وڭتۇستىك قازاقستان وبلىسىنىڭ اكىمى جانسەيىت تۇيمەباەۆ «نۇر وتان» پارتياسىنىڭ وبلىستىق فيليالىندا ازاماتتاردى جەكە ماسەلەلەرى بويىنشا تىڭداپ، قوعامدىق قابىلداۋ وتكىزدى. بۇل كۇنى تۇرعىندار وبلىس اكىمىنە وندىرىستىك جانە الەۋمەتتىك، قۇرىلىس، ەلەكتروەنەرگەتيكا، ينۆەستيتسيا تارتۋ، سونىمەن قاتار، ۇلتتىق سپورت تۇرلەرى سىندى بىرقاتار سالالار بويىنشا وتىنىشتەرى مەن ۇسىنىستارىن جەتكىزدى.

ەڭ العاش قابىلداۋعا كىرگەن شىمكەنتتىك قامبار جۇمجاەۆ پەن نينا ەرماكوۆا قالاداعى بۇرىنعى «فوسفور» اۋرۋحاناسى، بۇگىندە ق.ا.ياساۋي اتىنداعى قازاق-تۇرىك حقتۋ كلينيكاسى دەپ اتالاتىن ورتالىقتى مەملەكەتتىك بالانسقا قايتارىپ الۋ جايىن كوتەردى. ونداعى مەديتسينالىق قۇرال-جابدىقتاردىڭ سىن كوتەرمەيتىنىنە الاڭداعان ەمدەلۋشىلەر مەكەمە وبلىس قاراماعىنا وتكەندە ماسەلە رەتتەلەدى دەپ ۇمىتتەنەدى.

تۇرعىنداردىڭ ءوتىنىشىن تىڭداعان ايماق باسشىسى ارنايى كەلگەن حات بويىنشا ءتيىستى جۇمىستاردىڭ ءجۇرىپ جاتقانىن ايتىپ، ەمحانانىڭ قازاق-تۇرىك ەلدەرىنىڭ بىرلەسكەن ورتالىعى ەكەنىن جەتكىزدى. سونداي-اق، اكىم باۋىرلاس تۇرىك ەلىمەن اراداعى دوستىق قاتىناستىڭ ارقاسىندا وڭىرىمىزدەگى كوپتەگەن نىساندار – ق.ا.ياساۋي اتىنداعى قازاق-تۇرىك ۋنيۆەرسيتەتى، ق.ا.ياساۋي كەسەنەسىنىڭ رەكونسترۋكتسيالىق جۇمىستارى، مەشىتتەر سالۋدا تۋىسقاندىق ۇلەستەرىن قوسىپ جاتقانىن ەسكە سالدى. سونىمەن قاتار، اكىم اتالعان ساۋال اياسىندا ەلىمىزدىڭ ءبىلىم مينيسترلىگى مەن تۇركيا تاراپىنا حات جولدانعانىن جەتكىزىپ، قازاقستان ءۇشىن وڭدى شەشىم قابىلداناتىنىن ايتتى.

ايماق باسشىسىنىڭ قابىلداۋىنا ەكىنشى بولىپ كىرگەن تولەبيلىك زەينەتكەر مەن كاسىپكەر – مەيىرجان قالقاباەۆ پەن اسان دۇرسىنوۆ "ايلانبا" كانالىن تولىققاندى جوندەۋدەن وتكىزۋدى سۇرادى. باۋ شارۋاشىعىمەن اينالىساتىن ازاماتتار ماۋسىم كەزىندە سۋعارۋ جۇمىستارىندا قيىندىقتار تۋىندايتىنىن العا تارتتى.

اعىنسۋعا قاتىستى كوپتەگەن ماسەلەلەردىڭ بار ەكەنىنە توقتالعان جانسەيىت قانسەيىتۇلى اتالعان پروبلەمادان حاباردار ەكەنىن ءبىلدىرىپ، كەلەسى جىلدىڭ بيۋدجەتىنە ەنگىزۋ بويىنشا جوبالىق سمەتالىق قۇجاتتاردىڭ دايىندالىپ، وعان قارجى قاراستىرۋ ماسەلەسى كوزدەلىپ جاتقانىن حابارلادى.

قوعامدىق قابىلداۋداعى ءۇشىنشى ماسەلە – شىمكەنتتىك تۇرعىن ساتتارحان ابداليەۆتىڭ تاراپىنان بولدى. ۇلتتىق سپورت ويىندارىنىڭ ماڭىزدىلىعىن كوتەرىپ، بولاشاق ۇرپاققا جەتكىزۋ تۋرالى ماسەلەگە الاڭداعان سپورت جاناشىرى وسى ساۋالدى وڭ شەشۋدى سۇرادى.

