وبلىس اكىمى جانسەيىت تۇيمەباەۆ ءازىربايجان رەسپۋبليكاسىنان كەلگەن دەلەگاتسيا وكىلدەرىمەن كەزدەسۋ وتكىزدى. مارتەبەلى مەيمانداردى ءازىربايجان رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى راشاد مامماداروۆ باستاپ كەلدى. سونداي-اق، اتالعان توپ قۇرامىندا قازاقستانداعى ءازىربايجاننىڭ ىشكى ىستەر مينيسترلىگى وكىلى ناسيمي شيكاروۆ پەن ازىربايجاندىق كاسىپكەرلەر وداعىنىڭ توراعاسى گيۋندۋز ماممادلي بولدى.

ەكونوميكالىق ىنتىماقتاستىقتى نىعايتۋعا باعىتتالعان كەزدەسۋدە ايماق باسشىسى وڭتۇستىككە ارنايى ات باسىن بۇرعان قادىرمەندى قوناقتارعا العىسىن ءبىلدىرىپ، ازىربايجاندىق ينۆەستورلاردىڭ قاتىسۋىمەن بولىپ جاتقان جانە بولاشاقتاعى بىرلەسكەن جوبالار جايىن تانىستىردى. سونداي-اق، جيىندا وبلىستىڭ اۋىل شارۋاشىلىق سالاسىمەن قاتار، كاسىپكەرلىك، تۋريزم باعىتىنداعى جوسپارلارى مەن جەتىستىكتەرى تۋرالى اڭگىمە ءوربىدى.

ء«تۇبى ءبىر تۇركى تىلدەس ەلدەردىڭ ءبىرى - ءازىربايجان حالقى مەن قازاق ەلى تاريحى بىتە قايناسىپ، تەرەڭدە جاتقان باۋىرلاس ۇلتتار. سوندىقتان، قوس مەملەكەتتىڭ كەز كەلگەن سالا بويىنشا قويان-قولتىق ارالاسىپ، جۇمىس ىستەۋى زاڭدى. ازىربايجاندىق كاسىپكەرلەردىڭ باستاماسىمەن قولعا الىنعان وڭىرىمىزدەگى بىرقاتار ءوندىرىس ورىندارىنىڭ بولۋى وسى تۋىسقاندىق قاتىناستىڭ جەمىسى دەپ بىلەم. ءارى بۇل يگى بايلانىستىڭ ودان ءارى نىعايىپ، جالعاساتىنىنا سەنىمىم كامىل»، - دەدى ج.تۇيمەباەۆ.

كەزدەسۋ قورىتىندىسى بويىنشا قوس تاراپ ارنايى جۇمىس توبىن قۇرىپ، ناقتى ۇسىنىستار مەن جوبالار باعىتىندا ىسكە كىرىسەتىن بولىپ كەلىستى. سونىمەن بىرگە، اكىم ەلشى مىرزاعا وبلىس ورتالىعى - شىمكەنت قالاسى مەن ءازىربايجاننىڭ ءبىر شاھارىن «باۋىرلاس قالالارعا» اينالدىرۋ ۇسىنىن جەتكىزدى. بۇل ۇسىنىستى قۇپ كورگەن ر.مامماداروۆ وسى يدەيا نەگىزىندە جۇمىس ىستەۋگە دايىندىعىن مالىمدەدى. 

جالپى، 2016 جىلدىڭ 9 ايلىق كورسەتكىشى بويىنشا قازاقستان مەن ءازىربايجان ەلدەرىنىڭ اراسىنداعى تاۋار اينالىمى 112,1 ملن. اقش دوللارىن قۇراسا، بۇل وتكەن جىلمەن سالىستىرعاندا 47,4 پايىزعا كوپ. ال وڭتۇستىك وڭىردە ازىربايجاندىق ينۆەستورلاردىڭ قاتىسۋمەن جۇمساق جانە كەڭسەلىك جيھازدار جوبالارى جۇمىس ىستەيدى. بۇل كاسىپكە سالىنعان ينۆەستيتسيا كولەمى 3,8 ملرد تەڭگەنى قۇرايدى.

Abai.kz