تۇركىستاندا ەل تاۋەلسىزدىگىنىڭ 25 جىلدىعىنا وراي، كەڭ كولەمدە قايىرىمدىلىق شاراسى ءوتتى. قالا اكىمدىگىنىڭ ايتۋلى مەرەكەنى ۇلىقتاۋعا ارنالعان ءىس-شارالار كەستەسىنە سايكەس، قايىرىمدىلىق اكتسياسىن وتكىزۋدى ۇسىنعان قالا تۇرعىنى ساۋاپتى ىسپەن قاتار، ۇلتتىق قۇندىلىقتاردى دارىپتەۋگە جول اشتى.

اتاپ ايتساق، وڭىردەگى يگى ىستەرگە مۇرىندىق بولىپ جۇرگەن «تۇركىستان» كوپسالالى جوعارى مەديتسينا كوللەدجىنىڭ ديرەكتورى، دەنساۋلىق ساقتاۋ سالاسىنىڭ ۇزدىگى قىدىرالى رىسبەكوۆ ءبىر اي كولەمىندە قايىرىمدىلىق شاراسىن وتكىزۋگە دەمەۋشىلىك تانىتتى.

تارقاتىپ ايتقاندا، جاس اقىندار ءمۇشايراسى، حالىق اراسىندا ۇمىتىلىپ بارا جاتقان سالت-داستۇرلەردى قايتا جاڭعىرتۋ ماقساتىندا كوللەدجدەر اراسىندا سايىستار وتكىزىلدى. الەۋمەتتىك جاعدايى تومەن وتباسىلاردىڭ ۇيىنە بارىپ ازىق-تۇلىكپەن قامتاماسىز ەتىپ، وقۋشىلارعا كيىم-كەشەكتەر مەن مەكتەپ قۇرالدارىن تاپسىردى.

جاس اقىندار اراسىندا «اتا-اناعا قۇرمەت، ۇرپاق الدىنداعى مىندەت» جىر ءمۇشايراسىندا مەكتەپ مۇعالىمى دە ستۋدەنت تە، وقۋشى دا قاتىسۋعا نيەت ءبىلدىرىپ، 80-گە تارتا ولەڭدەرىن  ۇسىندى. سولاردىڭ ىشىندە 14-29 جاس ارالىعىندا قاتىسقان جاستاردىڭ اتا-اناعا قۇرمەت تاقىرىبىندا 78-گە جۋىق ولەڭدەر كەلىپ تۇسكەن. وسى ولەڭدەردەن 15-ءى ىرىكتەۋدەن ءوتتى. ىرىكتەۋدەن وتكەن ءۇش ۇمىتكەر جۇلدەلى ورىندارعا يە بولدى. 1-ورىندى  اتاتۇرىك مەكتەبىنىڭ مۇعالىمى  سانجار عۇلاما جەڭىپ السا، قالعان ۇزدىك ۇشتىكتى حقتۋ-ءدىڭ ستۋدەنتى رىسگۇل دوسجانوۆا مەن حقتۋ-ءدىڭ ستۋدەنتى  ەلامان تولەۋتاي قورتىندىلادى. جۇلدەگەرلەردىڭ بارلىعى دا اقشالاي سىيلىقپەن ماراپاتتالدى. سونداي-اق سايىس بارىسىندا ۇيىمداستىرۋشى تاراپىنان ارنايى جۇلدە تاعايىندالىپ،  بەردىقۇل قازىناعا دا اقشالاي سىي جاسالدى. ولەڭدەر جيناققا باسىلىپ شىعارىلاتىن بولادى.

ء«داستۇر كەنى كونەدە - جاس ۇرپاققا ونەگە» اتتى حالىق اراسىندا ۇمىتىلىپ بارا جاتقان سالت-داستۇرلەردەن ساحنالىق كورىنىس كورسەتۋ سايىسىن دا ەرەكشە اتاپ وتۋگە بولادى. قالا كوللەدجدەرى اراسىنداعى بۇل سايىستا ۇمىتىلىپ بارا جاتقان داستۇرلەردى قايتا جاڭعىرتۋ، دارىپتەۋ باستى ماقسات بولدى. سايىسقا قالامىزدىڭ تۇركىستان يندۋستريالدى-پەداگوگيكالىق كوللەدجى، تۇركىستان مەديتسينا كوللەدجى، №21 كوللەدجى،  ياسسى كوللەدجى، ەتنوپەداگوگيكالىق كوللەدجى،  «بولاشاق» كوللەدجى،  «تۇركىستان» كوپسالالى مەديتسينا كوللەدجى ءوزارا  باق سىنادى.  شارادا  سالت-داستۇرلەرگە بايلانىستى ساحنالىق كورىنىستەر  قويىلدى.  ناتيجەسىندە جۇلدەلى ءبىرىنشى ورىندى ەتنوپەداگوگيكالىق كوللەدج يەمدەنسە، ەكىنشى ورىن  «بولاشاق» كوللەدجىنە بۇيىردى. ال ءۇشىنشى ورىنعا «تۇركىستان» كوپسالالى مەديتسينا كوللەدجى مەن  تۇركىستان يندۋستريالدى-پەداگوگيكالىق كوللەدجدەرى لايىق دەپ تانىلدى. بۇل ۇجىمدارعا دا ارنايى اقشالاي سىيلىقتار تابىستالدى.  

كوپسالالى مەديتسينا كوللەدجىنىڭ ديرەكتورى  ق.رىسبەكوۆتىڭ بۇل يگى ءيسى كوپكە ۇلگى. «ۇلتتىق ويىنىمىز كوپاردى ۇلىقتاپ وتكىزسەم دە بولار ەدى، بىراق جاعدايى تومەن وتباسىلارعا، ستۋدەنتتەرگە كومەگىم بولسىن دەپ وسى شارالاردى ۇيىمداستىردىق» دەيدى اعامىز. كوڭىلگە قۋانىش، جۇرەككە مەيىرىم سىيلايتىن  جاقسىدان شاراپات تارايتىن باستامالار ءوز جالعاسىن تابادى دەپ سەنەمىز.

Abai.kz