«نۇر وتان» پارتياسى وڭتۇستىك قازاقستان وبلىستىق فيليالىنىڭ ساياسي كەڭەسى بيۋروسىنىڭ ءماجىلىسى ءوتتى. جيىنعا وبلىس اكىمى، وقو «نۇر وتان» پارتياسىنىڭ  توراعاسى ج.تۇيمەباەۆ پەن كەڭەس بيۋروسىنىڭ مۇشەلەرى، وبلىستىق ءماسليحات دەپۋتاتتارى جانە پارتيا فيليالىنىڭ  قىزمەتكەرلەرى قاتىستى.

بيۋروعا قاتىسۋشىلار كۇن تارتىبىندەگى وتىرار اۋدانىنىڭ اكىمى ە.ايتاحانوۆتىڭ  10 ايدا اتقارىلعان جۇمىستارى مەن وبلىستىق ەڭبەك ينسپەكتسياسى جونىندەگى باسقارماسىنىڭ باسشىسى ب.ەسقاراەۆتىڭ ەسەبىن تىڭدادى.  سونداي-اق، وبلىستىق ماسليحاتتاعى «نۇر وتان» پارتياسىنىڭ  فراكتسياسىنا مۇشە دەپۋتاتتارىنىڭ سايلاۋالدى باعدارلامالارىنىڭ ورىندالۋىمەن باستاۋىش پارتيا ۇيىمدارىمەن بىرلەسە اتقارعان جۇمىستارى بويىنشا  وبلىستىق ءماسليحات دەپۋتاتى، فراكتسيا مۇشەسى س.يبادۋللاەۆ بايانداما جاسادى.

اۋداننىڭ الەۋمەتتىك-ەكونوميكالىق دامۋى كورسەتكىشتەرىن بايانداعان ەرلان قۋانىشۇلى 10 ايدا  ونەركاسىپ كاسىپورىندارىمەن 11 ملرد 522 ملن. 700 مىڭ تەڭگەنىڭ ءونىمى وندىرىلگەنىن اتاپ ءوتتى.

ء«وڭىرىمىزدىڭ اگرارلى ايماق ەكەنىن ەسكەرسەك، اۋىل شارۋاشىلىعىنىڭ دامۋىنا ەرەكشە نازار اۋدارىلۋدا. ەگىس كولەمىن ۇلعايتۋ، جاڭادان قوسىلعان جەرلەردى يگەرۋ، زاماناۋي تەحنولوگيالاردى كەڭىنەن ەنگىزۋ جىلىجاي، مال باسىن اسىلداندىرۋ بويىنشا جۇمىستار جۇرگىزىلۋدە. ماسەلەن، وسى جىلدىڭ ەسەپتى كەزەڭىنىڭ قورىتىندىسىمەن اۋىل شارۋاشىلىعىنىڭ جالپى ءونىم كولەمى 11 ملرد 539 ملن تەڭگەنى قۇراپ، وتكەن جىلدىڭ وسى كەزەڭىمەن سالىستىرعاندا  3 ملرد 179 ملن تەڭگەگە وسكەن.  ال يگەرىلگەن سۋارمالى جەردىڭ كولەمى 24 مىڭ 338 گەكتارعا جەتىپ، وتكەن جىلمەن سالىستىرعاندا 2 مىڭ 700 گەكتارعا ارتقان. بۇگىنگى تاڭعا داندىك جۇگەرىدەن 27 677,5 توننا، كوكونىستەن 9 610,5 توننا، باقشادان 110 428 توننا، كارتوپتان 2009,2 توننا ءونىم جينالدى»،-دەپ ايتتى اۋدان اكىمى.

باياندامانى تىڭداعان وبلىس اكىمى اۋدانداعى جەتكەن جەتىستىكتەردى عانا ەمەس ونداعى پروبلەمالاردى دا كوتەرىپ،ونى شەشۋ جونىندە ۇسىنىستاردى دا قوسا ۇسىنۋ قاجەتتىگىن ەسكەرتتى. ماسەلەن، اۋداندا 17 مىڭ گا جەر يگەرىلمەگەن. ەلدى مەكەندەردى گازداندىرۋ جانە سۋارمالى جەرلەردىڭ كولەمى تومەن ەكەنىن اتاپ ءوتتى. سونىمەن قاتار، قوعامدىق ورىندارىنداعى قىلمىس 90 پايىزعا وسكەنىنە توقتالعان ايماق باسشىسى جەرگىلىكتى پوليتسيا قىزمەتىنىڭ جۇمىسىن جۇيەلەۋدى تاپسىردى.

