ەلباسى نۇرسۇلتان نازارباەۆتىڭ قازاقستان مەملەكەتتىلىگىن قۇرۋ مەن نىعايتۋداعى «ماڭگىلىك ەل» ۇلتتىق يدەياسىنىڭ قۇندىلىقتارىن جۇزەگە اسىرۋ ماقساتىندا جانە تاۋەلسىزدىگىمىزدىڭ 25 جىلدىعىنا ارنالعان «قۋاتتى ءوڭىر – قۋاتتى قازاقستان» اتتى مەگا-جوباسىنىڭ ءوڭىر ايماقتارىن ارالاپ، ەستافەتالىق شەرۋگە شىققانىنا دا ءبىراز بولدى، - دەپ حابارلايدى atr.kz سايتى.

تاۋەلسىزدىك جىلدارى قول جەتكىزگەن جەتىستىكتەردى جاس ۇرپاق ساناسى ءسىڭىرىپ، كەيىنگى بۋىندى ەلجاندىلىققا تاربيەلەۋگە باعىتتالعان بۇل ەستافەتا قۇرمانعازى اۋدانىنان باستاۋ الىپ، يساتاي، ماحامبەت، يندەر اۋداندارىنىڭ اۋىلدىق وكرۋگتەرىن ارالاپ، كەشە «قاقپاقتى قارا قازان» اتانعان قىزىلقوعا وڭىرىنە جەتتى.

«التىن ادام» توپ باستادى

الىمساقتان، تامىرى ءبىر، تاريحى ەگىز يندەر مەن قىزىل-قوعا اۋداندارىنىڭ ماڭىزدى مەگا-جوبادا باس قوسۋى – تابيعي ۇندەستىك. يندەرلىك دەلەگاتسيانى اۋدان شەكاراسىنان اۋدان اكىمىنىڭ ورىنباسارى الىبەك ولجاعاليەۆ پەن اۋداندىق ىشكى ساياسات ءبولىمىنىڭ باسشىسى تالعات بازارباەۆ باستاعان توپ ءسان-سالتاناتپەن كۇتىپ الدى. تەرمەشى يعالي ىزتۇرعانوۆ جىردان شاشۋ شاشىپ، اقساقالدار «قوش كەلدىڭىز» ايتىپ، جاستار فلەشموب  ۇيىمداستىردى.

ناعىز دۋمان اۋدان ورتالىعى – ميالىنىڭ كىرەبەرىس قاقپاسىنداعى كوپىردەن باستالدى. مۇندا دا قازاقى سالتپەن ۇلتتىق كيىم كيگەن قىزدار داستۇرگە ساي قوناقجايلىق  تانىتتى. سول جەردە تاۋەلسىزدىك سيمۆولى – «بايتەرەك» بەينەلەنگەن ەستافەتا «التىن ادام» بەينەسىن سومداپ شىققان جىگىتكە ۇسىنىلدى. ءوز كەزەگىندە ول جانىنداعى ەجەلگىنىڭ باتىرلارىنداي بولىپ تۋ ۇستاعان 25 سالت اتتىمەن بىرگە ەستافەتانى باستاپ، اۋىلعا قاراي كوش تۇزەدى.

مەرەكەگە ساي بەزەندىرىلگەن كولىكتەر كەرۋەنى «التىن ادامنىڭ» ارتىنان ىلەستى.   ميالىعا كىرگەن بەتتە 50 ۆەلوجورىقشى قوسىلىپ، شەرۋ ۇلكەن كوشكە اينالدى. ەلىمىزدىڭ كوك بايراعىن ۇستاعان سالت اتتىلار مەن بەزەندىرىلگەن كولىكتەر، سپورتتىق كيىمدەگى مارافونشىلار اۋىلدىڭ ورتالىق كوشەلەرىن دۋ- مانعا بولەدى.

«ارمان» مادەنيەت ءۇيىنىڭ الدىنا كەلگەن كەرۋەندى جىراۋ بەرىك امانتاەۆ توكپەكتەتكەن جىرىمەن قارسى الدى. مىڭ بۇرالعان ءبيشى قىزدار «ماڭگىلىك ەل» كومپوزيتسيالىق ءبيىن بيلەدى. كوگىلدىر كوككە بەيبىتشىلىك قۇسى – 25 كوگەرشىن مەن «قىزىلقوعا اۋدانى» جانە «تاۋەلسىزدىككە – 25 جىل» دەگەن جازۋ جازىلعان شارلار ۇشىرىلدى.

