رەداكتسيامىزدىڭ پوشتاسىنا قارجى مينيسترلىگى  مەملەكەتتىك كىرىستەر كوميتەتىنە قارايتىن استانا قالاسى بويىنشا مەملەكەتتىك كىرىستەر دەپارتامەنتىنىڭ (دەپارتامەنت باسشىسى سقاقوۆ ابىلقايىر باقتىبايۇلى) جۇمىس جۇيەسى، ولاردىڭ قىزمەتكەرلەرى تۋرالى رەپ ستيلىندەگى ورىس تىلىندەگى كليپ – بەينەبايان كەلىپ ءتۇستى. بەينەباياندا كوميتەتتە ءارتۇرلى لاۋازىمدا جۇمىس ىستەيتىندەي كورىنەتىن بىرنەشە ەر ازامات پەن ءبىر ايەل ادام كىرىس كوميتەتىنىڭ جۇمىس جۇيەسىنە لايقتالىپ جازىلعان رەپتى ايتىپ شىعادى.

كىرىس كوميتەتىنىڭ رەسمي تىلگە ءۇيىر ەكەنى، مەملەكەتتىك مەكەمە بولا تۇرا مەملەكەتتىك تىلگە قىرىن قارايتىنى ءاۋ باستان ءمالىم. وعان تاڭقالۋدى قويدىق. دەسەدە كىلەڭ قازاقتىڭ ازاماتتارى جينالىپ، جات تىلدە قالىڭ قازاققا تۇسىنىكسىز ءبىر تىلدە شۇلدىرلەپ، رەپ ايتقانىنا قاراپ قارنىڭ اشادى. ورىس تىلىندە ويىن جەتكىزىپ، انسىماق ايتقاندارىنا ەش قىسىلماي، قىمتىرىلماي تۇرعان ادامدارعا اياشۋىلىق كورسەتكەننەن باسقا ايتار جوق!

مەملەكەتتىك ءتىلدى مەنسىنبەگەنى بىلاي تۇرىپتى، مىنا بەينەبايان ارقىلى مەملەكەتتىك كىرىس كوميتەتى مادەني تالعامىنىڭ قانداي ەكەنىن دە پاش ەتىپتى. تاڭداعاندارى – رەپ. تۇسىنىكتى شىعار...

حالىقتان سالىق جيناپ وتىرعان ادامداردىڭ بەينەبايانىن كورىڭىز! قازاقتىڭ سالىعىن ورىس تىلىندە باسقارىپ، سول تىلدە ءان سالىپ، بي بيلەپ جۇرگەن سالىقشىلارعا ءسىزدىڭ دە ايتارىڭىز بار شىعار، بالكىم...

Abai.kz