كۇن تارتىبىندەگى ەكىنشى ماسەلە بويىنشا مالىمدەمە جاساعان وبلىستىق ەڭبەك ينسپەكتسياسى جونىندەگى باسقارماسىنىڭ باسشىسى ب.ەسقاراەۆ قر ەڭبەك زاڭناماسىنىڭ ساقتالۋىن باقىلاۋ ماقساتىندا وسى جىلدىڭ 10 ايىندا مەكەمەلەر مەن كاسىپورىنداردا 702 تەكسەرۋ جۇرگىزىلگەنىن حابارلادى.

ونىڭ ايتۋىنشا، جۇرگىزىلگەن تەكسەرۋلەردىڭ بارىسىندا 1166 زاڭ بۇزۋشىلىق انىقتالعان.  ياعني ونىڭ 840 ەڭبەك تۋرالى،  254 ەڭبەك قاۋىپسىزدىگى مەن ەڭبەكتى قورعاۋ بويىنشا بولسا، 71-ءى وزگەدە فاكتىلەر.  انىقتالعان زاڭ بۇزۋشىلىقتاردىڭ ىشىندە 1035-ءى جويىلىپ، زاڭعا سايكەستەندىرىلگەن.

باسقارما باسشىسى ءوز ەسەبىندە اتالعان زاڭ بۇزۋشىلىقتىڭ باسىم بولىگى ەڭبەك زاڭناماسىنىڭ ساقتالماۋى، ياعني، جۇمىسقا قابىلدانعان قىزمەتكەرلەرمەن ەڭبەك شارتتارىنىڭ جاسالماۋى، جالاقىنىڭ ۋاقىتىلى تولەنبەۋى، ۇستەمە، مەرەكە جانە دەمالىس كۇندەرىندەگى جۇمىسقا، سونداي-اق تۇنگى ۋاقىتتاعى جۇمىسقا تيىسىنشە اقى تولەمەۋ، جۇمىس بەرۋشىلەر تاراپىنان  ايەلدەردىڭ ەڭبەك قۇقىعىنا قىسىم جاسالۋى سياقتى فاكتىلەرى بار. 

ساياسي كەڭەستە ايتىلعان ماسەلەلەرگە قانىققان اكىم ەڭبەك ءتارتىبى بويىنشا حالىقپەن جۇيەلى تۇردە جۇزدەسىپ، ءاربىر ازاماتقا ەڭبەك قۇقىعىن كەڭىنەن ءتۇسىندىرۋدى ايتتى. سونداي-اق، وسى سالاعا سەرپىلىس بەرەتىن جاڭاشا جۇمىس جوسپارىن جاساۋدى تاپسىردى.

بايانداماشىلاردى تىڭداعان ساياسي كەڭەسى بيۋروسىنىڭ مۇشەلەرى   اتقارىلعان جۇمىستار بويىنشا قاۋلى قابىلدانىپ، وتىرار اۋدانىنىڭ اكىمى پارتيا مۇشەسى ە.ايتاحانوۆتىڭ اتقارعان جۇمىستارىنىڭ ەسەبى نازارعا الىندى.

جيىندى قورىتىندىلاعان ج.تۇيمەباەۆ ساياسي كەڭەس بيۋروسى مۇشەلەرى تاراپىنان ايتىلعان سىن ەسكەرتپەلەر بويىنشا الداعى ۋاقىتتا ناقتى جۇمىستار اتقارىلاتىنىن ايتىپ، ەلىمىزدىڭ الەۋمەتتىك-ەكونوميكالىق دامۋىنا سەرپىلىس بەرەتىن مەملەكەتتىك باعدارلامالاردىڭ، ونىڭ ىشىندە «نۇرلى جول» باعدارلاماسىنىڭ ورىندالۋىن باقىلاۋ پارتيانىڭ نەگىزگى مىندەتىنىڭ  ءبىرى ەكەنىن ايتتى.

Abai.kz