تاۋەلسىز قازاق ەلىنىڭ تاعدىرى مەن سول ەلدىڭ ەكى تىزگىن، ءبىر شىلبىرىن ءوز قولىنا ۇستاعان نۇرسۇلتان نازارباەۆتىڭ تاعدىرى ءبىرتۇتاس ۇلتتىق تاعدىر بولىپ قالىپتاستى. بۇل قوس تاعدىر – تۇتاس ءبىر حالىقتىڭ تاعدىرى!

«الەمدى جۇ­رە­گىنە سىيعىزعان» اتتى كىتابىمدا ايتىلعان وسى ءبىر وي-پىكىرىمدى ونان ءارى تارقاتا سوي­لەۋدىڭ تاعى ءبىر رەتى كەلىپ تۇرعان سىڭايلى. مۇنى ۋاقىتتىڭ ءوزى ايتقىزعالى تۇر. 2011 جىلدىڭ جەلتوقسان ايىنىڭ 10-شى جۇل­دى­زىندا قازاقستان رەسپۋبليكاسى پار­لامەن­تى­نىڭ سەناتى «قازاقستان رەسپۋب­ليكا­سىن­داعى مەرەكەلەر تۋرالى» زاڭعا تو­لىق­تى­رۋلار مەن وزگەرىستەر ەنگىزۋ ارقىلى 1 جەل­­توقساندى تۇڭعىش پرەزيدەنت كۇنى ەسە­بىندە بەلگىلەپ، بۇل كۇن مەملەكەتتىك مەرەكەلەر ساناتىنا ەنگىزىلگەن بولاتىن.

ءوز تاۋەلسىزدىگىنىڭ جيىرما بەس جىل بولعان  كەزەڭنەن بەرى ەگەمەن ەل بولۋدى قا­لىپ­تاس­تىرعان جانە دە قالىپتاستىرىپ قانا قوي­ماي، تاريحتىڭ وسى ءبىر اسا قىسقا مەرزى­مىن­دە ءوزىن الەمگە تىنىتا العان مەملەكەتتىڭ ەندىگى تاريحىنان بۇل كۇن، ياعني جەلتوق­سان­نىڭ 1-ءى ويىپ تۇرىپ ءوز ورنىن الۋى كەرەك ەدى. سولاي بولدى دا!

كونە تاريحتىڭ المي­ساق­تان بەرگى قاعيدالارىنا سايار بولساق، تىرشىلىك جارالعاننان كەيىنگى بار وقيعا­لاردىڭ باسىندا تۇلعالار تۇرعان. ال ەندى قازاق ەلىنىڭ عاسىرلار بويى ارمان بولعان تاۋەلسىزدىگىن جانە سوعان جەتۋ جولىندا بىر­نەشە عاسىردىڭ جۇزدەگەن جىلدارىنىڭ قا­سىرەتى مەن زوبالاڭىن، تار جول، تايعاق كە­شۋىن باسىنان وتكەرگەن حالىقتىڭ تاعدى­رىن انىقتاپ، تۇتاس ءبىر ەلدىڭ، تۇتاس ءبىر حالىقتىڭ سول تاۋەلسىزدىگىن ءوزى جاريالاپ، سول تاۋەلسىزدىكتىڭ كوك بايراعىن ءوز قولىمەن تۇڭعىش كوتەرگەن قازاقستان رەسپۋبلي­كا­سىنىڭ پرەزيدەنتى نۇرسۇلتان ءابىشۇلى نازارباەۆ سىندى تاريحي تۇلعانىڭ ەرلىگى مەن ۇلىلىعى قازاق تاريحىنىڭ عانا ەمەس، جالپى ادامزات بالاسى تاريحىنىڭ بەتتەرىنە التىن ارىپتەرمەن جازىلىپ قويىلعانى بار.

