«نۇر وتان» پارتياسىنىڭ مۇشەسى سەرىك ساپيەۆ قازاقستان رەسپۋبليكاسى پارلامەنتى ءماجىلىسىنىڭ دەپۋتاتى اتاندى.

«بۇگىن ورتالىق سايلاۋ كوميسسياسى «نۇر وتان» پارتياسىنىڭ مۇشەسى سەرىك جۇمانعاليۇلى ساپيەۆتى قازاقستان رەسپۋبليكاسى پارلامەنتى ءماجىلىسىنىڭ مۇشەسى ەتىپ تىركەۋ تۋرالى شەشىم قابىلدادى»، - دەپ اتالىپ وتكەن وسك ءباسپاسوز قىزمەتى تاراتقان اقپاراتتا.

قر وسك شەشىمى «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ 1995 جىلعى 28 قىركۇيەكتەگى كونستيتۋتسيالىق زاڭىنىڭ 46, 97-1 جانە 98-باپتارىنا سايكەس «نۇر وتان» پارتياسىنىڭ ساياسي كەڭەسى بيۋروسىنىڭ قاۋلىسى نەگىزىندە قابىلداندى.

قازاقستان رەسپۋبليكاسى ورتالىق سايلاۋ كوميسسياسىنىڭ توراعاسى ب. يماشەۆ سەرىك ساپيەۆكە قر پارلامەنتى ءماجىلىسى دەپۋتاتىنىڭ كۋالىگى مەن ومىراۋعا تاعاتىن بەلگىسىن تاپسىردى.