Oبلىس اكىمدىگىندە التىنشى شاقىرىلىمداعى وڭتۇستىك قازاقستان وبلىستىق ءماسليحاتىنىڭ كەزەكتەن تىس جەتىنشى سەسسياسى ءوتتى. سەسسيا جۇمىسىنا وبلىس اكىمى جانسەيىت تۇيمەباەۆ، وبلىستىق ءماسليحات دەپۋتتارى مەن وبلىس اكىمىنىڭ ورىنباسارلارى، باسقارما باسشىلارى جانە اۋدان، قالا اكىمدەرى، بۇقارالىق اقپارات قۇرالدارىنىڭ وكىلدەرى قاتىستى.

كۇن تارتىبىندە 7 ماسەلە قارالدى. اتاپ ايتقاندا، التىنشى شاقىرىلىمداعى وڭتۇستىك قازاقستان وبلىستىق ءماسليحاتىنىڭ حاتشىسىن سايلاۋ، «2016-2018  جىلدارعا ارنالعان وبلىستىق بيۋدجەت تۋرالى» وڭتۇستىك قازاقستان وبلىستىق ءماسليحاتىنىڭ شەشىمىنە وزگەرىستەر مەن تولىقتىرۋلار ەنگىزۋ، «وڭتۇستىك قازاقستان وبلىسىنداعى ادامداردى زاڭسىز اكەتۋگە، اكەلۋگە جانە ساتۋعا قارسى كۇرەس ماسەلەلەرى جونىندەگى ۆەدومستۆوارالىق كوميسسيانىڭ دەربەس قۇرامىن بەكىتۋ تۋرالى» وڭتۇستىك قازاقستان وبلىستىق ءماسليحاتىنىڭ شەشىمىنە وزگەرىستەر ەنگىزۋ تۋرالى جانە ت.ب. وزگە دە ماڭىزدى ماسەلەلەر قارالدى.

جيىندا التىنشى شاقىرىلىمداعى وڭتۇستىك قازاقستان وبلىستىق ءماسليحاتىنىڭ حاتشىسىنا قايرات راحىمۇلى بالابيەۆتىڭ كانديداتۋراسى ۇسىنىلىپ، دەپۋتاتتار ءبىر اۋىزداپ قولداپ، سايلاندى. سونداي-اق، كۇن تارتىبىندەگى وزگە دە ماسەلەلەرگە حالىق قالاۋلىلارى ءبىراۋىزدان داۋىس بەرۋ ارقىلى شەشىم قابىلداپ، ولاردىڭ ورىندالۋىن ماقۇلدادى.

قايرات بالابيەۆ 1965 جىلى تۋعان. ۇزاق جىلدار پروكۋراتۋرا سالاسىندا قىزمەت ەتكەن قايرات راحىمۇلى ءار جىلدارى شىمكەنت قالاسىنىڭ پروكۋرورى، وڭتۇستىك قازاقستان، جامبىل وبلىستارى پروكۋرورىنىڭ ورىنباسارى بولعان.

سەسسيانىڭ كۇن تارتىبىندە ءسوز العان ايماق باسشىسى ج.تۇيمەباەۆ جاڭا حاتشىنى قىزمەتىمەن قۇتتىقتاپ، جۇمىسىنا تابىس تىلەدى. سونىمەن بىرگە، وسى ۋاقىتقا دەيىن وبلىستىق ءماسليحات حاتشىسىنىڭ مىندەتىن اتقارىپ كەلگەن ابىلقاسىم دوسبولوۆقا العىسىن ءبىلدىردى.

كەزەكتەن تىس وتىرىستا وبلىس اكىمى بۇگىنگى وبلىستىق بيۋدجەتتى ناقتىلاۋ ناتيجەسىندە، بيۋدجەت كولەمى 12,6 ملرد. تەڭگەگە ۇلعايىپ، 472 ملرد. تەڭگەنى قۇراعانىن، بۇل وتكەن جىلمەن سالىستىرعاندا 75 ملرد. تەڭگەگە ارتقانىن ايتتى. بۇل قارجىنىڭ ءبىرىنشى كەزەكتە الەۋمەتتىك ماسەلەلەردى شەشۋگە باعىتتالاتىنىن جەتكىزگەن ءوڭىر باسشىسى اتالعان جۇمىستار قورىتىندىسىمەن وبلىس كورسەتكىشى وڭدى ناتيجەگە جەتەرىنە سەنىم ءبىلدىردى.

ء«بىلىم بەرۋ مەكەمەلەرىنە جان باسىنا شاققانداعى قارجىلاندىرۋعا، بالاباقشالاردا 13500 ورىنعا مەملەكەتتىك ءبىلىم بەرۋ تاپسىرىستارىن ورنالاستىرۋعا جانە مۇعالىمدەردىڭ ەڭبەك اقى شىعىندارىنا قوسىمشا 7,3 ملرد. تەڭگە باعىتتالۋدا. «ورلەۋ» جوباسى ارقىلى از قامتىلعان ەڭبەككە قابىلەتتى ازاماتتاردى جۇمىسپەن قامتۋعا، 18 جاسقا دەيىنگى بالالارعا مەملەكەتتىك جاردەماقى تولەۋگە 538 ملن. تەڭگەگە جۋىق قارجى قاراستىرىلۋدا. اۋىل شارۋاشىلىعى تاۋاروندىرۋشىلەرىن مەملەكەتتىك قولداۋعا جالپى 6,2 ملرد. تەڭگە باعىتتالۋدا. 7 ءبىلىم بەرۋ نىساننىڭ قۇرىلىسىن جالعاستىرۋعا 725 ملن. تەڭگە قاراستىرىلۋدا»، - دەدى جانسەيىت قانسەيىتۇلى.

ايماقتىڭ دەنساۋلىق ساقتاۋ سالاسىن دامىتۋ جايى دا ۇمىت قالعان جوق. سالاعا قاتىستى 3 نىساننىڭ قۇرىلىسىن اياقتاۋعا جانە 1 نىساننىڭ قۇرىلىسىن جالعاستىرۋعا 298 ملن. تەڭگە باعىتتالاتىن بولدى. 21 تۇرعىن ءۇيدىڭ قۇرىلىسىن جالعاستىرۋعا قوسىمشا 950 ملن. تەڭگە بولىنسە، سۋمەن قامتاماسىز ەتۋ ءۇشىن 3 نىساننىڭ قۇرىلىسىنا 1,3 ملرد. تەڭگە جانە 2 كارىز نىسانىنىڭ قۇرىلىسىنا 781 ملن. تەڭگە جۇمسالماق. ال گازبەن قامتاماسىز ەتۋ ءۇشىن 7 نىساننىڭ قۇرىلىسىن جالعاستىرۋعا جانە 1 نىساننىڭ قۇرىلىسىن باستاۋعا 598 ملن. تەڭگە باعىتتالۋدا.

سونىمەن بىرگە، ايماق باسشىسى ەلەكترمەن، جىلۋمەن قامتاماسىز ەتۋ جۇمىستارىنا، كاسىپكەرلىك سالاسىنا دا قاراجات قارالىپ جاتقانىن حابارلادى.

Abai.kz