بجعم-ءنىڭ جانىنداعى  ۇلتتىق تەستىلەۋ ورتالىعى اقپارات جانە ساراپتاۋ بولىمىنەن Abai.kz اقپاراتتىق پورتالىنا  وقۋ ساۋاتتىلىعى بويىنشا  جاريالانعان ماقالاعا وراي http://abai.kz/post/view?id=12915 تۇسىندىرمە جاۋاپ حات كەلدى. اتالعان ورتالىق تۇسىندىرمە حاتىندا «قوعامدا شۋ تۋدىرىپ وتىرعان تەست تاپسىرماسى تەك سىناما (بايقاۋ) تەستىلەرىندە عانا كەزدەسەدى. قازىرگى ۋاقىتتا اتالعان سۇراق سىناما (بايقاۋ) تەست تاپسىرمالارى بازاسىنان الىنىپ تاستالدى» دەيدى.

«بۇدان كەيىن كينو تۇسىرەمىن بە، بىلمەيمىن...» 1 ناۋرىز 2017 جىلى «ەگەمەن قازاقستان» گازەتىندە جاريالانعان ءماتىن تۋرالى تۇسىندىرمە:

1)      حالىقارالىق تاجىريبە بويىنشا وقۋ ساۋاتتىلىعىن باعالاۋدا ءار ءتۇرلى فورماتتاعى ماتىندەر قولدانىلادى. بۇل جالپىلاما جانە جالقى ماتىندەر. جالپىلاما ماتىندەرگە ءبىر دۇنيەنى كوركەم-ادەبي تىلدە سۋرەتتەۋ جانە تەحنيكالىق سيپاتتاماسىن جاساۋ، بەلگىلى ءبىر تاقىرىپتاردى تالقىلاۋ، بايانداۋ، ول تۋرالى پىكىرىن، كوزقاراسىن ءبىلدىرۋ جاتادى. جالقى ماتىندەرگە اقپاراتتىق پاراقشالار، حابارلاندىرۋلار، شاقىرۋلار، كەستەلەر جانە گرافيكالار، دياگراممالار، كارتالار ت.ب. كىرەدى.

2)           بايقاۋ سىناعىندا جاريالانعان «بۇدان كەيىن كينو تۇسىرەمىن بە، بىلمەيمىن» ءماتىنى جالپىلاما ماتىنگە جاتادى. پەداگوگيكالىق ولشەم ەرەجەلەرىنە سايكەس، وقۋ ساۋاتتىلىعىن باعالاۋ ءۇشىن ماتىندەردى ءار ءتۇرلى  اشىق دەرەككوزدەردەن پايدالانۋعا بولادى (كىتاپتار، سوزدىكتەر، ەنتسيكلوپەديالار، ءار ءتۇرلى عىلىمي-كوپشىلىك سايتتار، گازەتتەردەگى ماقالالار جانە ت.ب.) الەۋمەتتىك جەلىدە سىنالعان سۇراق بويىنشا، ءماتىن بەلگىلى كينودراماتۋرگ، رەجيسسەر ەرمەك تۇرسىنوۆپەن سۇحباتى پايدالانعان.

دەرەككوز https://www.dalanews.kz/17266 سايتى. ءدال وسى سۇحبات رەسپۋبليكالىق الەۋمەتتىك-ساياسي گازەتى «قالا مەن دالا» سايتىندا 10.07.2016 جاريالانعان.

 3) بەرىلگەن ماتىندە بەلگىلى تۇلعانىڭ جەكە ءومىرى تۋرالى سۇراق جوق. رەجيسەردىڭ وتاندىق كينو سالاسىنا قاتىستى جالپى كوزقاراسى جازىلعان.

4) بايان ەسەنتاەۆا مەن نۇرتاس ادامبايدىڭ ەسىمدەرى سۇحبات ماتىنىندە كەزدەسەتىندىكتەن، №14 تاپسىرمادا ديستراكتور (بۇرىس جاۋاپ) رەتىندە قولداندى. وسىنداي ديستراكتورلاردى ىرىكتەۋ ءادىسى تەست تاپسىرمالارىن شىعارۋ بارىسىندا (تەستولوگيا سالاسىندا) قولدانادى. ياعني، وقۋشى ماتىنگە بايلانىستى قويىلعان سۇراقتارعا جاۋاپ نۇسقالارى اراسىنان وزىنە قاجەتتى اقپاراتتى تابا ءبىلۋى كەرەك.

5) وقۋ ساۋاتتىلىعىنىڭ سۇراقتارى كەلەسى داعدىلاردى سىناۋ ءۇشىن ارنالعان: ءسوز ماعىناسىن ءتۇسىنۋ، ءماتىن قۇرىلىمىن ءتۇسىنۋ، دالەلدەر كەلتىرە ءبىلۋ، جەكە ويى مەن تاجىريبەسىنە سۇيەنە وتىرا وي قورىتۋ. ءماتىن قابىلەتتەردى قالىپتاستىرۋ، دامىتۋ جانە تەكسەرۋ ءۇشىن بەرىلگەن.

بايقاۋ سىناقتارىنىڭ نۇسقالارى ۇبت تاپسىرمالارى ەلىمىزدىڭ تۇپكىر-تۇپكىرىنەن تابىلا الاتىن، اينالىمى 200 000 داناعا جەتەتىن «ەگەمەن قازاقستان» گازەتىندە جاريالانعان. وسىلايشا، ينتەرنەت جەلىسىنە قولى جەتپەيتىن، ونلاين بايقاۋ سىناعىنان وتۋگە مۇمكىندىگى جوق الىس تۇكپىردەگى  ايماقتارداعى وقۋشىلارعا جاڭا فورمات بويىنشا ۇبت-عا دايىندالۋ مۇمكىندىگى قاراستىرىلعان. اتالعان گازەت ارقىلى وقۋشىلار ۇبت-دا كەزدەسەتىن تاپسىرمالار ۇلگىلەرىمەن تانىسىپ، ەمتيحانعا دايىندالا الادى.