ءبىز كۇشتى پرەزيدەنتتىك مەملەكەت قۇرۋ تاڭداۋىن وتە دۇرىس جاساعانىمىزدى ەل تاۋەلسىزدىگىنىڭ ءار جىلدارىنىڭ ءار كەزەڭ­دەرىندە ايقىن سەزىنىپ كەلە جاتىرمىز. ەڭ اۋەلى «باس-باسىنا بي بولۋدان» ادا تۇردىق تا، بۇل ەلىمىزدىڭ الەمدىك داعدارىستاردىڭ ەڭ ءبىر اۋىر دا سىندارلى كەزەڭدەرىندە تۇ­راق­تى دامۋىن قامتاماسىز ەتۋگە زور ىقپا­لىن تيگىزدى، ءالى دە تيگىزىپ كەلە جاتىر. قا­زاقستانداعى پرەزيدەنتتىك بيلىك جۇيەسى 1990 جىلعى 24 ساۋىردە ەنگىزىلدى دە، 1991 جىلعى 1 جەلتوقساندا تۇڭعىش رەت پرەزيدەنت سايلاۋى وتكىزىلدى. ءسويتىپ، ءبىز بارشا قازاقستاندىقتار ءوز پرەزي­دەن­تى­مىزدى ءوزىمىز سايلاپ الۋ قۇقىمىزدى تۇڭعىش رەت جۇزەگە اسىردىق تا، ەلىمىزدىڭ دەمو­كراتيالىق قاعيدالارعا بەرىك ەكەندىگىن الەم الدىندا تاعى دا ءبىر كورسەتىپ بەرگەن ەدىك.

ءسويتىپ, 1 جەلتوقسان – تۇڭعىش پرەزيدەنت سايلاۋىندا قازاقستان رەسپۋبلي­كاسى­نىڭ تۇڭعىش پرەزيدەنتى نۇرسۇلتان ءابىش­ۇلى نازارباەۆتىڭ بارشا قازاقستان­دىق­تار­دىڭ زور سەنىمىنە يە بولعان كۇنى. تۇتاس ەل مەن حالىقتىڭ سەنىمىنە يە بولۋ ارقىلى ەلباسى وزىنە جۇكتەلگەن بار جاۋاپكەرشىلىكتى ايقىن سەزىنە وتىرىپ، ءوز ەلى مەن حالقىنىڭ تاعدىرىن انىقتاۋدا ءوزىنىڭ پەرزەنتتىك تە، پرەزيدەنتتىك تە بورىشىن ادال اتقارىپ كەلەدى. «قازاق ەلىن، قازاق دەگەن ۇلتتى الەم ەڭ اۋەلى نازارباەۆ ەسىمىمەن، نازارباەۆ كەل­بەتىمەن تانىدى. بۇل – تاريحي اقيقات» دەگەن نەمەسە «نازارباەۆ نەنى دە بولسا ەلى­مەن بىرگە كوردى، ەلىمەن بىرگە ءتوزدى، ەلىمەن بىرگە جەڭدى!» دەگەن بۇدان بۇرىن ايتقان ويلارىمىزدى تاعى دا ءبىر قايتالايمىز، ەلباسىنىڭ قازاق ەلى تاريحىنداعى اسا ماڭىزدى ورنىن قازىر دە، بولاشاقتا دا انىقتاپ تۇراتىن ءبىر كۇن قازاق تاريحىندا بولۋى كەرەك ەدى، سول ءبىر كۇن 1 جەلتوقسان بولىپ كۇنتىزبەلىك تاريحتىڭ جىلدار جىلناماسىنان ورىن الدى.

