قادىرلى الماتى وبلىسىنىڭ اكىمى اماندىق باتالوۆ مىرزا!

سىزگە حات جازۋىما الماتى وبلىسى، قاراساي اۋدانىنداعى ءبىراز مەكتەپتەردىڭ ءالى كۇنگە پۋشكين، لەرمونتوۆ، بەلينسكي، ماكورەنكو، ۋشينسكي، تولستوي، لومونوسوۆ دەپ اتالىپ كەلە جاتقاندىعى سەبەپ بولىپ وتىر. بىراق، سويتە تۇرا جەلتوقسان كوتەرىلىسىنىڭ باتىرى سابيرا مۇحامەدجانوۆانىڭ اتىندا قازاقستان بويىنشا ءالى كۇنگە ءبىر مەكتەپ تە  جوق ەكەن.

تاۋەلسىزدىگىمىزدىڭ 25 جىلدىعىنا وراي وسى مەكتەپتەردىڭ ءبىرىنىڭ اتىن ءسابيرا مۇحامەدجانوۆاعا بەرىپ، وزگە وقۋ ورىندارىنىڭ اتىن قازاق تۇلعالارىنىڭ اتتارىنا اۋىستىرساڭىزدار ەكەن دەگەن تىلەگىم بار.

قازاقتا  ۇرپاققا ۇلگى بولار تۇلعالار كوپ.

تاۋەلسىز ەل ۇرپاعى اتالارىن قۇرمەتتەپ ءوسسىن دەگەن تىلەك بۇل.

قۇرمەتپەن، ايمان ساعيدۋللا، «اعارتۋشى» قوعامدىق قوزعالىسىنىڭ مۇشەسى

Abai.kz