ىشكى ىستەر ۆيتسە-ءمينيسترى ءراشيد جاقىپوۆتىڭ ايتۋىنشا، قازىرگى زامانعى ءچيپى بار جەكە قۇجاتتارعا ساۋساقتىڭ ءىزىن دە ەنگىزۋگە بولادى، بىراق قۇجاتى بار تۇرعىنداردان ونى اۋىستىرۋ تالاپ ەتىلمەيدى.

زاڭ جوباسى داكتيلوسكوپيالىق تىركەۋدەن وتۋدەن باس تارتقان قازاقستاندىقتارعا ايىپپۇل سالۋدى قاراستىرادى. ال مۇنداي تىركەۋدەن باس تارتقان شەتەل ازاماتتارى دەپورتاتسيالانادى. جاقىپوۆتىڭ مالىمەتى بويىنشا، داكتيلوسكوپيالىق اقپارات وتكىزۋدەن باس تارتقان قازاقستان ازاماتتارى جەكە كۋالىك الا المايدى.

ۆيتسە-ءمينيستردىڭ ايتۋىنشا، زاڭ جوباسىن 2018 جىلدان 2023 جىلعا دەيىنگى ارالىقتا جۇزەگە اسىرۋعا 36,8 ملرد تەڭگە (100 ملن دوللاردان استام) قاجەت.

بيومەتريكالىق اقپارات بيلىككە ازاماتتاردىڭ جەكە كۋالىگىن جىلدام انىقتاۋعا كومەكتەسەدى جانە جالعان قۇجات دايىنداۋدى قيىنداتا تۇسەدى.