ءبىز 1 جەلتوقساندى قازاقستان رەسپۋب­ليكاسىنىڭ تۇڭعىش پرەزيدەنتى نۇرسۇلتان نازارباەۆتىڭ قازاق ەلىن ماڭگىلىك ەل ەتۋ ارمان-مۇددەسىنىڭ جۇزەگە اسىرىلا باستاعان كۇنى دەپ تە قاستەرلەۋگە ءتيىستىمىز. ويتكەنى، ماڭگىلىك ەل بولۋ بۇگىنگى ءبىزدىڭ دە جانە بىزگە دەيىنگى دە تالاي ءبىر عاسىرلار يىنىندەگى «ەلىم-ايلاپ» وتكەن اتا-بابالارىمىزدىڭ دا اڭسار ارمانى مەن زار تىلەگى دە بولاتىن. ەلباسى نۇرسۇلتان نازارباەۆتىڭ ماڭگىلىك ەل قۇرۋ جونىندەگى وسى ويى مەن ارمان-مۇد­دەسىنىڭ تاريحي ماڭىزدىلىعىن – ءبىز تولىق سەزىنە الىپ وتىرمىز با؟ ەلورداسى استانا قالاسىندا «ماڭگىلىك ەل» مونۋ­مەنتتى قاق­پا­سى نەگە تۇرعىزىلدى؟ قازىر ءبىزدىڭ ارقاي­سىمىزدى وسى ءبىر ساۋالدار ويلاندىرۋى كەرەك تە، ءبىزدىڭ سوعان دەگەن ءوز جاۋابىمىز ءار كوكىرەكتە سايراپ تۇرۋعا ءتيىستى. ەلباسى ار­قا­لاعان ەل جۇگىن بىرگە كوتەرۋ جانە دە ەل بىرلىگىن ساقتاۋ ارقىلى ءبىز ءوزىمىزدىڭ ماڭ­گىلىك ەل بولا الاتىندىعىمىزدى كۇن سايىن­عى ىسىمىزبەن دە، ءبىلىم، بىلىكتىلىگىمىزبەن دە، ەڭبەك ەتكىش قابىلەتىمىزبەن دە كورسەتە بىلەر كەز قازىر. نۇرسۇلتان نازارباەۆ ءوزىنىڭ پرە­زيدەنتتىك قىزمەتىندە قازاق ەلىن ماڭگىلىك ەل ەتۋدىڭ بارلىق جاعدايلارىن دا، سونىڭ بارلىق العىشارتتارىن دا جاساپ بەردى، ءالى دە جاساپ كەلەدى دەپ تۇجىرىم جاساۋعا بولار ەدى. سول ماڭگىلىك ەل بولۋدىڭ ءبىر العى شارتى بولىپ سانالاتىن «قازاقستان-2030» ستراتەگياسى ەلباسىنىڭ الىستى اڭداعان، بولاشاقتى بولجاعان، كەلەشەككە كورەگەن­دى­لىك­پەن كوز تىككەن، بۇگىنىمىزگە بەل شەشىپ، ەرتەڭىمىزگە ەڭسەمىزدى تىكتەپ بارار جولىمىز ەدى. سولاي بولدى جانە سولاي بولىپ تا كەلە جاتىر!

ءبىز 1 جەلتوقساندى قازاقستاننىڭ تۇڭ­عىش پرەزيدەنتى نۇرسۇلتان نازارباەۆتىڭ قازاق ەلىن الەمنىڭ دامىعان 50 ەلىنىڭ قاتا­رىنا قوسۋ جانە باسەكەگە قابىلەتتى بولۋعا باستاعان كۇنى دەپ تە سانايمىز. بۇل ەلبا­سى­نىڭ باعزى كوشپەندىلەردىڭ تاعدىرلى تاريحتىڭ قيلى-قيلى كەزەڭدەرىنىڭ تاۋقى­مەت قۇدىعىنىڭ سۋىن ءىشىپ، اششىلى سور­تاڭى­نىڭ سورىن كەشكەن، زوبالاڭ جىل­دار­دىڭ زارىن تارتقان، تارشىلىقتان تارىلىپ تۇرالاعان، جوقتىقتان اشىعىپ بۇراتىلعان، جازىقسىز جارالانعان، ايىپسىز ايدالعان بۇگىنگى ۇرپاقتارى، مىنا بىزدەردى مىنا ءدۇ­بىرلى الەمنىڭ الامانىنا قوسقان قايىرلى كۇنى دەپ تە بىلەمىز. بۇگىنگى بىرەگەي دۇنيە­نىڭ ءبىرتۇتاس ەكونوميكالىق جۇيەسىندە نۇر­سۇلتان نازارباەۆ تالماي تاڭداپ تا، دۇرىس تا، ۇتىمدى دا ەتىپ قالىپتاستىرا بىلگەن قازاقستاننىڭ وزىندىك دامۋ جولى نەبىر سىن­دارلى كەزەڭدەردە ءوزىنىڭ ومىرشەڭدىگىن كورسەتىپ تە بەرە الدى. الەمدىك ەكونو­مي­كانىڭ ىرگەسىن قايتا-قايتا شايقاپ تۇرعان بۇگىنگى قارجى داعدارىسىنا دەس بەرمەي كەلە جاتقان قازاقستاننىڭ قازىرگى جاعدايى بىزگە وسىنى ايتقىزادى. بۇعان دەيىن ەكونو­ميكالىق الەۋەتى جونىنەن ەشكىمگە جالىنان ۇستاتپايدى دەيتىن ەۋروپانىڭ ءبىراز ەلدەرى ابدىراپ تا، داعدارىپ تا قالعان وسى ءبىر تۇستا قازاقستان پرەزيدەنتىنىڭ ەلدى يننو­ۆاتسيالىق جانە يندۋستريالىق باعىتپەن دامىتۋ باعدارلاماسىن ۇسىنۋى جانە دە مۇنى ەندىگى قازاقستاننىڭ بولاشاعى دەپ اتاپ كورسەتۋى، بۇل ۇلى مىندەتتەرگە بارشا قازاق­ستاندىقتاردى جۇمىلدىرۋى ماناعى ءبىز ايتقان ماڭگىلىك ەل بولۋدىڭ جايىن تەرە­ڭى­نەن سارالاپ، تاعى دا ءبىر ويلاستىرۋى دەر ەدىك.

