الماتىدا 2017 جىلى وتەتىن ۋنيۆەرسياداعا چەحيا رەسپۋبليكاسىنىڭ 127 وكىلى بار دەلەگاتسياسى قاتىسادى. بۇل تۋرالى «اباي اقپارات» الماتى قالاسى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

بۇگىن الماتى اكىمى باۋىرجان بايبەك چەحيا رەسپۋبليكاسىنىڭ سىرتقى ىستەر ءمينيسترى ليۋبومير زاورالەك پەن جانە وسى ەلدىڭ وڭىرلىك دامۋ ءمينيسترى كارل ا شلەحت وۆپەن كەزدەستى.

تاراپتار ساۋدا- ەكونوميكالىق جانە مادەني- گۋمانيتارلىق بايلانىستاردى ودان ءارى دامىتۋ ماسەلەلەرىن تالقىلادى.

كەزدەسۋ بارىسىندا الماتى اكىمى الماتى مەن چەحي يا اراسىنداعى ساۋدا بايلانىسى ۇستىمىزدەگى جىلدىڭ 10 ايى ىشىندە 76,3 ملن. اقش دوللارىنا ارتقانىن، مەگاپوليستە بىرىككەن 40 جانە چەحتىڭ كاپيتالىمەن جۇمىس ىستەيتىن 24 كاسىپورىننىڭ تىركەلگەندىگىن ايتتى.

ءوزىنىڭ سوزىندە ب.بايبەك 2015 جىلى قازاقستان الەمنىڭ 35 ەلى ءۇشىن ۆيزاسىز رەجيمدى ەنگىزگەنىن، 2017 جىلى ونىڭ 56 مەملەكەتكە جەتەتىنىن حابارلادى.

«الماتى ەلىمىزدىڭ بارلىق تۋريستىك قىزمەتىنىڭ 60% -ىن قامتاماسىز ەتەدى. مۇندا الەمدەگى بيىك تاۋ شاتقالىنداعى «مەدەۋ» مۇز ايدىنى، ماۋسىمىنا 120 مىڭ ادام كەەلەتىن «شىمبۇلاق» تاۋ شاڭعىسى كۋرورتى بار، ءاربىر ەكىنشى شەتەلدىك تۋريست الماتىعا كەلەدى. وتكەن جىلى الماتىدا چەحيانىڭ 1,5 مىڭ ازاماتى بولدى. كەلەر جىلدىڭ باسىندا 28-ءشى قىسقى ۋنيۆەرسيادا وتەدى، وعان قۇرامىندا 127 ادام بار چەحيا دەلەگاتسياسى دا قاتىسادى، ولاردىڭ 78 اتلەتتەر»، - دەدى ب.بايبەك.

چەحيا رەسپۋبليكاسىنىڭ سىرتقى ىستەر ءمينيسترى ليۋبومير زاورالەك ەكى ەل بيزنەسمەندەرەنىڭ ءتۇرلى سالالار بويىنشا ءوزارا بايلانىستارىنىڭ ارتىپ كەلە جاتقانىن ءسوز ەتتى.

«بيىل قازاقستان ءوز تاۋەلسىزدىگىنىڭ 25 جىلدىعىن اتاپ وتەدى. وسى قىسقا مەرزىم ىشىندە قازاقستاننىڭ زور ەلەۋلى تابىستارعا جەتكەنى تاڭداندىرادى. مەملەكەتتىڭ ەكونوميكالىق جانە ساياسي جاعىنان تۇراقتى بولۋى بيزنەس ءۇشىن وتە ماڭىزدى. سوندىقتان ءبىز سىزدەرمەن ىنتىماقتاستىقتى ودان ءارى نىعايتۋعا ىنتالىمىز»، - دەدى ل.زاورالەك.

چەحيانىڭ وڭىرلىك دامۋ ءمينيسترى كارلا شلەحتوۆ ءوزىنىڭ سوزىندە قازاقستاننىڭ سولتۇستىگىنە بارعان ساپارلارىندا تەمپرەراتۋرانىڭ كۇرت تومەندەگەنىن، وزگەلەرمەن سالىستىرعاندا الماتىنىڭ وتە اسەم قالا ەكەندىگىن ەرەكشە اتاپ ءوتتى. مينيستر حانىم الماتىنىڭ تۋريستىك پوتەنتسيالىنىڭ جوعارى ەكەنىن، قالاعا چەحيادان كەەلەتىن تۋريستەر سانىنىڭ جىل سايىن ارتا تۇسەتىنىن ايتتى.

نۇرزات توعجان

Abai.kz