ازاماتتىڭ وتىنىشىنە قانىققان ءوڭىر باسشىسى اتالعان سپورت ءتۇرىن دامىتۋ بويىنشا جيىن وتكىزۋ قاجەتتىگىنە توقتالىپ، بۇل ماسەلە اياسىندا وبلىستىق دەنەشىنىقتىرۋ جانە سپورت باسقارماسىنىڭ باسشىسى ءا.نۇرتاەۆقا ارنايى باعدارلاما ءتۇزىپ، جۇيەلى جۇمىس جاساۋدى تاپسىردى. سونىمەن قاتار، ايماق باسشىسى قالا سىرتىنان ات سپورتى الاڭىنىڭ قۇرىلىسى جوسپارلانىپ جاتقانىن جەتكىزدى.

جالپى، وبلىستاعى ءتۇرلى دەڭگەيدەگى مەكەمەلەردە ۇلتتىق سپورتتىڭ 10 ءتۇرى – قازاق كۇرەسى، توعىزقۇمالاق، كوكپار، اۋدارىسپاق، جامبى اتۋ، بايگە، اسىق اتۋ، تەڭگە ءىلۋ، سايات تۇرلەرى دامىتىلادى. اتالعان سپورت تۇرلەرىمەن 220-دان استام جاتتىقتىرۋشى، 5 مىڭنان استام سپورتشى اينالىسادى.

ازاماتتاردى جەكە ماسەلەلەرى بويىنشا قابىلداۋعا كەلگەن كەلەسى ازامات - التىنبەك تولەۋباەۆ. شىمكەنتتىك زەينەتكەر قۇرىلىس جانە ەلەكتروەنەرگەتيكا سالاسىندا يننوۆاتسيالىق جوبالاردى جۇزەگە اسىرۋ ءۇشىن ج.تۇيمەباەۆتىڭ تاراپىنان وڭ ىقپال

كورسەتۋدى سۇرادى. بۇگىنگە دەيىن 2 عىلىمي جاڭالىق اشىپ، 21 پاتەنتكە يە بولعان ونەرتاپقىش بۇل جولى ەنەرگەتيكا سالاسى مەن قۇرىلىسقا قاتىستى تىڭ جوبالارىن تانىستىردى.

ول ەلەكتر قۋاتىن وزگەشە تاسىلدە ءوندىرىپ، پەنوگازوبلوك قۇرىلىس ماتەريالدارى جوبالارى بويىنشا كومەك العىسى كەلەدى. ايتۋىنشا، سونى جوبالارى ىسكە اسقاندا ەرەكشە جاعدايدا وندىرىلگەن ەلەكتر ەنەگرياسىن ءىرى كاسىپورىندار مەن اۆتوكولىكتەرگە قولدانۋعا بولادى، ال قۇرىلىس ماتەريالى جەر سىلكىنىسى كەزىندە عيماراتتىڭ شايقالۋ قابىلەتىن باسەڭدەتۋگە سەبەپ بولادى.

بۇل ۇسىنىستارعا وڭ كوزقاراس تانىتقان وبلىس باسشىسى جوبالاردى ەڭ الدىمەن، م.اۋەزوۆ اتىنداعى وقمۋ-دىڭ ارنايى تەحنوپاركىندە تاجىريبەدەن وتكىزىپ، بايقاۋدى تاپسىردى. اسىرەسە، قۇرىلىس ماتەريالىنىڭ ساپالى دا، ارزان باعادا بولۋى كەرەكتىگىنە نازار اۋدارعان اكىم ونىڭ تيىمدىلىگى دالەلدەنگەن كەزدە جاڭالىقتىڭ وندىرىسكە ەنگىزىلەتىنىن حابارلادى.

كۇن تارتىبىندە وبلىسقا ينۆەستيتسيا تارتۋ جايىن قوزعاعان بايدىبەك اۋدانىنىڭ تۇرعىنىنىڭ ۇسىنىسىن ايماق باسشىسى دا قولدادى. شىنى تالشىق (ستەكلوۆولوكنو), مەتالل ءوندىرۋ، ەكوتۋريزم سالالارى بويىنشا قارجى اۋدارۋعا نيەتتى ينۆەستورعا ءتۇرلى سالالار بويىنشا بارىنشا قولداۋلاردىڭ كورسەتىلەتىنىن ايتتى.

Abai.kz