«اشىق اكىمدىك» جوباسىنىڭ نەگىزگى مىندەتتەرىنىڭ ءبىرى – بيلىك تاراپىنان اتقارىلىپ جاتقان جۇمىستارعا حالىقتىق باقىلاۋ جاساۋ. ياعني، تۇرعىندار جوعارى لاۋازىم يەلەرىنىڭ ءاربىر اتقارعان جۇمىسىن باقىلاۋعا الا الادى. بۇل تۋرالى «rgmedia.kz» سايتى حابارلايدى.

حالىق ءتىپتى وبلىس اكىمىنە دەيىن ۇسىنىستارىن جەتكىزە الادى. وسى ارقىلى وڭتۇستىك قازاقستان وبلىسىندا «اشىق اكىمدىك» جوباسى اياسىن تۇرعىندارعا اقپاراتتىق بيلىك بەرىلىپ، جاعداي جاسالۋدا. وڭتۇستىكتە ەلباسى تاپسىرماسىمەن دەموكراتيالىق قوعام زور قارقىنمەن دامۋدا. 

مىسالى، «اشىق اكىمدىك» جوباسى شەڭبەرىندە «نۇرلى جول» باعدارلاماسى اياسىندا تۇركىستان قالاسى «ياسسى» شاعىناۋدانىندا سالىنعان بالاباقشا قۇرىلىسىنىڭ ساپاسىمەن تانىسقان كوميسسيا مۇشەلەرى قارجىنىڭ يگەرىلۋى قاتاڭ باقىلاۋدا بولعانىن ايتتى. توپ مۇشەلەرى قۇرىلىسىنا 395,8 ملن. تەڭگە قارالعان، 280 ورىندىق ەكى قاباتتى نىساندى ارالاپ، تىندىرىلعان تىرلىككە وڭ باعاسىن بەرگەن بولاتىن. بۇل تۋرالى «اشىق اكىمدىك» جوباسى اياسىندا جۇمىس ىستەپ تۇرعان Ontustik_derek ينستاگرام پاراقشاسىندا جاريالاندى.  

نىسانعا وتكەن جىلى 250 ملن. تەڭگە قارالعان. مەردىگەر «بەك» جشس بەكىتىلگەن كەستە اياسىندا جۇمىس جاساعان. – مۇندا قولدانىلعان ماتەريالداردىڭ 90 پايىزى وتاندىق ونىمدەر، ونىڭ 40 پايىزى تۇركىستان قالاسىندا جاسالعان دۇنيەلەر دەگەن «بەك» جشس-نىڭ ۋچاسكە باسشىسى مۇرات ورىنبەتوۆ قۇرىلىستى بيىلعى ماۋسىمدا اياقتايتىنىن جانە اتقارىلعان جۇمىس جايىن جان-جاقتى بايانداپ بەردى.

«نۇر وتان» پارتياسىنىڭ نەگىزگى جۇمىس باعىتى قازاقستان رەسپۋبليكاسىنىڭ ۇلتتىق قورى مەن بيۋدجەتتەن بولىنگەن قاراجاتتىڭ ماقساتتى ءارى ءتيىمدى جۇمسالۋىنا مونيتورينگ جاساۋ بولىپ تابىلادى. جالپى «نۇر جول» باعدارلاماسى اياسىندا وڭتۇستىك قازاقستان وبلىسىندا 24 نىساننىڭ قۇرىلىسىنا 7439,9 ملن.تەڭگە قارجى ءبولىنىپ، ونىڭ 11-ىندە قۇرىلىس جۇمىستارى اياقتالعان. 7409,6 ملن.تەڭگە نەمەسە قارالعان قاراجاتتىڭ 99,6%-ى يگەرىلگەن. 

Abai.kz