ءبىز 1 جەلتوقساندى قازاقستاننىڭ تۇڭ­عىش پرەزيدەنتى نۇرسۇلتان نازارباەۆتىڭ بۇرىنعى وتار قازاق ەلىن ايداي الەمگە تانىتۋعا ۇمتىلىپ، سول جولدا ۇتا دا بىلگەن جانە دە الەمدىك ساياساتقا ولجا سالعان ۇپايلى كۇنى دەپ تە بىلەمىز. قازاقستاننىڭ كەشەگى كەڭەستىك جۇيەنى بىلاي قويىپ، تۇتاس تۇركى الەمىندە تۇڭعىش بولىپ ەۋروپاداعى قاۋىپسىزدىك جانە ىنتىماقتاستىق ۇيىمىنا توراعالىق ەتۋى جانە دە اۋزىن ايعا بىلەگەن الەمنىڭ نە ءبىر مەملەكەتتەرى ون ءبىر جىل بويى وتكىزە الماي كەلگەن، ءسويتىپ ارقاۋى بوساي باستاعان ەقىۇ-نىڭ جەتىنشى ءسام­ميتىن 2010 جىلدىڭ 1-2 جەلتوقسان كۇندەرى قازاق ەلىنىڭ استانا قالاسىندا وتكىزۋى جانە دە الەمدىك ماڭىزى بار بۇل تاريحي شاراعا قاتىسۋشىلاردىڭ استانا دەكلاراتسياسىن ءبىراۋىزدان قابىلداۋى قازاق ەلىنىڭ الەمدىك كوكجيەكتەن جۇلدىزىنىڭ جارقىراي جان­عان ءساتى ەدى. ء«بىز ءبىرىن-ءبىرى جىلدار بويى كورمەي كەلگەن ەل باسشىلارىنىڭ باسىن قوسىپ، مامىلەگە كەلتىردىك. ەۋروپا مەن ازيا ۇعىمىن كەڭەيتتىك. ءبىز الدىمىزعا قوي­عان بارلىق مىندەتتى ورىندادىق. قا­زاق­ستان ۇيىمنىڭ جاڭا عاسىردا دامۋىنا سەر­پىن بەرە الدى. بۇكىل الەم قازاقستانعا باس­قاشا كوزبەن قاراپ، ءبىزدىڭ حالقىمىزدىڭ بار­شا قۇندىلىقتارىن كوردى. ءسامميتتى وتكىزۋ بۇكىل قازاقستان حالقىنىڭ سالتاناتى، ونىڭ بىرلىگىنىڭ، بولاشاققا ۇمتى­لىسى­نىڭ دالەلى بولدى»، دەپ ەلباسىنىڭ ءوزى اتاپ كورسەتكەنىندەي، بۇل تاريحي ءىس قازاق­ستاننىڭ تۇڭعىش پرەزيدەنتىنىڭ ءوز ەلىن دۇنيە جۇرتىنا ءسوزسىز مويىنداتا بىلگەن تاريحي جەڭىسى بولاتىن. استانا ءسامميتىن وتكىزۋ ارقىلى قازاق ەلى سان عاسىرلىق تاريحى بار الەمنىڭ دامىعان، وركەنى وسكەن وركەنيەتتى مەملەكەتتەرىنىڭ قاتارىنا بارىپ قوسىلىپ، جارقىن جۇزبەن نىق بارىپ تۇرا الدى دەپ تە باتىل ايتا الامىز. ءبىز سول بيىككە كوتەرىلگەن ەلمىز، ءبىزدى سول زاڭعار بيىككە الىپ شىققان دا ەلباسىمىز، ءوزىمىز­دىڭ تۇڭعىش پرەزيدەنتىمىز!

