تاۋەلسىزدىكتىڭ 25 جىلدىعىندا وڭتۇستىك قازاقستان وبلىسىنىڭ اۋىل شارۋاشىلىعى سالاسىنداعى جالپى ءونىم 11,5 ەسەگە ءوسىپ، 220 ميلليارد تەڭگەدەن اسقان. سوڭعى جىلدارى وڭىردە جىلىجايلاردىڭ كولەمى 9 ەسەگە ارتىپ، 1,1 مىڭ گەكتاردان استى. تامشىلاتىپ سۋارۋ ءادىسى ەنگىزىلگەن القاپتاردىڭ جالپى كولەمى 50 400 گەكتارعا جەتتى.

رەسپۋبليكا بويىنشا وڭتۇستىك قازاقستاندا ماقتانىڭ 100 پايىزى، باقشا ونىمدەرىنىڭ 66 پايىزى، ءجۇزىمنىڭ 65 پايىزى، ماقسارىنىڭ 40 پايىزى، جەمىس-جيدەكتىڭ 31 پايىزى، كوكونىستىڭ 24 پايىزى وندىرىلەدى. بۇلاردان بولەك وقو-دا رەسپۋبليكاداعى جىلىجاي ءوندىرىسىنىڭ 87 پايىزى، تامشىلاتىپ سۋارۋ ءادىسى ەنگىزىلگەن القاپتىڭ 73 پايىزى ورنالاسقان.

1991 جىلمەن سالىستىرعاندا وبلىستا كوكونىس ءوندىرۋ 5 ەسەگە، باقشا ونىمدەرى 10 ەسەگە، كارتوپ 5 ەسەگە ارتقان. 25 جىلدا وڭىردە استىقتىڭ تۇسىمدىلىگى 17,8 تسەنتنەردەن 22 تسەنتنەرگە، ياعني رەكوردتىق كورسەتكىشكە جەتكەن. 2016 جىلى وبلىس ديقاندارى 470 مىڭ توننا استىق جينادى.

ايتا كەتەيىك، وڭىرىمىزدە جۇزەگە اسىپ جاتقان «اشىق اكىمدىك» جوباسى بويىنشا مەملەكەتتىك ورگاندار وزدەرىنىڭ اتقارعان جۇمىستارى تۋرالى مالىمەتتەردى اشىق اقپارات كوزدەرىندە جاريالاپ وتىرۋى ءتيىس. مەملەكەتتىك قىزمەتكە قاتىستى كەز-كەلگەن اقپاراتتى يەلەنۋ قولجەتىمدى بولۋى كەرەك. جەرگىلىكتى اتقارۋشى ورگاندارعا ءوڭىردىڭ دامۋىنا قاتىستى اقپاراتتاردى اشىق دەرەككوزدەرىندە جاريالاپ وتىرۋ مىندەتتەلگەن.

Abai.kz