«ارمانداعى» اق تىلەكتەر

سالتاناتتى شارا ودان ءارى «ارمان» مادەنيەت ۇيىندە جال-عاستى. وندا كەلۋشى قوناقتار فويەدە جاساقتالعان اۋدان تاريحىنان سىر شەرتەتىن جادىگەرلەرمەن، اۋدان قولونەرشىلەرىنىڭ تۋىندىلارىمەن تانىسىپ، وڭ باعالارىن بەردى. جۇرتشىلىق ساحناداعى ۇلكەن ەكران ارقىلى جەتپىس جىلدان استام تاريحى بار اۋداننىڭ سوڭعى شيرەك عاسىرداعى قول جەتكىزگەن جەتىستىكتەرىن كورىپ، ءبىر جاساپ قالدى. بەينەكورسەتىلىمنەن سوڭ مەگا-جوبا ەستافەتانىڭ سيمۆوليكاسىنا اينالعان «بايتەرەك» بەينەسى ساحنا تورىنە اكەلىندى. يندەر اۋدانىنىڭ اكىمى سەرىك ارىستان مىنبەگە كوتەرىلىپ، كورشىلەردىڭ ىستىق سالەمىن جولداپ، قۇتتىقتاۋ حات پەن ەستەلىك سىيلىق تابىس ەتتى.

ەستافەتا قىزىلقوعا اۋدانىنىڭ اكىمى ماقسوت مۇقانوۆ پەن تاۋەلسىزدىك قۇرداسى، جاستار اراسىندا دزيۋدودان الەم چەمپيوناتىنىڭ كۇمىس جۇلدەگەرى، قازاقستاننىڭ ءۇش دۇركىن چەمپيونى، اۋداننىڭ قۇرمەت-ءتى ازاماتى ناۋرىزبەك مايلاشەۆقا تابىستالدى. ءوز كەزەگىندە ءسوز العان اۋدان اكىمى ماقسوت سايپولۇلى دا يندەرلىك ارىپتەسىنە العىس حات پەن باعالى سىيلىق تارتۋ ەتتى.

شارا بارىسىندا تاۋەلسىز-دىكپەن بىرگە تۋىپ، ەلمەن بىرگە ەسەيىپ، جەتىستىككە جەتكەن ءبىر توپ ازاتتىق قۇرداستارى مەن كۇمىس توي يەلەرى ماراپاتتالدى. اۋدان اكىمى ميالى اۋىلدىق وكرۋگىندەگى از قامتىلعان 25 جانۇياعا سەرتيفيكات تابىس-تاپ، قامقورلىق كورسەتتى.

سالتاناتتى شارادا وبلىستىق تىلدەردى دامىتۋ باسقارماسىنىڭ باسشىسى بايازي ابدەشەۆ، «نازگۇلىم» شارۋا قوجالىعىنىڭ ءتورايىمى ءمارزيا ابىشەۆا، تاۋەلسىزدىك قۇرداسى گۇلىم قۋاندىققىزى قۇتتىقتاۋ لەبىزدەرىن جولدادى.

سالتاناتتى جيىن ودان ءارى اۋدان ونەرپازدارىنىڭ كونتسەرتىمەن جالعاسىپ، ونى «جۇلدىز-اي» بي ۇجىمى «توي شاشۋ» بيىمەن باستادى. حالىقتىق «اقجەلەڭ» فولكلورلىق ءانسامبلى كۇمبىر كۇيلەرىن توگىلتتى. يندەرلىك تەرمەشى ەركىن اۋباكىروۆ جىردان شاشۋ شاشىپ، قوناق كادە ءراسىمىن جاسادى. جاس ونەرپازدار وتان، تۋعان جەر تۋرالى  اندەرىن شىرقاپ، كورەرمەندى شاتتىققا بولەدى.

دۋلات عۇبايدۋللين،

قىزىلقوعا اۋدانى

Abai.kz