ءبىز 1 جەلتوقساندى قازاقستان رەسپۋب­ليكاسىنىڭ تۇڭعىش پرەزيدەنتى نۇرسۇلتان نازارباەۆتىڭ ءححى عاسىردا دۇنيە تىرشىلىگى ءۇشىن جاھاندىق جاڭا قاتەرلەر بوي كوتەرە باستاعان قاتەرلى تۇستا ءتۇرلى دىندەردىڭ عا­سىر­لار بويعى ىزگى دە جاسامپازدىق مول تا­جى­ريبەسى مەن قۇداي ءسوزىن ادامزاتتىڭ بىتىم­گەرشىلىك پەن كەلىسىمىنىڭ پارمەندى قۇرالى رەتىندە پايدالانۋدى تەرەڭ سەزىنە وتىرىپ، ادام بالاسى جاراتىلىپ، ولاردىڭ دىندەرى قالىپتاسا باستاعان كەزەڭدەردەن بەرمەن قاراي تۇڭعىش رەت، ءوز ىنتاسىمەن جانە باسشىلىعىمەن 2003, 2006 جانە 2009, 2012 جىلدارى قازاق جەرىندەگى استانا قا­لا­سىندا الەمدىك جانە ءداستۇرلى دىندەر ليدەر­لە­رى­نىڭ كەزدەسۋلەرىن تۇراقتى وتكىزىلە باستاعان جانە دە ادامزاتتىڭ جاڭا مىڭجىل­دىعى­نىڭ كونفەسسياارالىق ديالوگ پەن كەڭەسىپ، كەزدەسۋلەر جۇيەسىن قۇرۋعا جول اشىلعان، وركەنيەتتىڭ قازاق جەرىندەگى توعىسۋى مەن تابىسۋلارىنىڭ باستاۋ العان كۇنى دەپ تە سانايمىز.

ءبىز 1 جەلتوقساندى قازاقستان رەسپۋب­ليكاسىنىڭ تۇڭعىش پرەزيدەنتى نۇرسۇلتان نازارباەۆتىڭ كەڭەستەر وداعىنىڭ ىدىراۋىنا بايلانىستى دۇنيەنىڭ قايتا ءبىر ءبولىسى ءۇشىن جاڭا قاقتىعىستار وشاعىنداعى ساياسات قازانى بۇرق-سارق قايناپ، وق اتىلىپ، جارىلىستار ءدۇمپۋى ەستىلىپ جاتقاندىعىنا دا قاراماستان قازاق جەرىندەگى سەمەي اتوم سىناق پوليگونىن ءوز جارلىعىمەن جاۋىپ، ءوز قولىنداعى يادرولىق قارۋدان ءوز ەركىمەن باس تارتۋىن بۇگىنگى ادامزات پەن جالپى وركەنيەتتى يادروسىز الەم قۇرۋعا شاقىرعان باتىل دا ىزگى قادامىنىڭ باستالعان كۇنى دەپ ساناي وتىرىپ جانە دە ءوز ەلباسىمىزدى يادروسىز الەم قۇرۋدىڭ باس ارحيتەكتورى دەپ تە اسپەتتەيمىز! بيىلعى جىلى «نيۋ-يورك تايمستىڭ» ەلەكتروندى نۇسقاسىندا جانە «ەگەمەن قازاقستان» گازەتىندە (27 ناۋرىز 2012 جىل) جاريالانعان ەلباسى نۇرسۇلتان نازارباەۆتىڭ «قاۋىپسىز يادرولىق بولا­شاق­قا جول سالا وتىرىپ» اتتى ماقالاسىندا: «مەن بارلىق ەلدەرگە تومەندەگىشە ۇندەۋ تاستاعىم كەلەدى: قازاقستان تاجىريبەسى كور­سەتىپ وتىرعانىنداي، ەلدەر يادرولىق قارۋ­دان باس تارتسا، ۇلكەن پايداعا كەنەلەدى. وسىن­داي وڭ شەشىمىمىزدىڭ ارقاسىندا ءبىزدىڭ ءوسىپ-وركەندەگەن جانە تۇراقتى دامىعان ەلگە اينالعانىمىزعا، الەمدە كوپتەگەن دوس­تار تاپقانىمىزعا، ىقپالىمىزدىڭ دا ارتا تۇسكەنىنە مەن ەش كۇماندايمىن. بىزگە ءوزى­مىزدىڭ بارلىق ەرىك-جىگەرىمىزدى پايدالانىپ، باسقا پروبلەمالاردى شەشۋگە جانە يادروسىز ەلدەرگە وزدەرىن قورعالىپ وتىر­عانداي سەزىنۋگە كومەكتەسۋىمىز كەرەك. بۇل يادرولىق قارۋدىڭ تارالۋىن بولدىرماۋدىڭ جالعىز جولى بولسا، ول ءوز كەزەگىندە ءولىم سەبەتىن ماتەريالدىڭ تەررورشىلاردىڭ قولىنا ءتۇسۋ ىقتيمالدىلىعىن ازايتادى. بۇل – ءبىز ەش جول بەرۋگە بولمايتىن تاۋەكەل. بىزدەر، قا­زاق­ستاندىقتار، يادرولىق قارۋ قاتەرى الاستالاتىن الەم قۇرۋعا كومەكتەسۋگە قولدان كەلگەننىڭ ءبارىن جاسايمىز دەپ سەندىرە الامىن»، – دەپ ايتقاندىعى ءبىزدىڭ ء«وز ەلباسىمىزدى يادرولىق الەم قۇرۋدىڭ باس ارحيتەكتورى» دەگەن پىكىرىمىزدى نىقتاي تۇسكەندەگى بار.

