭ اتقارۋشى ديرەكتورى ر.ءاشىروۆ.

ەڭبەگى زايا كەتپەگەن سەرىكتەستىك كەلەسى جىلى الما باۋدىڭ كولەمىن 30-40 گەكتارعا ۇلعايتپاقشى. ءارى جاقىندا سالىنعان يندۋستريالدىق ايماقتان قويما سالۋدى دا جوسپارلاپ وتىر. سونىمەن قاتار، ايماقتا باۋ-باقشاعا قولايلى بولعاندىقتان سوڭعى ۋاقىتتا باعباندىق شارۋاشىلىقتى دامىتۋ ىسىنە بارىنشا كوڭىل ءبولىنىپ جاتىر. بۇعان مەملەكەت تاراپىنان دا قولداۋ كورسەتىلۋدە. ماسەلەن، شارۋالار باۋدىڭ كولەمى 5 گەكتاردان اسسا جانە تامشىلاتىپ سۋعارۋ جۇيەسىن قولدانسا مەملەكەتتەن سۋبسيديا الادى.

Abai.kz