بيىل اقپان ايىندا قىرعىزستان پرەزيدەنتى المازبەك اتامباەۆ "ەۆرونيۋس" تەلەارناسىنا بەرگەن سۇحباتىندا 2010 جىلعى توڭكەرىس كەزىندە قازاقستاننىڭ قىرعىزستانمەن شەكاراسىن جاۋىپ تاستاۋىنان ادام شىعىنى بولعانىن مالىمدەگەن.

وتكەن بەيسەنبى كۇنى نۇرسۇلتان نازارباەۆ جۋرناليستەرگە بەرگەن سۇحباتىندا شەكارانىڭ جابىلۋىن "قىرعىزستانداعى تۇراقسىز ساياسي جاعدايمەن" بايلانىستىرىپ، ء"دال وسىنداي جاعداي تاعى قايتالانار بولسا", تاعى دا وسىنداي شەشىم قابىلداناتىنىن مالىمدەگەن. نازارباەۆ اتامباەۆتى سىنعا الدى. "قىزمەتتەگى باسشى ءار ءسوزىن ويلانىپ ايتۋى كەرەك" دەدى ول.

قىرعىز دەپۋتاتتارى رىسكەلدى مومبەكوۆ پەن ەۆگەنيا ستروكوۆا قازاقستان پرەزيدەنتىنىڭ ايتقاندارى شىندىققا جاناسپايدى دەپ مالىمدەدى. "نازارباەۆ ۇمىتىپ قالعان نەمەسە وعان دۇرىس اقپارات بەرمەگەن. 7 ساۋىردە باكيەۆ جۇيەسى قاماۋعا العان وپپوزيتسيا جەتەكشىلەرى مەن ساياسي تۇتقىندار عانا بوستاندىققا شىقتى. ەشقانداي قىلمىسكەر تۇرمەدەن بوساتىلمادى. سوندىقتان بلوكادانى بۇلاي اقتاۋ ورىنسىز" دەلىنگەن قىرعىز دەپۋتاتتارىنىڭ مالىمدەمەسىندە.

Abai.kz