اتىراۋدا وتكەن وبلىستىق پاتريوتتار فورۋمى وسى تاقىرىپقا ارنالدى، - دەپ حابارلايدى atr.kz سايتى.

كەشە قۇرمانعازى اتىنداعى مادەنيەت سارايىندا «ماڭگىلىك ەل» جالپىۇلتتىق يدەياسىن ناسيحاتتاۋ ماقساتىندا وبلىستىق پاتريوتتار فورۋمى ءوتتى.

بۇل شارانى «جاس ۇلان» بىرىڭعاي بالالار مەن جاسوسپىرىمدەر ۇيىمى وبلىستىق ىشكى  ساياسات  باسقارماسىنىڭ مەملەكەتتىك الەۋمەتتىك تاپسىرىسىمەن ءداستۇرلى تۇردە ۇيىمداستىرىپ كەلەدى.

وبلىستىق ىشكى ساياسات باس-قارماسى باسشىسىنىڭ ورىنباسارى ساعادات اجىعاليەۆ بارشا وبلىس جۇرتشىلىعىن الدا كەلە جاتقان قازاقستان تاۋەلسىزدىگىنىڭ 25 جىلدىق مەرەكەسىمەن قۇتتىقتادى.

بۇدان كەيىن ءوڭىرىمىزدىڭ ءتۇرلى سالاسىن دامىتۋعا سۇبەلى ۇلەس قوسىپ جۇرگەن ازاماتتاردى ءار نوميناتسيا بويىنشا ماراپاتتاۋ بولدى.

«ەرەن ەڭبەك جولى» نوميناتسياسى بويىنشا سانالى عۇمىرىنىڭ 31 جىلىن جاس ۇرپاققا ءبىلىم مەن تاربيە بەرۋ ىسىنە ارناعان، ۇستازدار ديناستياسىن جالعاستىرۋشى ايمان ەسمۇحانوۆا ماراپاتتالدى.

ۇستازدىق جولىن اباي اتىنداعى №27 ورتا مەكتەپتە تاريح جانە قۇقىق ءپانىنىڭ مۇعالىمى بولىپ باستاعان ول 1996 جىلدان بەرى اعىلشىن ءتىلىن تەرەڭدەتىپ وقىتاتىن تەحنيكالىق گيمنازيادا قىزمەت ەتىپ كەلەدى.  2000 جىلدان وقۋ ءىسىنىڭ مەڭگەرۋشىسى. كوپتەگەن وقۋشىسى «التىن بەلگى» جانە  «ۇزدىك اتتەستاتقا» يە بولدى. سونىڭ ىشىندە، نۇرجان قامزاەۆ پەن اقبوكەن ساقتانوۆ ەسىمدى شاكىرتتەرى ۇبت قورىتىندىسى  بويىنشا  ەڭ  جوعارى 125 ۇپاي يەلەنگەن.

ۇكىمەتتىك ەمەس ۇيىم، ساياسي پارتيالاردىڭ بەلسەندى كوشباسشىلارى، ازاماتتىق ۇستانىمى بيىك تۇلعالارعا تا-بىستالاتىن «ازاماتتىق اسقاقتىق» نوميناتسياسىنا يساتاي اۋداندىق «جاس ۇلان» قوعامدىق  بىرلەستىگىنىڭ ءتورايىمى، اۋداندىق دەڭگەيدەگى بارلىق شارالاردىڭ ۇيىمداستىرۋشىسى، كوپتەگەن الەۋمەتتىك جوبالاردى جۇزەگە اسىرعان، جاستار مەن جاسوسپىرىمدەردى ازاماتتىققا تاربيەلەۋدە زور ۇلەس قوسىپ جۇرگەن گۇلشات حيسمەتۋللينا لايىق دەپ تانىلدى.

مىڭ بۇرالعان بيىمەن كورەرمەننىڭ جۇرەگىنەن ورىن العان، بار عۇمىرىن ونەردى دامىتۋعا ارناعان قازاقستاننىڭ حالىق ءارتىسى گۇلجان تالپاقوۆا «ۇرپاققا ۇلاعات» نوميناتسياسىمەنماراپاتتالۋ ءۇشىن ساحناعا شاقىرىلدى.

شيرەك عاسىردان استام ءوڭىر جاڭالىقتارىن باسپاسوزدە ناسيحاتتاۋ قىزمەتىندە ەڭبەك ەتكەن جۋرناليستەرگە ارنالعان  «ۇشقىر قالام» اتالىمى قى-زىلقوعالىق ارداگەر جۋرناليست جولداس جانقۋاتوۆقا بۇيىردى.

«تابيعات جاناشىرى» نوميناتسياسى ازاماتتىق ۇستانىمى بيىك تۇلعالاردىڭ بىرەگەيى اقان قابدەشوۆكە  تابىس ەتىلدى.

سوڭعى سەگىز جىل بويى وبلىستىق ادۆوكاتتار القاسىنىڭ جىلىوي اۋدانى بويىنشا ادۆوكاتى بولىپ قىزمەت اتقارىپ كەلەتىن ول 1999 جىلدان باستاپ سۇيىكتى ءىسى تال ەگۋمەن اينالىسا باستاعان. قولى بوس ۋاقىتتا قۇلسارى قالاسىن كوگالداندىرۋعا، ەلىنىڭ، جەرىنىڭ قورشاعان ورتاسىن كوركەيتۋگە ءوز ۇلەسىن قوسۋدا.

تۋعان جەرىنىڭ الەۋمەتتىك-ەكونوميكالىق، قوعامدىق-ساياسي دامۋىنا باعىتتالعان پاتريوتتىق، ازاماتتىق باستامالاردى كوتەرىپ، ولارعا جاستاردى جۇمىلدىرىپ جۇرگەن جاس ەرجان نۇرەدينوۆكە  «جاستىق جىگەر» نوميناتسياسى تاپسىرىلدى.

ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىندە جوعارى ءبىلىم العان تالاپتى دا تالانتتى، جاسىنان عىلىمعا قۇشتار ەرجان جاڭا تيپتەگى گيبريدتى قۋات قۇرىلعىسىن ويلاپ تاۋىپ، پاتەنتتەگەن. ءوزىنىڭ بۇل جاڭا جوباسىن اتىراۋ قالاسىندا وتكەن حالىقارالىق بيزنەس فورۋمدا تانىستىرىپ، قاتىسۋشىلاردىڭ ۇلكەن قىزىعۋشىلىعىن تۋدىردى.

وتباسىندا ءۇش بالا تاربيەلەي ءجۇرىپ، مەملەكەتتىك قىزمەتتە 26 جىلعا جۋىق ەڭبەك ەتكەن  قارجى سالاسىنىڭ بەلدى مامانى، ماقات اۋداندىق ەكونوميكا جانە قارجى ءبولىمىنىڭ باسشىسى سۆەتلانا سارباليەۆا «مەملەكەتتىك قىزمەت ساپىندا» اتالىمىمەن ماراپاتتالدى.

ايگۇل ەرتىلەۋ

Abai.kz