بيىلعى جىل وڭتۇستىك قازاقستان وبلىسى ءۇشىن بەرەكەلى جىل بولدى. جاقىندا وڭتۇستىك قازاقستان وبلىسىندا جازعى ءداندى داقىلداردى جيناۋ جۇمىستارى تولىق اياقتالدى. بۇل تۋرالى «اباي اقپارات» پورتالى حابارلايدى.

بيىل وبلىس ديحاندارى استىق وسىرۋدە وزىق تەحنولوگيالاردى، ونىڭ ىشىندە تەرەڭ قوپسىتۋ ءادىسىن قولدانا وتىرىپ، ۇلكەن كورسەتكىشتەرگە قول جەتكىزدى.

وڭتۇستىكتىڭ شارۋالارى 214,4 مىڭ گا جەرگە ەگىلگەن ماساقتى ءداندى داقىلدىڭ ءار گەكتارىنان 22 تسەنتنەردەن، بارلىعى 470 مىڭ توننا ءونىم جينادى. ماسەلەن، قازىعۇرتتا 42 مىڭ گا جەرگە ەگىلگەن استىقتان گەكتارىنا 26,5 تست، تولە بي اۋدانى 20,6 مىڭ گا استىقتىڭ ءار گەكتارىنان 26 تسەنتنەردەن ءونىم السا، تۇلكىباستىق شارۋالار 24,8 مىڭ گا القاپتان 25,2 تسەنتنەردەن ءونىم العان. سونىمەن قاتار، وبلىستا داندىك جۇگەرىنى ورۋ ناۋقانى باستالىپ، 40,1 مىڭ گەكتار جەرگە ەگىلگەن جۇگەرىنىڭ بۇگىندە 3,3 مىڭ گا ورىلدى. ونىڭ گەكتارىنان 42,4 تسەنت، بارلىعى 13,8 مىڭ توننا ءونىم جينالدى. ال 74 مىڭ گەكتار جەرگە ەگىلگەن ماقسارىنىڭ بۇگىندە 28,7 مىڭ گا ورىلىپ، ودان 20,1 مىڭ توننا ءونىم جينالىپ وتىر. الدىن الا ەسەپ بويىنشا ديقاندار ءار گەكتاردان 7 تسەنتنەردەن، جالپى 52 مىڭ توننا ءونىم جيناۋدى جوسپارلاۋدا. بۇل بۇل ءوڭىر ءۇشىن ۇلكەن جەتىستىك بولىپ وتىر. جالپى العاندا وبلىستا وسى جىلى ءداندى داقىلداردان 660 مىڭ توننا ءونىم جينالادى دەپ كۇتىلۋدە. ايتا كەتەر جايت كۇنگەيدەگى ديحاندار بۇل جەتىستىكپەن توقتاپ قالماق ەمەس. الداعى جىلى ەگىلەتىن ەگىس كولەمىن دە، ءونىمدى دە ەسەلەپ ارتتىرۋ جايلى جوسپارى بار.

Abai.kz