اقىن رينات زايىتوۆ “الماتى” تەلەارناسىنداعى “وتكىر ءتىل” باعدارلاماسىنا سۇحبات بەردى. ءبىراز دۇنيەنىڭ باسىن شالدى. ءدىن، ساياسات، قوعام ءبارى-ءبارى قامتىلدى. سونىڭ ىشىندە اقىننىڭ “بيلىك حالىقتىڭ قولىندا، شەندىنىڭ ءبارى باستىق ەمەس” دەگەن پىكىرى كوڭىلىمىزگە قوندى. وسى باعدارلامادا زايىتوۆ ءماسىموۆتى تۇيرەپ ءوتىپتى.
“كارىم ءماسىموۆ پرەمەر-مينيستر بولىپ تۇرعاندا «وتستاۆكاعا» كەتپەيسىز بە دەپ اشىق ايتقانمىن. قر ازاماتى رەتىندە ونى ايتۋىما ميلليون نەگىزىم بولدى.
سول ءسوز ايتىلعان ايتىستىڭ ەرتەسىندە مەن ءوز ارامىزدا كىشىگىرىم جينالىسقا سالىندىم. سوندا ءبىر-اق سۇراق قويدىم.
ءبىز ءوز جەرىمىزدە، ءوز مەملەكەتىمىزدە وتىرىپ، ءوزىمىزدىڭ مۇڭ-مۇقتاجىمىزدى ايتۋ ءۇشىن ءبىر قىزمەتتەگى ادامنان قورقامىز با؟!
ءبىزدىڭ اتا-زاڭىمىزدا قازاقستاننىڭ نەگىزگى بيلىگى حالىقتا، قالعانىنىڭ ءبارى اتقارۋشى بيلىك دەپ جازىلعان. دەمەك، پرەمەر-مينيستر، دەپۋتات، وبلىستىڭ اكىمى بارلىعى حالىقتىڭ قىزمەتكەرلەرى. باستىعىمىز ەمەس. وسىنىڭ ارا-جىگىن اجىراتىپ الۋ كەرەك”، – دەيدى رينات زايىتوۆ.
دەرەككوزى: dalanews.kz
Abai.kz
