بۇگىن قر پرەمەر-ءمينيسترىنىڭ ءبىرىنشى ورنباسارى اسقار مامين باستاعان جۇمىسشى توپ ىسساپارمەن وڭتۇستىك قازاقستان وبلىسىنا كەلدى.

دەلەگاتسيا قۇرامىندا قر قورعانىس جانە اەروعارىش ونەركاسىبى ءمينيسترى ب.اتامقۇلوۆ، قر قارجى ءمينيسترى ب.سۇلتانوۆ، قر سىرتقى ىستەر ءمينيسترىنىڭ ورىنباسارى ع.قويشىباەۆ، قر ۇلتتىق ەكونوميكا ۆيتسە-ءمينيسترى ت.جاقسىلىقوۆ، قر ينۆەستيتسيالار جانە دامۋ ۆيتسە-ءمينيسترى ر.سكليار، قر قارجى مينيسترلىگىنىڭ مەملەكەتتىك كىرىستەر كوميتەتى توراعاسىنىڭ ورىنباسارى گ.امرين بار.

استانادان كەلگەن جۇمىس توبىنا وقو əكىمى جانسەيىت تۇيمەباەۆ شەكارا بويىنداعى 4 كەدەن بەكەتىن ارالاپ كورسەتتى.

اسقار مامين باستاعان توپ كازاق-وزبەك شەكاراسىنداعى «ب.قونىسباەۆ»، «جىبەك-جولى»، «قاپلانبەك» كەدەن بەكەتى قىزمەتىمەن تانىستى.

ساپار بارىسىندا دەلەگاتسيا مۇشەلەرى «ب.قونىسباەۆ» اتىنداعى كەدەن بەكەتىن كورشىلەس وزبەكستان اۋماعىنا دەيىن كەڭەيتۋ ماسەلەسىن تالقىلادى. سونىمەن قاتار، ولار جۇكتەردى وڭدەۋ ۋاقىتى مەن ازاماتتاردىڭ شەكارادان ءوتۋ پروتسەسىن وڭتايلاندىرۋدى جانە وزبەكستان رەسپۋبليكاسىمەن ءوزارا ءتيىمدى ساۋدا – ەكونوميكالىق  تاۋار اينالىمىن ارتتىرۋ مۇمكىندىگىن قاراستىرۋ جايىن ءسوز ەتتى.

وزبەكستانمەن اراداعى نەگىزگى كەدەن بەكەتتەرىنىڭ ءبىرى بولىپ تابىلاتىن «ب.قونىسباەۆ» بەكەتى اۆتوكولىكتەردى وتكىزۋگە ارنالعان. اتالعان كەدەن بەكەتى ارقىلى ەۋرازيالىق ەكونوميكالىق وداق ەلدەرىنىڭ، الىس شەتەل (يران، تۇركيا) مەملەكەتتەرىنىڭ  تاۋارلارى مەن كولىك قۇرالدارى وتەدى. ماسەلەن، وتكەن 2016 جىلى وسى بەكەت ارقىلى 42 مىڭ جۇك كولىگى جانە 11 مىڭ جەڭىل اۆتوكولىك قۇرالدارى وتكەن.   

ءىسساپار باراسىندا دەلەگاتسيا قۇرامى 2009 جىلى قايتا جوندەۋدەن ءوتۋ كەزىندە سالىنعان «جىبەك  جولى» بەكەتىندەگى جولاۋشىلار تەرمينالىنا باردى. زاماناۋي تەرمينالدىڭ پايدالانۋعا بەرىلۋى ونداعى جەكە تۇلعالاردى تاۋلىكتىك وتكىزۋ مۇمكىندىگىن 14 مىڭ ادامعا دەيىن جەتكىزۋگە مۇمكىندىك بەردى.

سونداي-اق، 2006 جىلى وتكىزۋ قابىلەتىن ارتتىرۋ ماقساتىندا رەكونسترۋكتسيالانعان «قاپلانبەك» كەدەن بەكەتى قىزمەتىنىڭ ايماعىندا اۋماعىن كەڭەيتۋدى تالاپ ەتەتىن كەلەس وزەنى ارقىلى وتەتىن كوپىر قارالدى. بۇگىنگى تاڭدا، وسى بەكەتتىڭ 28 مىڭنان استام جۇك جانە جەڭىل كولىك قۇرالدارىن، سونىمەن قاتار، شامامەن 2 مىڭعا جۋىق جەكە تۇلعالاردى وتكىزۋگە قابىلەتى بار.

ايتا كەتەيىك، وڭتۇستىك قازاقستان وبلىسىنداعى قازاقستان مەن وزبەكستان رەسپۋبليكاسى اراسىنداعى شەكارا جەلىسىنىڭ ۇزىندىعى 958,76 شاقىرىمدى قۇرايدى. شەكارا ماڭىنداعى كەدەن بەكەتتەرىنىڭ ينفراقۇرىلىمى بار جانە بارلىق زاماناۋي ەلەكتروندى كەدەندىك باقىلاۋ قۇرىلعىلارىمەن جابدىقتالعان. بۇل بارىنشا قىسقا مەرزىمدە ەاەو كەدەن شەكاراسى ارقىلى وتەتىن تاۋارلار مەن كولىك قۇرالدارىن كەدەندىك باقىلاۋعا جانە راسىمدەۋگە مۇمكىندىك بەرەدى. جوعارىدا اتالعان 3 كەدەن بەكەتىنەن وتكەن 2016 جىلى 6 ميلليوننان استام جەكە تۇلعا مەن 84 مىڭعا جۋىق جۇك جانە جەڭىل كولىك وتكەن.

وقو اكىمىنىڭ ءباسپاسوز قىزمەتى

اباي-اقپارات