كوپتىڭ تالقىسىنا ءتۇسىپ، كوڭىلدەردى كۇپتى ەتكەن اتا-زاڭىمىزداعى 26-باپ وزگەرمەيتىن بولدى، - دەپ حابارلايدى اباي-اقپارات اقوردانىڭ تۆيتتەردەگى پاراقشاسىنا سىلتەمە جاساي وتىرىپ. 

"بيلىك تارماقتارى اراسىنداعى وكىلەتتىكتى قايتا ءبولۋ جونىندەگى جۇمىس توبىنىڭ وتىرىسىندا نۇرسۇلتان نازارباەۆ قر كونستيتۋتسياسىنىڭ 26-بابىن ەسكى رەداكتسيادا قالدىرۋدى ۇسىندى" دەلىنگەن اقوردا تاراتقان حابارلامادا. 

بۇل ماسەلەنى Abai.kz اقپاراتتىق پورتالى جەرىنە جەتكىزە قوعام تالقىسىنا سالعانىن وقىرمان قاۋىم جاقسى بىلەدى. قازاق باسپاسوزىندە العاشقى بولىپ بۇل ماسەلەنى "اتا زاڭعا ەنەتىن وزگەرىستەر: اركىم - ول كىم؟" دەگەن تاقىرىپپەن abai.kz كوتەرگەن ەدى. ىلە بىرەر كۇننەن سوڭ، 26-باپ الەۋمەتتىك جەلىدەگى قىزۋ تالقىلاندى.ء بىزدىڭ پورتالىمىز ارقىلى قوعام بەلسەندىلەرى، عالىمدار، زاڭگەرلەر، زيالى قاۋىم وكىلدەرى اتالعان باپقا قاتىستى ءوز ويلارىن اشىق بىلدىرگەن ەدى. 

ەندى سول قالىڭ قازاقتىڭ قالاۋى ورىندالاتىن بولدى.

بۇرىنعى جانە قولدانىستا قالعان رەداكتسيادا

1. قازاقستان رەسپۋبليكاسىنىڭ ازاماتتارى زاڭدى تۇردە العان قانداي دا بولسىن مۇلكىن جەكە مەنشىگىندە ۇستاي الادى.

2. مەنشىك، ونىڭ ىشىندە مۇراگەرلىك قۇقىعىنا زاڭمەن كەپىلدىك بەرىلەدى.

وزگەرتۋ ەنبەك بولعان رەداكتسيادا

قازاقستان رەسپۋبليكاسى كونستيۋتسياسىنىڭ 26-بابىنىڭ 1 جانە 2-تارماقتارىنا وزگەرىستەر مەن تولىقتىرۋلار ەنگىزىلگەن:

1. «اركىم زاڭدى تۇردە العان قانداي دا بولسىن مۇلكىن جەكە مەنشىگىندە ۇستاي الادى.

2. مەنشىك قۇقىعىنا قول سۇعىلمايدى. مەنشىك، ونىڭ ىشىندە مۇراگەرلىك قۇقىعىنا زاڭمەن كەپىلدىك بەرىلەدى. كونستيتۋتسيادا وزگەشە كوزدەلمەسە زاڭدى تۇردە العان مۇلىككە مەنشىك قۇقىعىن شەكتەيتىن نەمەسە ايىراتىن زاڭدار مەن وزگە دە قۇقىقتىق اكتىلەردى قابىلداۋعا جول بەرىلمەيدى».

قوش! ەلباسىنىڭ اتا-زاڭنىڭ 26 بابىن باستاپقى رەداكتسياسىندا قالدىرۋى بۇقارانىڭ سوزىنە قۇلاق اسقاندىعى دەپ بىلەمىز!

 Abai.kz