بيىلعى جىلى وڭتۇستىك قازاقستان وبلىسىنىڭ ديحاندارى 470 مىڭ توننا استىق باستىردى. ورتاشا تۇسىمدىلىك – 22 تسەنتنەر. بۇل ەلىمىز اۋەلسىزدىك العاننان بەرگى ەڭ جوعارعى، ياعني رەكوردتىق كورسەتكىش. ارينە، بۇل ديحان قاۋىمنىڭ ەل تاۋەلسىزدىگىنىڭ 25 جىلدىق مەرەيتويىنا دەگەن زور سىيلىق بولعانى ءسوزسىز.  

ەگىستىكتى قاجەتتىلىككە قاراي ءارتاراپتاندىرۋدىڭ ارقاسىندا  2016 جىلى ماقتانىڭ ەگىس كولەمى وتكەن جىلمەن سالىستىرعاندا  10,4 مىڭ گەكتارعا ارتتى. بولجامدالعان ونىمدىلىك 25,3 تس/گا ءتۇسىپ، 281,0 مىڭ توننا ءونىم الىندى.

سونىمەن قاتار، 963 توننا كوكونىس، 1413 توننا باقشا، 277 مىڭ توننا كارتوپ جينالدى. تاراتىپ ايتار بولساق، 2015 جىلى وبلىستا ءداندى داقىلدار 255 مىڭ گەكتارعا ەگىلسە، بيىل 260,4 مىڭ گەكتارعا جەتتى. سونداي-اق، مايلى داقىلدار 78,6 مىڭنان 80,6 مپىڭ گەكتارعا، ماقتا – 98,6 مىڭنان 109,6 مىڭ گەكتارعا، كارتوپ – 14,8 مىڭنان 15,3 مىڭ گەكتارعا، كوكونىس – 36,5 مىڭنان 40,3 مىڭ گەكتارعا، جەمىس-جيدەك 14,2 مىڭنان 14,8 مىڭ گەكتارعا، ءجۇزىم 7,5 مىڭنان 7,9 مىڭ گەكتارعا دەيىن ارتتى.   

ايرىقشا ايتىپ وتەر جايت - جەمىس-جيدەك داقىلدارى مەن ءجۇزىمنىڭ كوپجىلدىق ەكپەلەر كولەمىنىڭ جىلدان-جىلعا ۇلعايۋى.  ماسەلەن، 2008-2016 جىلدار ارالىعىندا جەمىس-جيدەك داقىلدارى مەن ءجۇزىمنىڭ كوپجىلدىق ەكپەلەرىنىڭ ەگىس كولەمى 17,7 مىڭ گەكتاردان 30,0 مىڭ گەكتارعا جەتكىزىلدى. ونىڭ ىشىندە 2100 گەكتار جارتىلاي الاسا بويلى مول ءونىم بەرەتىن ينتەنسيۆتى الما باۋلارى وتىرعىزىلدى. اعىمداعى جىلى جەمىس-جيدەك داقىلدارىنىڭ ءار گەكتارىنان  85,0 تس/گا، جۇزىمنەن - 79 تس/گا. ءونىم الىندى. ونى تونناعا شاققاندا جەمىس-جيدەك 125 مىڭ تونناعا، ءجۇزىم 63 مىڭ تونناعا جەتەدى.

Abai.kz