ءبىز 1 جەلتوقساندى قازاقستان رەسپۋب­لي­كاسىنىڭ تۇڭعىش پرەزيدەنتى نۇرسۇلتان نازارباەۆتىڭ حح عاسىردىڭ سوڭعى ون جىل­دىعىنىڭ دۇنيەسi بارىنشا وزگەرiپ، ساياسي جۇيەسi ءالi دە تولىق قالىپتاسىپ بولماي جاتقان ءولiارا تۇستا قازاقستان سياقتى الىپ ەلدiڭ جاڭا استاناسىن جاڭا ورىنعا كوشiرiپ الىپ كەلiپ، ەسىلدىڭ بويىنا ەل قوندىرىپ، العاشقى قازىعىنان باستاپ ءوزى قاعىپ، بۇ­گىنگى ايدىندى دا ايبىندى اقوردالى استانانى دۇنيەگە اكەلگەن، ءسويتىپ ءوز ەلى مەن ءوز حالقىنا دەگەن شەكسىز سۇيىسپەنشىلىگىنىڭ بەل­گىسىندەي ەتىپ قاسيەتتى قازاق جەرىنە، ءوز دالاسىنا تۇتاس الەمدى قوندىرىپ، ورنىق­تىرا بىلگەن، ءوز استاناسىن ءوز قولىمەن سالۋ ارقىلى ءبىزدىڭ دە ماڭگىلىك ەل بولا الاتىن­دىعىمىزعا ەڭ اۋەلى ءوز جۇرتىنىڭ دا، ودان قالدى دۇنيە جۇرتىنىڭ دا كوزدەرىن جەت­كىزىپ، يلاندىرا بىلگەن ءبىر ۇلى كۇننىڭ جاسام­پازدىعىنىڭ سالتاناتى دەپ تە تانيمىز! بۇل استانا تاۋەلسىزدىگىنىڭ ءلۇپ-ءلۇپ سوعىپ تۇرعان جۇرەگى ەمەس پە؟!

تۇڭعىش پرەزيدەنتىمىزدىڭ قازاقستان تاريحىندا تۇڭعىش رەت ەل شەكاراسىن انىق­تاپ، ونى زاڭداستىرۋى ەجەلگى قازاق ەلىنىڭ تاعدىرىن انىقتاعان كورەگەندىگى بولسا، ەۋرازيا ءبىرتۇتاس كەڭىستىگىن قالىپتاس­تىرۋ­داعى جانە شانحاي ىنتىماقتاستىق ۇيى­مىن قۇرۋداعى باستاماشىلدىعى جالپى الەم تىنىشتىعىن، ادامزات بىرلىگىن ساقتاپ قالۋداعى دۇنيەلىك ماڭىزى بار ىستەرى بولاتىن. سونداي-اق، قازاقستاننىڭ يسلام ىنتىماقتاستىعى ۇيىمىنا توراعالىق ەتۋىن دە الەمنىڭ قازاق ەلىنە، ونىڭ ليدەرى نۇرسۇلتان نازارباەۆقا دەگەن القاۋسىز بەرىك سەنىمى دەپ قاراعانىمىز دا ابزال.

