وڭتۇستىك قازاقستان وبلىسىنىڭ اكىمى جانسەيىت تۇيمەباەۆ شۆەيتساريا، فرانتسيا مەن ارمەنيا مەملەكەتتەرىنەن كەلگەن ءىرى كومپانيالاردىڭ قۇرىلتايشىلارىمەن كەزدەستى. بۇل تۋرالى وقو اكىمىنىڭ ءباسپاسوز قىزمەتى حابارلادى.

جيىنعا «SASSTEX»، «WKS Textile Solution» كومپانياسىنىڭ قۇرىلتايشىسى گەليدجي كريستيان، «SCI France» ينۆەستيتسيالىق كومپانياسىنىڭ قۇرىلتايشىسى اكوبيان گراير، «GoldheinInvestments» ينۆەستيتسيالىق كومپانياسىنىڭ قۇرىلتايشىسى  ۆاراگيان داۆيد، «Goldhein Investments» ينۆەستيتسيالىق كومپانياسىنىڭ وكىلى تىنىبەك ريشات قاتىستى.

باسقوسۋ بارىسىندا ءوڭىر باسشىسى وبلىستىڭ ينۆەستيتسيالىق مۇمكىندىكتەرىن تانىستىرىپ، ءوڭىردىڭ الەۋمەتتىك-ەكونوميكالىق دامۋىنا سەرپىلىس بەرەتىن جوبالاردى جۇزەگە اسىرۋعا نيەتتى ءاربىر ينۆەستورعا اكىمدىك تاراپىنان قاجەتتى قولداۋلاردىڭ جاسالاتىنىن جەتكىزدى.

وسى رەتتە اكىم شەتەلدىك كاسىپكەرلەردى زاماناۋي جابدىقتالعان ماقتا وڭدەۋ زاۋىتىن قۇرۋ، جول قۇرىلىسى مەن مال شارۋاشىلىعى، تەرى وڭدەۋ، سونىمەن قاتار، اعاش-پوليمەرلى ماتەريالدار ءوندىرىسىنىڭ جەلىسىن قۇرۋ سىندى ءىرى ينۆەستيتسيالىق جوبالاردى جۇزەگە اسىرۋعا شاقىردى.

ءوز كەزەگىندە مارتەبەلى مەيماندار شۆەيتساريا، فرانتسيا مەن ارمەنيا مەملەكەتتەرىندە اۋىل شارۋاشىلىعى مەن ونەركاسىپ باعىتىندا الەمدىك دەڭگەيدە كوشباسشى بولىپ تابىلاتىن بىرقاتار جوبالاردىڭ بار ەكەنىن ايتىپ، وسى سىندى جوبالاردى وڭتۇستىك قازاقستان وبلىسىندا دا جۇزەگە اسىرۋعا بولاتىنىن ايتتى.

سونداي-اق، ولار وبلىس اۋماعىنداعى جول قۇرىلىسى مەن تەرى، ماقتا، قوقىس  وڭدەيتىن زاۋىتتارىن قۇرۋ جانە قۇرىلىس ماتەريالدارىن شىعارۋ،  مال شارۋاشىلىعىن دامىتۋ بويىنشا جوبالارعا قىزىعۋشىلىق تانىتتى. اتالعان جوبالاردى دامىتۋدا تاجيريبەلەرىنىڭ مول ەكەندىگىنە دە توقتالدى.

شەتەلدىك ينۆەستورلار جول قۇرىلىسى سالاسىن دامىتۋدا قازىرگى زاماناۋي تەحنولوگيانى پايدالانا وتىرىپ، تالاپقا ساي  تاۋلىگىنە 5 شاقىرىم جول سالا الاتىن مۇمكىندىكتەرىن العا تارتتى. وعان جەرگىلىكتى تۇرعىنداردى دا جۇمىسپەن قامتۋعا بولاتىنىن جەتكىزدى. سونداي-اق، ماقتا وڭدەۋ زاۋىتىن قۇرۋ سالاسىنداعى تاجىريبەلەرىمەن ءبولىستى. ال مال شارۋاشىلىعىن دامىتۋدا رومانوۆ تۇقىمداس قويلارىن وڭتۇستىككە جەرسىندىرە وتىرىپ مال باسىن كوبەيتۋ ارقىلى ەت ەكسپورتىن ارتتىرۋ جوبالارى دا تابىستى ىسكە اساتىنىنا سەندىردى. ءارى ونى ءباا مەن يران ەلدەرىنە وتكىزۋ جۇمىستارىن دا وزدەرى ۇيىمداستىرماق.

وڭتۇستىك قازاقستانعا جاساعان جۇمىس ساپارى بارىسىندا اتالعان كومپانيا قۇرىلتايشىلارى شىمكەنتتەگى تۋريستىك-اقپاراتتىق ورتالىق پەن جاڭادان اشىلعان «فرونت وفيس» جۇمىستارىمەن تانىستى. سونداي-اق، «وڭتۇستىك» ارنايى ەكونوميكالىق ايماق پەن يندۋستريالدى ايماقتا بولىپ،  بىرنەشە كاسىپورىنداردى ارالاپ كوردى.

وڭتۇستىكتىڭ ينۆەستيتسيالىق مۇمكىندىكتەرىن باعدارلاعان فرانتسيالىق، شۆەيتساريالىق جانە ارمەنيالىق ينۆەستورلار وبلىس اكىمدىگىمەن ورتاق شەشىمگە كەلۋگە ۋاعدالاستى.

الەمدىك نارىقتا كوپ جىلدىق تاجىريبەسى بار «SASSTEX»، «WKS Textile Solution»، «SCI France» «GoldheinInvestments»  سەرىكتەستىگى كەڭ اۋقىمدى، ۇزاق مەرزىمدى جوبالاردى ازىرلەپ، جۇزەگە اسىرۋمەن اينالىساتىن ءىرى كومپانيالار بولىپ تابىلادى.

اباي اقپارات