قازاقتا "تۇك كورمەگەن" دەيتىن كەرەمەت ءسوز بار. فەيسبۋككە مينيستر مەن دەپۋتات سياقتى بىرەۋلەر تىركەلە قالسا، وسىنداعى ەلدىڭ جارتىسى ەرتەڭىندە سونىڭ دوستىعىندا جۇرەدى.

وسىلايشا الەۋمەتتىك جەلىگە كەلگەنىنە ءبىر كۇن دە بولماعان ادامنىڭ ء"اپشۋ" دەگەن ءار سوزىنە بارماعىن باسىپ قالۋعا تىرىساتىن ءلاپپايشىل قاۋىم قالىپتاسىپ، الگىنىڭ ءار پوستى مىڭداعان لايك جيناي باستايدى. مينيستر مەن دەپۋتات قانا ەمەس، جەلىدەگى ەلشىل، جۇرتشىل، ۇلتشىل بولىپ جەلىگىپ جۇرگەندەردى دە ءوزىمىز وسىلاي ەسىرتىپ الامىز. سوسىن ولار "مىنالار مال ەكەن عوي" دەيدى دە، اككاۋنتىن جاۋىپ، فەيسبۋكتە جيناعان بار بەدەلىمەن بيلىككە كەتەدى.

حالىقتىڭ نە ءۇشىن وڭدى-سولدى لايك باسا بەرەتىنىن تۇسىنبەيمىن. مۇمكىن ءوزىن كورسەتىپ قالۋعا، كوزگە ءتۇسىپ قالۋعا تىرىساتىن شىعار. بىراق ءوزىن تۇلعا ساناي باستاعاندار ءۇشىن سەن تەككە تىراشتانىپ جۇرگەن بىرەۋسىڭ. الەۋمەتتىك جەلىدەگى وسىنداي "تانىمال تۇلعالارعا" ەڭ قۇرىعاندا ءبىر كۇن لايك باسپاي قالىڭىزشى، بۇلار نەعىپ ءبۇيتتى ەكەن دەپ ورنىندا وتىرا الماي كەتەدى. ءبارىن بۇلدىرەتىن دە، ءبارىن ساباسىنا تۇسىرەتىن دە ءوزىمىز. ءبىر باسىم لايك تا كەيدە تالاي نارسەنىڭ تاعدىرىن شەشىپ كەتەدى....

جولىمبەت ماكىش

Facebook-تەگى پاراقشاسىنان