ءبىز ءوزىمىزدىڭ تۇڭعىش پرەزيدەنتىمىزدىڭ بۇگىنگى داعدارىستان تولقىپ تۇرعان مىناۋ دۇنيە دارياسىنداعى تولقىندى اعىستا­رى­نىڭ سەلى مەن سەڭىنەن، داۋىلى مەن داۋىنان ءوزىنىڭ تۋعان ەلى مەن حالقىن امان الىپ ءوتۋدىڭ بار امالىن جاساپ تا وتىرعاندىعىن جانە دە ول ءۇشىن قازىر دە بولاشاقتا دا نە ىستەپ، نە قويۋ قاجەتتىلىگىن دە ۇزبەي ايتىپ كەلە جاتقاندىعىنا دا سۇيسىنۋگە ءتيىستىمىز. ەلباسى ءوزىنىڭ «قازاقستاننىڭ الەۋمەتتىك جاڭ­عىرتىلۋى: جالپىعا ورتاق ەڭبەك قو­عامىنا قاراي 20 قادام» اتتى ماقساتتى سوزى­مەن ەلدى ەڭبەك ەتە بىلۋگە ۇندەۋى جانە دە نازارباەۆ ۋنيۆەرسيتەتىندە وقىعان لەكتسياسىندا دا ءبىزدىڭ ەندىگى تاعدىرىمىزدى ءبىلىمدى ۇرپاقتىڭ ايقىندايتىندىعىن ايتا وتىرىپ، تاعى دا ينتەللەكتۋالدىق ۇلت قالىپ­تاس­تى­رۋدىڭ ماقساتتى مۇراتىن العا تارتتى. وسى ارادا ەلدىڭ جايىن دا، جاعدايىن دا ەلباسىداي ويلايىق دەگەن ءبىر اۋىز ءسوزدىڭ كوكەيگە قونعانى بولدى. تارپاڭ دا تالايلى تاع­دى­رى مەن تامىرلى تاريحى ءبىرتۇتاس تۇركى الەمى نازارباەۆتى ءوز كوشباسشىمىز دەپ تانىپ، قۇرمەت تۇتىپ، ارداقتاپ وتىرعان ەلبا­سى­نىڭ جالپى ادامزات وركەنيەتى مەن تىر­شى­لىگىن ساقتاپ قالۋداعى قادامدى دا اقىلدى، پاراساتتى دا پايىمدى قازىرگى ىستەرى بۇگىنگى كۇندەرىمىز اپتىعىپ، اسىققان اپتالارعا، ول قارايلاماي جىلجي وتىرىپ، ايلار مەن جىل­دارعا، عۇمىرلى عاسىرلارعا بارىپ ۇلاس­قان سايىن ءوزىنىڭ ماڭگىلىك مۇددەسىمەن ءۇن قاتىپ وتىراتىن بولادى.

ەندى بۇگىننەن باستاپ بۇگىنگى ۇرپاق تا، دۇنيەگە ءالى دە كەلەر تالاي ءبىر ۇرپاقتار دا تاريحي ماڭىزدىلىعى جىلدار كوشى ۇزاعان سايىن تەرەڭ ايقىندالىپ، انىقتالا تۇسەر 1 جەلتوقساندى قازاقستان رەسپۋبليكاسىنىڭ تۇڭعىش پرەزيدەنتى كۇنى دەپ ماڭگىلىك اتاپ وتەر دە، بۇل كۇندى ءححى عاسىردىڭ الىپ تا كورنەكتى تۇلعاسى نۇرسۇلتان نازارباەۆتىڭ قازاق ەلىن ماڭگىلىك ەل بولۋعا باستاعان كۇنى دەپ تە اسپەتتەي بەرەتىندىكتەرىنە دە بەك سەنىمدىمىز.

جابال ەرعاليەۆ، جازۋشى، قازاقستان رەسپۋبليكاسى پارلامەنتى سەناتىنىڭ دەپۋتاتى

Abai.kz