تالدىقورعان. 14 قىرقۇيەك. قازتاگ – سارسەنبى كۇنى الماتى وبلىسى قر پرەمەر- ءمينيسترى كارىم ءماسىموۆتىڭ جۇمىس ساپارمەن كەلۋىن كۇتىپ وتىر، دەپ حابارلايدى قازتاگ ءتىلشىسى.

ك.ءماسىموۆ «قورعاس» شەكارالىق ىنتىماقتاستىقتىڭ حالىقارالىق ورتالىعىندا بولىپ، ونىڭ قۇرىلىس بارىسىمەن، «قورعاس-شىعىس قاقپا» شەكارالىق ساۋدا-ەكونوميكالىق ايماعىمەن تانىسادى، دەپ حابارلادى سەيسەنبى كۇنى «قورعاس» شىحو.

ساپار باعدارلاماسىندا قىتاي اۋماعىنداعى شەكارالىق ىنتىماقتاستىق ورتالىعى قۇرىلىسىنىڭ جاعدايىنا ينسپەكتسيا جاساۋ قاراستىرىلعان. ساپار شەڭبەرىندە «قورعاس» كەدەن بەكەتىنىڭ عيماراتىندا قىتاي جاعىنىڭ اتقارۋشى بيلىگىنىڭ وكىلدەرىمەن كەزدەسۋ جوسپارلانعان.

ءباسپاسوز قىزمەتىنىڭ اقپاراتى بويىنشا، اتالعان ورتالىقتىڭ قىزمەتى قىتايمەن ساۋدانى جەڭىلدەتۋگە، ەڭ باستىسى، باتىس ەۋروپا-باتىس قىتاي ترانسقۇرلىقتىق ءدالىزى جوباسىن جۇزەگە اسىرۋعا ىقپال ەتەتىن ەكى ەلدىڭ ترانزيتتىك الەۋەتتەرىن دامىتۋعا باعىتتالعان.

ونىڭ اۋماعىندا قحر-مەن جانە باسقا ەلدەرمەن ساۋدا جانە ىسكەرلىك ىنتىماقتاستىق جۇرگىزۋ ءۇشىن ەرەكشە قۇقىقتىق رەجيم بولادى. ورتالىقتىڭ جالپى اۋماعى 528 گا، ول ەكى بولىكتەن تۇرادى: قازاقستاندىق بولىگى (185 گا) جانە قىتايلىق جاعى (343 گا), ەكەۋى ءوزارا ارنايى جاياۋ جۇرگىنشىلەر مەن كولىكتەرگە ارنالعان وتكەلمەن بايلانىسادى. جوبانىڭ قۇنى -  ت382,9 ملرد.

كەيىن ۇكىمەت باسشىسى الماتىعا بارىپ، وندا «الاتاۋ» اقپاراتتىق تەحنولوگيالار پاركى اەا اۋماعىندا وتەتىن پاركتى دامىتۋ ماسەلەسىنە ارنالعان كەڭەسكە قاتىسادى،دەپ حابارلايدى ءباسپاسوز قىزمەتى.