جاز، كۇز مەزگىلىندە بازارلاردا، ساۋدا ورىندارىندا سامسىپ تۇراتىن جەمىس-جيدەكتەردىڭ، كوكونىستەردىڭ ءتۇرى ويىنشىق سەكىلدى ءاد-ادەمى، بىراق ءدامى مەن ساپاسى كۇمان تۋدىرادى. ويتكەنى حالىق باۋ-باقشا ونىمدەرىنە كوپتەگەن حيميالىق زاتتار قوسىلاتىنىنا حاباردار.

جاقىندا وڭتۇستىك قازاقستان وبلىسىندا وسىرىلگەن جەمىس-جيدەكتەر مەن كوكونىستەردى ءجىتى تەكسەرگەن ماماندار، سانيتارلىق دارىگەرلەر جەرگىلىكتى ءوڭىردىڭ باۋ باقشا ونىمدەرىن قورقىنىشسىز پايدالانا بەرۋگە بولاتىنىن ايتتى. ساراپشى ماماندار 100-دەن اسا قاۋىن، قاربىز، قىزاناقتى تەكسەرگەندە قۇرامىندا ەشقانداي نيترات انىقتالماعان. بازار سورەلەرىندە 10 كەلىلىك قاربىز جانە وزگە دە قاۋىنداردىڭ سورتتارى تەكسەرۋدەن وتكەن. جەدەل تەكسەرۋ ولاردىڭ قۇرامىندا ەشقانداي نيترات جوق دەپ كورسەتكىشتى كورسەتتى. ەندى باۋ- باقشا جانە وڭتۇستىك وڭىرلەردەن اكەلىنەتىن ونىمدەردى قورقىنىشسىز ساتىپ الۋعا بولادى. ساپاسىز ونىمدەردەن ۋلانىپ قالۋدان ساقتانۋ ءۇشىن ءتۇر-ءتۇسى كۇماندى جانە جارىلعان قاۋىندار مەن قاربىزداردى تۇتىنۋعا تىيىم سالىنادى.

دەرەكتەرگە سۇيەنسەك، وڭتۇستىك قازاقستاندا 3800 گەكتارعا جەمىس-جيدەك وسىرسە، سونىڭ 900 گەكتارى ينتەنسيۆتى تەحنولوگيا ءتاسىلىن قولدانعان. سونىمەن قاتار، وبلىستاعى شارۋالار كەلەر جىلى تاعى دا، 1000 گەكتار جەرگە ينتەنسيۆتى باۋ-باقشا ءوسىرۋدى جوسپارلاپ وتىر.

الداعى ۋاقىتتا رەسپۋبليكا حالقىن جەمىس-جيدەك جانە ءجۇزىم ونىمدەرىمەن قامتاماسىز ەتۋ ماقساتىندا وڭىردە ينتەنسيۆتى باۋ شارۋاشىلىعىن دامىتۋ قارقىندى جۇرگىزىلىپ كەلەدى. وسى جىلدىڭ وزىندە جالپى 4,3 مىڭ گا. جەمىس-جيدەك داقىلدارىن ونىڭ شىندە 2 مىڭ گا ينتەنسيۆتى باۋ ەگۋ بويىنشا جۇمىستار جۇرگىزىلۋدە.

Abai.kz