وبلىس اكىمى ج.تۇيمەباەۆ وڭتۇستىك قازاقستان وبلىسى توتەنشە جاعدايلار دەپارتامەنتىنىڭ قىزمەتكەرلەرىمەن كەزدەستى. وندا قىسقا دايىندىق بارىسى مەن توتەنشە جاعدايلاردىڭ الدىن الۋ جايى قارالدى.

كەزدەسۋ بارىسىندا وقو توتەنشە جاعدايلار دەپارتامەنتىنىڭ باستىعى ازاماتتىق قورعاۋ پودپولكوۆنيگى ن.دەربىسوۆ اتالعان دەپارتامەنتتىڭ جەدەل-قىزمەتتىك جۇمىسىنباياندادى.

ونىڭ ايتۋىنشا، 10 ايدا وبلىس اۋماعىندا 1070تابيعي جانە تەحنوگەندىك سيپاتتاعى توتەنشە جاعدايلار مەن وقيعالار تىركەلگەن. بۇل وتكەن جىلدىڭ وسى كەزەڭىمەن سالىستىرعاندا 4,4 پايىزعا تومەن. ال دابىل بويىنشا توتەنشە جاعدايلار دەپارتامەنتىنىڭ  كۇشتەرى 5953  رەت شىققان. ونىڭ ىشىندە: 111 رەت اۆاريالىق-قۇتقارۋ، 60 رەت ىزدەستىرۋ-قۇتقارۋ جۇمىستارى بولسا، 106 ادام قۇتقارىلىپ، توتەنشە جاعدايلار ايماعىنان 1276 ادام ەۆاكۋاتسيالاندى، ال  9 ادامعا مەديتسينالىق كومەك كورسەتىلدى.

جيىندا قىس مەزگىلىندەگى توتەنشە جاعدايلاردىڭ الدىن الۋ بويىنشا دا اتقارىلعان جۇمىستار جايىن بايانداعان ازاماتتىق قورعاۋ پودپولكوۆنيگى«قىس-2016» رەسپۋبليكالىق كوماندالىق-شتابتىق وقۋ-جاتتىعۋىن وتكىزۋ كەزىندە وبلىس بويىنشا رەسپۋبليكالىق جانە وبلىستىق ماڭىزى بار جولدارعا قىزمەت كورسەتەتىن جول تەحنيكالارىنىڭ دايىندىعى تەكسەرىلگەنىن اتاپ ءوتتى.  

«2016 جىلعى 21  قاراشادا ماماندار وبلىستىق جولداردىڭ قاۋىپتى ۋچاسكەلەرىن قاراپ شىقتى.   بايدىبەك اۋدانىنداعى «ۇلانبەل-سوزاك-شايان-ەكپىندى» وبلىستىق جولىنىڭ 606-شاقىرىمىندا «ودامان بۇلاق» اسۋى، قوشقاراتا-جارىكباس-بىرلىك» جولىنىڭ 128-شاقىرىمىندا «شىبىقبەل» اسۋلارى ورنالاسقان. بۇل بەكەتتەر تولىعىمەن توسەك ورىندارىمەن جانە كومىرمەن قامتاماسىز ەتىلگەن. ءاربىر پۋنكتكە 10 توننادان كومىر جەتكىزىلەدى. جولداردا «جىلىتۋ بەكەتى» بەلگىلەرى ورناتىلعان»، - دەدى ن.دەربيسوۆ. 

جالپى، قىس مەگىلىندە 4330,3 شاقىرىم وبلىستىق جولدارعا قىزمەت كورسەتىلەدى. ونىڭ ىشىندە 1943,3 شاقىرىم جولدار ءبىرىنشى كەزەكتە قاردان تازالانسا، 433 شاقىرىم جول قاۋىپتى ۋچاسكەلەر ايماعىنا كىرەدى.   سونداي-اق، قاۋىپتى جولداردىڭ ءتورت باعىتىندا وقو تج دەپارتامەنتىنىڭ جوعارى ءوتىمدى تەحنيكاسى بەكىتىلگەن، ولاردىڭ جالپى سانى 63 بىرلىكتى قۇراپ وتىر.

ال، وبلىس بويىنشا 7 اسۋ، 10 جىلىتۋ بەكەتتەرى بار. ولاردىڭ دايىندىعىن تج قىزمەتكەرلەرى جول قىزمەتىنىڭ وكىلدەرىمەن بىرلەسىپ تەكسەرەدى.

قىسقا دايىندىق بارىسىن تىڭداعان وبلىس اكىمى قىس مەزگىلىندە ينەرتتى ماتەريالدار قورىنىڭ جەتكىلىكتى بولۋىن جانە تەحنيكالاردىڭ ۇنەمى دايىندىقتا تۇرۋىن جۇكتەدى. سونىمەن قاتار، وبلىستىق اسۋلاردا ورنالاسقان جىلىتۋ پۋنكتتەرىندە قاتتى وتىننىڭ جەتكىلىكتى كولەمدە قامتىلۋىن قاداعالاۋدى وبلىس اكىمىنىڭ ورىنباسارى ج.بوكەنباەۆقا تاپسىردى.

سونداي-اق، اكىم وڭتۇستىك قازاقستان وبلىسى توتەنشە جاعدايلار دەپارتامەنتىنىڭ باستىعى ازاماتتىق قورعاۋ پودپولكوۆنيگى  ن.دەربىسوۆكە قىس مەزگىلىندە مەتەورولوگيالىق قۇبىلىستارعا دايىن بولۋدى، توتەنشە جاعدايلاردىڭ الدىن الۋ جانە جويۋ باعىتىنداعى جۇمىستاردى كۇشەيتۋدىمىندەتتەدى.

Abai.kz